Pages

27 May 2009

وقفشتك


وقفشتك مرة بتسرق .. وبرغم
 
مجاعة روحك 
من سراديب الحلم المنسية 
ضحكاية 
وبتفتح شباك على بكرة 
بغنواية 
وكانك ناسى .. او يمكن ناسى 
إن ال ........ لسة مجاش

13 comments:

ســـــــهــــــــــر said...

مش مشكله ان الـ ........... لسه ما جاش
المهم انه نسى انه ما جاش
او يمكن مصدق انه هييجى ف يوم

أسماء علي said...

لسه ماجاش

و لا هييجي
بس لازم الحلم
اللي الروح بدونه
مفيش!

Saydalanya Mat7oona said...

ما هو بشر

و التصرف ده مبيطلعش غير من البشر

فن النسيان عندنا زى غريزة البقاء.....طول ما فى حاجة انت لسه خايف عليها هتغنى و هتضحك و هتنسى و هتحاول متفتكرش و تعافر عشان تقوم

:))

Saydalanya Mat7oona said...
This comment has been removed by the author.
قهوة بالفانيليا - شيماء علي said...

حتى لو ماجاش..
مش يمكن تجاهل عدم وجوده و اكتشف انه مالهوش لازمة ؟؟
:)

max.adams said...

مش بسرق ... أو بختلس بس باخد فكرة عن ال .... ازاي يكون أو يتعرف منين أو ايه ممكن أحس لما يبقى معايا
و بعد .. لسه مش عارف
و الناسي مابيفتكرش انه ناسي الا لما الناس يفكروه انه ناسي و يمكن يفتكر و يمكن لأ

واحد مش فاهم حاجة said...

سهر

فى كلا الحالتين احنا قدام حالة تخدير

عامليين زى اللى بياخد حقن مورفين للعلاج وبعد كدة بيدمنها وتبقى عندة مبدا حياة

منورانى

-----------------------

دكتورة اسماء على

خلينى اتفق معاكى انها اقصد الاحلام عاملة زى الهوا اللى اكيد اى حد بيتعاطها عشان يعيش
بس من غير خطوة لقدام بيبقى الطعم ماسخ

شكرا على مرورك اللى بعد غياب
منورانى دايما

-----------------

صيدلانية مطحونة

عريزة البقاء
بجد شكرا عالتعبير دة
بس انا لسة بحاول اعملها فى صيغة معادلة رياضية

ولسة المعادلة ناقص حتة عشان اقدر احط علامة اليساوى وانا مستريح

ايدك معانا

-------------------

شيماء على

ههههه لسة بقول نفسى اعملها فى معادلة رياضية انتى جيتى حطيتى المعطيات وكتبتى جنيها يساوى صفر

هو حل واقعى مقدرش انكر

تصدقى الحياة كدة احسن

انتى فيين من زمان

منورانى بعد غياب برضوا

---------------------

ادهم باشا بتاع الفنكوش

عارف انا دايما بكرة وجود الناس كجزء من المعادلة دى

انا + المسافة = اللى مستنية او بحلمة
+ قيمتة المعنوية

وجودهم ممكن يقلب الجزء التانى من المعادلة يخلية صفر

او يخلية كبير اكبر من الجزء الاول

مقدرش بجد استحمل وجودهم

انت اية رايك

ساعه الغروب said...

كل نقطه من النقط اللى انت كاتبها بتعنى حلم عند كل حد فينا هو مستنيه

مش هقولك اكتر من كدا

كالعاده تفوقت على نفسك

بجد رائع

انت عارف اصلا انى بحب كتاباتك جدا

يا رب بجد ربنا يوفقك لكل ما يرضاه لك فى هذا المجال

أبو العريف said...

كل دا ومش فاهم حاجه
انابقي ابو العريف بس بمعناها اللي مستخبي
يعني مش فاهم حاجه برضه بس عامل نفسي فاهم كل حاجه

جميل قوي
تحياتي

واحد مش فاهم حاجة said...

ساعة الغروب

عارف ومعتز برايك دة جدا

ايية بس خلاص

واحد مش فاهم حاجة said...

ابو العريف

يا سيدى احنا على قدنا انت بس اللى تلاقيك بتقول كدة عشان العين


منورنى المرة دى وعلى طول

باذن الله

max.adams said...

اذا كان كده ممكن نعملها متباينه

أنا + اللي بحلم بيه > المعوقات + الظروف

مش كده أحسن

Anonymous said...

انا الي قفشتك