عذرية احساس :1

نهار \ خارجى

الشمس تبدو ضاحكة او ساخرة حسب موقعك فى قاعة السينما ربما تشاهدها حزينة من المقاعد الخلفية , البطل يقف على سور احد البنايات شاهقة الارتفاع فى وضع استعداد للسقوط او قل للقفز

الراوى ( voice over)

عذرية الاحساس .. الجوع الساكن امعائك فى تحدى اجبارى للنظام الغذائى

ونبض القلب اللى بيعلن بدء مواسم العشق والتنهيدة فى اخر سكة حلم طويلة

والاحزان والدمع خالى الرتوش حتى الخوف الساكن فى العتمة

اغبيا كل الادباء اللى ضيعوا وقتنا فى قراءة تعريفاتهم المستفيضة للاحاسيس

انت الانسان .. على الصفحة البيضاء بتتعرى قدامك كل الاحساسيس

بدافع الغواية او شبهة اغتصاب

ارجوك : بعد ما تعبر طوفان الدهشة اتامل لون الصفحة

وفى مكان ما من عقلك خليك عارف ان معركتك القادمة هاتكون مع الملل

بعد اختفاء اللون الابيض من الصفحة

والنهاية هاتكون هنا مع ... الغواية الاخيرة

البطل يفتح ذراعة كمن يعناق الهواء ثم يقفز

(موسيقى صاخبة )

يتبع

مواصلة

واصل حديثك للنجم الساطع هناك , فلن تخرج من ظلمة الليالى الا بخلاصة حكمة , لشاهد وقف يراقب الارض منذ ملايين السنين

سيناريو افتراضى

وإبتدى العرض الدرامى 

واقفة بتبكى ... فى الركن البعيد

فى السيناريو 

مكتوب عدد دمعتين 

وأهة واحدة مكبوتة من سنين

صوت الحكيم : البكا عهر وغواية 

اخر مزاد للمشنوقين 

بالخوف وهستريا الحنين 

قلبى فى هواكى كان وطن 

بيحدة  بحر الاسئلة 

جغرافيا فيها الامكنة 

مرسومة بشموس الصباح 

فِكرك براح الاجوبة

هايزيد هيام المعشقة

متصدقيش

فلاش باك ... لعبة منطق

فِكرك لما هاتوة فى عيونك 

هالقى بعد التوهة 

خط نهاية 

بيكشف اصل الفرح الواضح 

جوة عيونى 

لما بشوفك ابيض واسود جوة الكادر

شايلة فى قلبك 

حس سذاجة سينما قديمة 

فى عمق الكادر 

واقف هو ... راسم ضحكة 

شر هايجى 

ليل \ خارجى 

ظلام اول ... ظلام ثانى 

ظلام خامس عشر

خدعتنا الاحلام 

او جايز مخدوعة معانا 

ومنين هاتجود .. الارض البوٌر 

بغيطان الورد

شوًفان العلم 

إزاى تشوف الكون وسيع 

من خرم إبرة ملوش حدود 

فى الجهل .. طفل مفطوم عالخيال 

راسم طريقة للقمر 

ومعرفش يعنى إية جناح

او إية هايبقى .. او اية اللى راح 

( فى الاطار الدرامى)

ملوش فى صنع الحدث 

مشهد ختامى 

فارغ  جدا  مالاحداث

عبد الرحمن الابنودى : الله يجازيك ياعم عبد الناصر

لله يجازيك يا عم عبدالناصر
الليل مليّل
والألم عاصر
لسه اللي بيبيع أمته كسبان
وكل يوم
أطلع أنا الخاسر


أما انت خميت مصر دي خمة
يوم ما ناديت بالعشق للأمة
ورطتنا نعشق خريطة عبيطة
وبشر ما نعرفهاش
وبلاد.. ما بنـزورهاش
إلا.. فواعلية وبنايين وسواقين
وخدامين.. وطباخين.. وكناسين
بلاد أسافرها سعيد
ارجع حزين
حبيتها زي ما قلت لي.. واكتر
ع الأجنبي ما استكترتش عليا تستكتر
ع الأجنبي ما اتنقورتْش عليا تتنقور.
تطمع في دمعي
وف تعاسة راتبـي.
مُلهم أنا.. واعمل غبـي
وادي الألم يا عم عبدالناصر
زاحف وبيحاصر
وآدي الجميع خاسر
وآدي فجر أمتنا الجميل مغلوب
وآدي انتحار الأمة بالمقلوب
وأنا... غريب الدار..
لابسنـي توب العار
ساكن في وطني بالإيجار


قاعد أنا ع الجسر في القيَّالة
من قلب اللهيب مِنشالة
وقلبي.. ساقية حزن سَيالة
باغنـِّي..
ما اعرف مغنى والاّ عديد
زي افتكار الميتين.. في العيد.
باعاني وحداني
شياطيني لابساني
والأمة قدامي.. مفارقاني
يا رب...
ما تحببني في الناس الملاح تاني
يا رب
ما ترجعني أعشق
ضحكة اخواني
يا رب
كرهني في أوطاني


ما أخيبك أمَّة
ما أتعسك أمة
لا عقل... ولا همة...
لا مصدقه فعلك
ولا تحفظي كلمة.
أمة.. تدور وتلف..
تقيلة.. مش حتخف
حماسية... وحماسها
بكتيرُه ساعة.. يجف.
أمة بتتخابِط
أمة بتتعابط
أمة ومالهاش
لا زابط ولا رابط
ولا كبير عيلة
ولا قرابةْ دم
وفكرة وهمية
ما تورث إلاّ الهمّ...
ما تحل عني يا عم..
إحنا ورثنا كلام
إحنا تاريخنا كلام
علشان كده لما تقول..
علي طول أقول:
وبكام؟؟
ما هو حب؟؟ دبرني
وتاريخ؟.. فكرني
وطريق؟.. نورني
ومصير؟.. بصرني
ده انا بقيت عربي
من قبل ما القي
اللي يمصرني.
أنا انتمائي لأمتي...
ممسخرني.
محسوبة في الأحزان عليّ
في الفرح تنكرني
ياللي انتي لا أمة
ولا انتي أم..
فيه أم
ما تعرفش ساعة الألم..
تضم؟..


قد ما ننورها
هيه مضلمة
قد ما نعلمها..
مش متعلمة.
كل ليلة بايتة مظلومة
وهيه الظالمة!!
آخرة السكك الوعار
مجد.. متلطخ.. بعار.
قد ما نحجمها...
تفلت م الإطار!!
السلاح من صنع بره
والكلام من صنع بره
المآكل
الملابس
والهوا البارد في بيتي..
صنع بره.
لا نسجْت الهدمة..
لا زرعْت.. ولا اكتفيت
شفتها.. جريت اشتريت.
جلاّبيتي.. عمامتي.. سجادتي
وحواديت الصغار
والحلاوة: حلوة.. مرة
شغل بره.
إيه يهم
إن مت من أجل البشر
ولا سبت الديب يصرَّخ
واتغابيت؟...
أو نسيتها؟ أو اتناسيت؟؟..
الشهادة مجانية...
والبطولات...
نفحات استعراضية
والليل مليّل
والألم... عاصر
لسه اللي بيبيع أمته
كسبان..
وكل يوم..
أطلع أنا الخاسر...
الله يجازيك
يا عم عبدالناصر

 

 

عبد الرحمن الابنودى

قٌتلت مرتين 

و لى فى الارض ما زاد عن عشرون عاماً

ولم اسقط

فهل تغضب ؟

حول خضرى 

حين امشى فى محيط الافكار 

حِزامٌ ناسف

ومن خلفى جلادون 

والارض من تحتى لاتُنبت الا الالغام

فهل تغضب ؟

ورثت عن امى تسع حكايات 

وقصيدة شعر

عن الغولة وبنات السلطان

وعن القمر الذى إختار البقاء وحيداً فى السماء

فاحترفت الاستماع الى اصوات القلوب

وادمن القمر مغازلة النجمات

وأخبرنى بأنك ربما تغضب

فهل تغضب ؟

محاولة عبثية لاستحضار روح محمود درويش

للخيال شئون

يقف فى شرفة منزلة ليقابل مئات النجمات اللاتى حضرن اليوم لمباركتة على إبتسامة أخيرة نجح فى إصطناعها بعد أعوام

ومن خلفة يقف ثلات جنيات خضر يتأملن السماء المزينة بنجوم الحفل يتقدمهم القمر حاملاًً سيفا فضى مرصع بثلاث نجمات أحضرهم من مجرة اخرى بعيدة ياخذ هديتة ويشير بيدة شاكراًً كل الحضور فيهم كل منهم بالانصراف الى عملة الليلى متهامسين عن الجمال الذى منحتة تلك الابتسامة لذلك الوجة الحزين تغلق احدى الجنيات باب الشرفة وتذهب اخرى فتحضر مراة ضخمة وتصرح فى صوت خافت بانها ترى نبتة للحب خرجت من بين عينية واخرى نبتت فى قاع المحيط

يأمرهم بالانصراف فيهبط على الغرفة ظلام تتخللة اضاءة خافتة تنبع من المراة فيتجة اليها وينظر ساخر ثم يخلع ابتسامتة ويضعها فى صندوقها الذهبى .

يخرج من غرفتة يهبط سلالم القصر الاحلام تتسرب من جيبة فلا يهتم تتبعة الجنات الخضر فيأمرهم بالبقاء فيبكون يخرج من القصر فيسيرون السماء تمطر والليل كعادتة اعتيادى يتجة يمينا نحو المسجد فى باحة المسجد قطة حبلى تمشى فخورة بما تحمل يرمقها بنظرة فتخجل من الحزن الساكن فى وجهة وتتوقف عن الخيلاء يرفع يدة الى السماء داعيا الله فلا تدمع عينة الا بدمعة واحدة يقبض عليها بيدة ويخرج

الى اين ؟

البحر تقاتل امواجة بعضها بعضاً وينادية مستغيثا فيذهب الية

يسالة البحر مالحل ؟

يحتاجون لرسالة حب

اذن فاكتبها

فيبلل ريشتة بماء البحر ويكتب الرسالة ويختمها بنجمة من نجوم الكوكب الساخن ويذهب الى قاع المحيط ويغرس نبتة للحب ويلقى بالرسالة ويعود ويقرر منح البحر جنياتة الثلاث الخضر ليعلموا الامواج الحكمة من النسيان

ويعود الى حديقة قصرة يحفر قبرا ويغرس فية نبتة اخرى للحب ويموت

معذرة على الاخظاء اللغوية لو موجودة

والموت بقى ؟

الاسم لية ... مايل اوى عالسطور

والبحر لية ... معلقينة فى الصور

جنب الفاظات

والشمس لية ... بتعبوا فيها وتضحكوا

تحت الظلام

والمعنى لية هربان اوى

جوة تفاصيل البياض

والمسخ لية ....

ظاهر اوى !!!
فيين الخليفة والنخيل والارض واشجار العنب

بطلتوا لية تتعلموا
إن النهور ملهاش شطوط للانتظار




هزى قوامك وإضحكى
زيدى المعانى المزعجة
قومى بدلالك اسسى .. اخر قوانين الانصهار
ضخى الرمادى فــ العروق
ومصى بواقى الاحمرار
علميهم يجمعوا
وينسوا حقيقة الخروج
وإن العدم مش محتاج جيوب
وإن البراح ملموس فــ هستريا الفلوس
مش فــ النفوس
او معنى مقصود بالقمر
فيبان وحيد


وانت الوحيد فى الجهل مسكون بإحساس الطاووس



رتل أناشيدك وقول
يا بنكنوت يا بنكنوت
انتى الامل ... انتى العمل
انتى الحياة
وانتى الهدف ...

هاندوس ونقتل بعضنا
لاجل الالة .. لاجل الفلوس
يا بنكنوت يا بنكنوت


الطفل شارد فى الوجع

كسلان وملقاش الفلوس

والحلم مقتول فى الصبا

مفيش احلام غير بالفلوس

حتى الصباح باهت اوى

اخلق صباحك بالفلوس

قلبى بينبض بالحياة

الحب : اول بدايات السقوط

والموت بقى ؟!!
والموت بقى ....
....

صفا

فـــ أثر الخليفة المنزوى

فى عتمة الليل البهيم

قد كان مرة بيرتجل

إن الصفا ويا النفس نور

مقدرش يوصلة الشبعانين

رجل فى الحلم

أمس وخير اللهم اجعلة خير زارنى الرجل الوحيد الحقيقى القادر على اختراق أحلامى والبرطعة فيها بمزاج اهلة ،عم صلاح كلبوش صاحب اول عربية فول بموتور واربع عجلات سجلت براءة اختراعها عام 1981



وبالتحديد فى شهر اكتوبر



عزيزى القارىْ التاريخ دة مش هايلزمك فى حاجة وصلاح كلبوش وتاريخة لا يمثل اى ابعاد سياسية ولا حتى بيطرية




امس فى تمام الساعة الحادية عشر تماماً ،كنت نايم على السرير ،ويسدح فى افق الغرفة نغمات ممتزجة بصوت فنان محبب الى قلبى يغنى بحماس تلاعب باوتار عاطفتى "قبل ماتحلم فوق واحلم وانت فايق " وانا بدورى قد سرحت فى ماهية الحلم وكينونتة ، ابعادة ومساحتةوبم يقاس واى قوانين يتبع ، الامر جد عظيم يدفعك حتما للاستسلام لسلطان النوم





هكذا تبدأ الحكايات ، وما فن الحكى الا رقصة اغواء بعدها تخرج من دائرة الاختيار الى دائرة الاجبار ،تخلع قوانينك وتفكر بقوانين الكاتب قوانين الرقصة التى نجحت فى إغوائك




صلاح كلبوش يزعم ان الانسان اصلة شجرة ، ربما قالها فرويد




لتكن على علم إنى لن احدثك ابدا عنها فأنا اجهل ابجديتها تماما وتتبلور صورتها فى رأسى على إنها آمراة عرجاء ، حليقة الرأس ، تستمع دوما لتامر حسنى ،ترتدى الاصفر الاخضر ،وتستخدا اداة النفى العامية مش قبل الشى المنفى على شا كلة " مش تزعل منى يا مهند "سوف لن اشتريها ايقونة معلقة حين يقع عليها نظرى تجتاحنى رغبة عارمة فى العثيان





الاحلام دوما سيريالية لاتتبع قوانين كتابة السيناريو ،الشخصية تخرج عقيمة لاتتطور ،الحبكة توصف بالساذجة ، فى الاحلام لا توجد زروة تتجها بعدها كل العقبات للحل ، اليك الحقيقة وراء كل هذا : انا اجرى فى احلامى منذ خمسة عشر عاما اجرى من رجل مجهول



سوف اجلس يوما ما على القهوة مع سيزيف واطلب زبادى خلاط ويطلب هو حجر معسل




البنى ادمين حسب تقسيم ديستوفيسكى فى رواية الجريمة والعقاب نوعان
نوع اول صُنع لة القانون ليتبعة ونوع اخر وُجد لكى يخرق القانون ويقتل النوع الاول ، نابليون قتل الالاف وخلدة التاريخ ربما سأضطر قريبا لقتل دسوقى وخيرت لاثبت لكانى من النوع الاخر ، فلتستعدى يا كتب التاريخ




روح يا قمر الليل ونام دة السكوت زى الكلام




امس وخير اللهم اجعلة خير ، جة صلاح كلبوش قدام الجدار ، وقدام اللى بانية وقدام اللى بيعلية وقدام اللى واقف يحمية مارس هوايتة وعمل



بــــــــبــييييية

ضحك بيكدب

اضحك اضحك
اضحك جدا
خلص ضحكك ... قبل مايدن
فجر ملوهش فــــ فن النكتة



ارسم ضحكة يلا اومال
ارفع حاجب
إفرد شفة

حرك حس براءة فــــــ قلبك
وازى مابين الخوف والتوهة
ماتت روحك ولا بتعشق
نظرة شفقة
فــــ عين مخنوقة
بدمع حقيقى ماللى بيكشف
كدب الضحكة


قادر تضحك ؟!
قادر تكدب ؟!
كدب صغنن لاجل ما تضحك
ضحك بيكدب

تعديل فى الشكل الفزيائى

لما كان العالم رافع شعارات الاندهاش

كنت فاكر السما ملعب كبير للجولف من غير حفر

والارض دى حفلة سمر بيفضها اول خيوط شمس النهار

وان البحار حاضنة مداين مالدهب مسكونة غنا

الفاتحة على ارواح كل اللى ماتوا فى الصور

بواقى حلم متبروز او معنى بيكرة الطغيان

قبلك كان الشعر حزين

بعدك برضوا الشعر حزين

فرق صغير فالتكوين

قادر لسة اشق العتمة

واصبغ بكرة بلون الورد

واتورط فى العشق السرى..... مع كل جدران البيت

واستمتع بالضحك الصاخب.... ميهمش كام قبلة بكيت

فى قانون الوزن الفزيائى

وبعد اضافة كتلة دمعة

قدرت تخدع كبر رموشى

فى تناسب طردى مع الايام

مش هاقدر تانى اطير

اهداء مع خالص الود والاحترام ل.. فريدريك شوبان

رقص اباح الحلم فى حضرة المنتهى

[ فخر ]

احاسيسك انت من ورق

رافض قوانين الغرق

يفوت طوفان بالف مليون احتمال

انك صريع … فتعود ورق

قادر تفصل ضحكتك

دارس دساتير الوجع

وتبان ضعيف للاسئلة

وتبان قوى ساعة الجواب

[نقد]

مهلاً يا امير الاغتراب

قد كان منك خيانات للصباح

رقص اباح الحلم فى حضرة المنتهى

والشوق اضحى لعبة

تمليها ضحكات السمر

[ عرض = طلب ]

ادى اختيارات الطريق

وادى حدود بحر الالم

ادى اناشيد الحياة

ولاجل صعوبات المسير

ادى ارادة من فولاذ

خد نبض عايش من زمان

وامنحنى حق الاجتياز

[عرض =! طلب ]

يا طالبا للغد .. الغد لايؤمن بالتساوى

تالم وانعم بالتداوى

وانبذ احاسيس الورق

فالعرض لايمنح طلب

[ سخرية ]

واغرق فى مليون احتمال

وانى رفيق رحلة طوفان ملوش حقوق الاجتياز

وانحاز اوى للانكسار

واركع امام حيرة سؤال

واستجدى عطف الاجوبة

[ نهاية اولى ]

لما انخلق سيل الدموع

باسم فانتازيا الوجع

كان فية فراق

مكنش مكتوب ف الورق

ولا فية سذاجة اقتناع ان الفراق

يعنى افترق

ولا فية نبا

يتذاع على سمع الملاًَْْ

ان فلان قد افترق

.

.

.

عاشت احاسيس الورق

[ نهاية اخرى ]

.
.

.

.

.

تنسى

تُنسى .. كانك لم تكن تُنسى

كمصرع طائراً ... تُنسى

ك كنيسة مهجورة تُنسى

كحب عابر و كوردة ف الليل

تُنســــــــــــــــــى

محمود درويش

وقفشتك

وقفشتك مرة بتسرق .. وبرغم

 

مجاعة روحك 

من سراديب الحلم المنسية 

ضحكاية 

وبتفتح شباك على بكرة 

بغنواية 

وكانك ناسى .. او يمكن ناسى 

إن ال ........ لسة مجاش

لو افتونى

انا الأخير ف القصة يا عبلة 

ملخوم ف رفع ستارة مسدولة 

لأجل ماتنزل بكرة  من تانى 

ولو أفتونى فى المنطق

هاقول لازم يموت عنتر

لإن الحب للأحرار

منين فارس 

وإسود ف نوادى القوم 

منين عاشق وبات مهموم 

بحِلم بيكرة الصحيان 

ولو افتونى فى الفكرة 

هاقول باظت 

مفيش احلام 

واضيف للصمت احداثة 

كدة ساكت ... كدة ندمان 

كدة خايف وليا تاريخ مع الخزيان 

مفيش ف القصة غنيوة 

مفيش فى الصحرا غير غربان 

منين طالع بقى المغنى 

وكيف هاتغنى يا كروان ؟؟

بحكم العادة

بحكم العادة

 

وسط حيطان الصمت

 

لازم ترقص

حقوق الصورة 

بتتراهن مع النجمة 

بانك بكرة وف الملعب 

برغم سذاجة الفكرة 

هاتتعادل مع المنطق 

وتكسب كاس امل مكسور 

الاوراق البيضاء

قصيدة أخرى جريمة أخرى مدينة أخرى تحترف البغاء على خارطة العالم المنهار سيدق الباب تفضل سيدي كوب أخر من القهوة

(بداية الخطاب)

إلى معشوقتى الجميلة إلى الصفحة البيضاء

اكتب اليكى لأعلمك علما مسبقا قبل أن ارتكب جريمتي أنى مقدم على تدنيس طهر بريقك اللامع بقصيدة أخرى فالعشق النيرونى يا سيدتى يجرى فى دمائى يدفعنى دوما للاحراق روما تقف فى الغرفة المجاورة ترتدي الأسود ككل الليالي التي يزورنا فيها كيوبيد الحب , كيوبيد أتانا الليلة أعمى , لن يرى سحر عيون روما , لن يرى شعرها المنطلق كشعر غجرية , كيوبيد اتانا الليلة أعمى لكي لا يرى جريمتي, اى حاجز هذا الذى اختارة الموت بين الضحية والجريمة ؟ ولماذا لم يضع حاجزا مثله بين القاتل ودوافع الجريمة ؟ اى هواية تلك التي تدفع صاحبها لتكفين ضحاياة بأوراق القصائد البيضاء !


ستدق روما على الباب سيهدم عطرها كل حصونى
تفضلى يا روما كيف حالك من جديد؟
يا مدينة تحمل فى تضاريسها كل دهاليز ذاكرتى المخفية من ازمان
يا امرآة تصر على ارتذاء الاسود كتعبير واقعى للفرح

خبرينى بسرك مارسى معى هواية البوح كرجل فى مثل حزنك لماذا ؟ لماذا تنازلتى عن مكعب السكر الثالت فى قهوتك الصباحية لماذا لم تمنحى الشتاء ككل الاعوام السابقة قدسية العشق فاستحالت قطرات المطر تجاعيد اخرى اوسمة اخرى يمنحك إياها الوجع بصفتة امبراطور قلبك الجديد من بعدى وبصفتى امبراطور مخلوع ساطالبك برقصتى الاخيرة اريدها رقصة غجرية همجية رقصة اخيرة على انغام الفوضى وحين يرتفع بنا الرقص الى السماء خبرينى ما جئتى من اجلة واطمئنى فلن اسقط فالسقوط هواية الحمقى اما الشعراء فاتخدوا اغتصاب الصفحات البضاء هواية

ماذا ؟ سترحلين


إختيار سيىء للكلمات
فالرحيل عنى ليس برحيل

الرحيل عنى هو هواية السقوط
الرحيل عنى هو الخلود بين ابجدية الحروف على الصفحات البضاء

فكيف يكون الرحيل رحيلا بلا طريق
اختيار سىء للكلمات يا روما


عفوا يا صفحتى البيضاء فهنا( نهاية الخطاب) روما تدق الباب بعنفوانية الراحلين



تفضلى يا روما كيف حالك من جديد

روما : انا راحلة

الصمت فعل سادى يتلذذ فى تعذيب النفوس حتى تصمت فيصبح الصمت فضيلة الساديون

يتبع ..... برضوا

اخر مواسم الجراد

فى تحدى سافر للوجع 

طرحت دموع الامكنة      اخر معاد 

بسؤال اخير 

يا حلم يابن المستحيل 

لية بعد قومة جاى تميل 

وتقول خلاص الموت ازح 

دة التانجو مش زى الحياة 

مش بس رقصة .. وفجر واصل منتهاة 

إطلق دراعك للفضا 

حس بطوفان المعركة 

ظبط إيقاعك عالنغم 

انت الوحيد تحت السما 

يابن الليالى الميتة 

فجر الضحكة التعيسة ... وبخطوة اولى عالوجع 

إقطع شرايين الندم 

وإتامل الامر الالهى    وابتسم 

منتاش بطل 

وبليد ف فن الشعلقة 

وبخطوة جاية راح تقع 

.

.

.

.

.

يتبع

اخر مواسم الجراد

طرحت دموع الامكنة      اخر معاد 

بسؤال اخير 

يا حلم يابن المستحيل 

لية بعد قومة جاى تميل 

وتقول خلاص الموت ازح 

.

.

.

.

.

يتبع 

دة كان

كان ماشى على شط الترعة بيقول مواويل

الموت لا يشرب القهوة

الموت لايشرب القهوة هكذا قال فى احد صباحاتى المليئة بالدخان الموت لا يشرب القهوة اخبرنى بذاتة

الموت لا يعلم اى شى عن الرحيل ولا يجيد عقد الاتفاقات ولا ابرام العهود لكى يحبك الموت يجب ان تكون على هذة الدرجة من السذاجة لتسالة مثلما فعلت انا هل تجيد السباحة ؟ هكذا يخُاطب الموت بلا معطيات ودونما انتظار لبراهين ربما يصنف الموت كأكثر الافعال رومانسية فكر فيها كمشهد من فيلم عربى

فى لحظة معينة قد يصيبك بعض من الضيق لانك واحد من اصحاب الخط المسمى مجازا نكش فراخ عندما تتخذ الموت كصديق كاعز صديق ستفكر حتما فى التعبير عن مشاعرك بهدية تنقش على باب الحجرة عبارة اعيش فى الموت فهل من حبيب مثلى ( دعاية مجانية للموت ) فيخرج الخط قبيحا ليس قبح الخط عيب وانما هى صفات الموت الموت يقدس الصمت وقبح الخط سيظل يصرخ ويصرخ فى استفزاز واضح لارواح ونفوس اختارت مبدأ المشاهدة صمتا

هل الموت متمرد ؟ بعضهم قال ان الموت يزورك قبل نهايتك باربعون يوماً ليمنح وجهك ملامح الموتى

وبعضهم رجح ان الموت يزورك قبل نهايتك بقليل ليمرر حياتك امامك كشريط ربما لتعتبر او لتندم

وقالوا ان الموت يزور الانسان فى منتصف الحياة لياخذ مقاسة ويرحل فى صمت وتُنسى الزيارة ويخاط الكفن فى صمت ايضا اذا فلماذا موتى متمرد يصر على مرافقتى فى الحياة الجملة فى حد ذاتها ساخرة الموت رفيقى فى الحياة هكذا تُقال الموت يركب الاتوبيس دون ان يدفع اجرة هكذا يرافق يحب الافطار على عربة فول فى الشارع صباحا ليرى صفاء النفوس قبل ان تعكرها احداث اليوم هكذا ياكل لا يشاهد نشرات الاخبار هكذا يتفاخر

بكونة ليس من ابناء هذا الكوكب المتعصب يمشى فى الحياة دون خريطة نعم الموت متمرد يتمرد على الحياة وفى حب الموت نجاة من انيابها

فانتازيا

فانتازيا حلمك كات .... ورق
وتاريخ ميلادك كان ضباب
شئون حياة ، اتلعبكت
تدابير لبكرة ، اتفككت
صبحت مقام
لخوف خبيث ... بتقدسة
تسهرلة ليلك تحرسة
حتى الامانى إتسرسبت
وبقيت بيان للمركونين
خوفك شعار ... عجزك مثل
مستنى إية ... متموت بقى
موت
موت بقى






ولأنى خارج من بين سطور المستحيل
ونسان كدة ... مليان حنين
لــــ الأمكنة والأزمنة
والذكريات ولماضى فات

ولعشق متعفر رماد

شايلانى موجة اسئلة ترفعنى فوق المس قمر
ترمينى تحت
ادوب حياة
نفس الحياة وعشقها ماهوش ترف
اسئلنى عن سهم انحرف
ملقاش طريقة فى جتتى
انا لسة عايش بنتشى ... سكران امل
إسئلنى عن لون الغيوم
هاتلاقى ورقة فى مكتبى ... مرسوم نجوم
إسئلنى عن شق النهار .. اسئلنى عن خرم
باين فى الجدار
إسئل بسرعة عن الهوى

سارقص الى اجل مسمى

سأرقص وحدى على انغام الدبكة

سأرقص لاودع قضية ملكتنى يوم وقهرتنى اخيراً

سارقص لان القضايا الكبرى لا تودع الا رقصاً