Pages

27 January 2007

الى قلمى







حارب يا قلمى بالكلام

بدل السيوف

وارسم صورة للظلام

وكانة كسوف

واياك تحب الجاة

وتكدب كدب الملوك

واياك تخاف مالظلم

وترضى بحكم السكوت

دى الكلمة تدخل قبر الامال

تحيية

ولما بتدخل قصر الفساد

تفنية

والحلم لو تاة فى الهوى

بسحر القلم تلاقية

22 January 2007

المراة العجوز









شكرا ايتها المراة العجوز.شكرا ايها القدر لانك جمعتنى بها فى هذا الوقت فكم تعلمت منهارغم بساطة اسلوبها وعفويتها تلك العفوية التى

رسمت لى لوحة عن عصر الشهامة التى كانت تنبت فى نفوس ذلك الشعب النائم على ضفاف الوادى كم حكت لى عن ظلم الحاكم وفقر الاب وجحود الابن وخيانة الصديق وغدر الزمن الغريب انها لم تلعن هذا كلة بل لعنت نفسها تلك النفس التى حملت من الطيبة مافاق الحد المقدر

لهذا الزمن المظلم انها لم تستطع التخلى عن الطيبة الزائدة

فحين اتذكر نصيحتها لى بالتمسك بالوفاء اتذكر فى ذات الوقت ردى الثائر عليهافقد قلت لها ايتها المراء الا تنظرين لنفسك

ان بصرك قد فقد وصحتك قد تبددت ولازلتى تتمسكين بالوفاء وتسافريين هنا وهناك دون سند ولا صديق لزرع شجر الوفاء فى الربوع

تلك المراة استطاعت ان تمتص ثورتى بتلك الكلمات التى دوما اتذكرهاولا افهمها

يابنى الحقيقة دايما فى قلبك مش عقلك والحقيقة لو طلعت من قلبك وراحت عقلك هاتبقى همك

فاخذنى الصمت عن الكلام وصمتت هى الاخرى فحاولت انتهاز الفرصة لكى انام على الكرسى حتى تصل الحافلة الى بلدتى بسلام

لكنى لم استطع فجلست انتظر تلك العجوز لتتحدث وبعد فترة خرج صوتها الملى بالشجن

يابنى انا بعرف انى ست كويسة لما باحط دماغى على المخدة بنام على طول من غير مايبقى فى هم بيلعب فى دماغى

فدارت الافكار فى خيالى لتحسد هذة المراة فهى لاتحمل اى هم رغم كل مابهاهل هى قاسية على نفسها ام انها عرفت قدر الاخلاص

ام ماذا؟ وفى هذة اللحظة اذا بالكومثرى يصيح

اللى نازل المحلة يجى عن الباب

اعترف بان هذة هى المرة الاول التى لم احس ببعض النشوة لدى وصولى المحلة

يمكن السبب فى انى كنت عاوز اعرف كمان من الست دى بس يا خسارة هى مش مالمحلة هى من المنصورة

19 January 2007

حلم مسجون

حلمت وحلمى مسجون

وانا واقف على الباب سجان
وباب السجن مقفول

ومفتاحة فى بحر من النسيان

يا حلم راقد فى السجون ابكى

وللذكرى ارسم دمعتى واكتب

عن قلب طاير فى السما فرحان

دلوقتى عندة من الشجن بركان

واكتب تاريخ وفاتى

وبلاش تشطب عمرى اللى أتى

حاول ترسملى فرحة

حاول تشطبلى دمعة

حاول تبنى طريق

حاول ترسملى ضحكة

وارسملى مركب لبحرى

قبل ما اموت غريق

أصحى يا امل اصحى وفوق

بعد المغيب جاى الشروق

بعد الطوفان بيبان شطوط

بكرة الجراح تدبل تموت

رغم الكبوت

رغم صوت الظلم وقت السكوت

وانت يا طير يا عارف شكوتى

احكى حكايتى لكل قاضى
فى دنيتى
يمكن يحكم حكم عادل
فى قضيتى
ويخرج حلمى تانى ينور سكتى

يا اللى سجنتوا الحلم

الحلم ساكن فى الغيطان بذرة

الحلم صاحى فى الكتب فكرة

الحلم طالل فى اللوح رسمة

الحلم عايش جوة قلبى رغم جدران السجون

18 January 2007

زهقان

باحب اسكر بحب ادوخ
باحب اطير فوق السطوح
احب الفرح رغم الجروح
وحب مصر من قلبى قرب يروح

13 January 2007




متوقف

للامتحانات


العودة يوم

الثامن عشر من يناير

حالة طوارى

ما اخذ بالقوة لايسترد الا بالقوة
والحرب بدات
ولا بد من منتصر

08 January 2007

جدران المدينة

لقد قلت سوف اذهب الى ارض اخرى
سوف اذهب لبحر اخر
احلق فى سماء اخرى
ستوجد مدينة اخرى
افضل من هذة المدينة
كل جهد ابذلة محكوم علية
عن طريق القدر
وقلبى متل جثة مدفونة
الى متى سيظل عقلى
فى هذة المدينة القاحلة
اينما ادرت عينى
اينما نظرت
ارى الحطام الاسود المظلم
لحياتى
هنا حيث اضعت العديد من السنوات وتحطمت
لن تجد ارض جديد ولن تجد اى بحار اخرى
سوف تتبعك المدينة
سوف تطوف بك نفس الشوارع
سوف يتقدم بك العمر فى نفس الاحياء
وفى هذة المنازل سوف يشيب شعرك
وسوف تصل دائما الى هذة المدينة
ولا تأمل ان تصل الى مدينة اخرى
لا توجد مركب ولا يوجد طريق
مثلما خربت حياتك هنا فى هذة الزاوية الصغيرة
دمرتها فى العالم الكبير

فبدون اى اعتبارات ولا شفقة ولا خجل
قد بنوا الجدران من حولى
جدران سميكة عالية
والان انا اجلس هنا واشعر بالعجز
ولا استطيع التفكير فى اى شى اخر
هذا القدر يزعج عقلى لان لدى ما افعلة فى الخارج
عندما كانوا يبنون هذة الجدران كيف لم الاحظ؟
ولكنى لم اسمع البنايين ولا اى صوت
وبدون ان ادرك
انقطعت صلتى
بالعالم الخارجى

04 January 2007

اهو جة يا ولاد الكلب

كنت عارف انك لسة هنا
كتير قالولى انك مش هنا
بس انا كنت بعاند واقول انك
هنا

ايوة عرفهم قولهم ان لا اله الا اللة وان محمد رسول اللة
مش دول بس اللى خانوا
فى كتير
ياة
الصورة دى
مش انت اكيد
انا قولتلهم كدة محدش صدق

03 January 2007

استفتاحة فل


اول مرة احسن ان فى حد فاهمنى

النهاردة

اول مرة احسن ان الكلام اللى بقولة ينفع يبقى اسمة شعر

النهاردة

جانى رد على احد مواضيعى

الرد دة من راجل عظيم فعلا

وشاعر مبدع سواء عامية او فصحى

الاستاذ الكبير اوى

سيد عطية

بجد انا فرحان براية فيا



اللى قال فية




أبني الغالي / مصطفي صقرما أروعك ...

كروان حزين ينعي أساه ما أشجعك ..

فتي صغير لايهاب إقتحام دروب المباديء

ومتاهات الهوي

رائع وقصيدتك رائعة

... شكرا لهذا العمل المتميز

....وتقبل تحياتي ...


تقبل انت منى خالص تحياتى واحترامى

02 January 2007

كفاية


انا بصراحة زهقان من الكلام بتاعى

قولت اطرى القعدة واديها حتة صلاح جاهين



عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!


مش عارف اعمل اية فى الامتحانات

ام الكورس دة اخدتة تلات مرات لحد مازهقت منة

01 January 2007

الحب


الحنين جوايا عشش
واترسم جواة غناوى
واتقسم ليلى يا غالية
ايوه بينّا بالتساوى
كل دقة ف قلبى ..
ليكى نصها ..
والنص لىّ
واما القاك ف حاجة للمشاعر
بدهالك كلها وانا...
طظ فىّ
.
بقلم ولد خيبان