Pages

19 June 2009

رقص اباح الحلم فى حضرة المنتهى



[ فخر ]


احاسيسك انت من ورق

رافض قوانين الغرق

يفوت طوفان بالف مليون احتمال

انك صريع … فتعود ورق

قادر تفصل ضحكتك

دارس دساتير الوجع

وتبان ضعيف للاسئلة

وتبان قوى ساعة الجواب




[نقد]



مهلاً يا امير الاغتراب

قد كان منك خيانات للصباح

رقص اباح الحلم فى حضرة المنتهى

والشوق اضحى لعبة

تمليها ضحكات السمر


[ عرض = طلب ]




ادى اختيارات الطريق

وادى حدود بحر الالم

ادى اناشيد الحياة

ولاجل صعوبات المسير

ادى ارادة من فولاذ

خد نبض عايش من زمان

وامنحنى حق الاجتياز



[عرض =! طلب ]



يا طالبا للغد .. الغد لايؤمن بالتساوى

تالم وانعم بالتداوى

وانبذ احاسيس الورق

فالعرض لايمنح طلب


[ سخرية ]


واغرق فى مليون احتمال

وانى رفيق رحلة طوفان ملوش حقوق الاجتياز

وانحاز اوى للانكسار

واركع امام حيرة سؤال

واستجدى عطف الاجوبة


[ نهاية اولى ]


لما انخلق سيل الدموع

باسم فانتازيا الوجع

كان فية فراق

مكنش مكتوب ف الورق

ولا فية سذاجة اقتناع ان الفراق

يعنى افترق

ولا فية نبا

يتذاع على سمع الملاًَْْ

ان فلان قد افترق

.

.

.


عاشت احاسيس الورق



[ نهاية اخرى ]


.
.

.

.

.


20 comments:

كلمات said...

سؤال هل ترقص على أنقاضك أم أنقاض الآخرين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
فأيامنا أوراق نكتبها دون أقلام أما
أيام الآخرين فنكتبها بدمائهم

حائر في دنيا الله said...

عارف
انا مؤمن انك بتكتب حاجات جميلة
انا متأكد انك مش مستني حد زيي يقول كدا

بس انا كتير بحس صعوبة في التعامل مع حروفك

بس بجد والله انت موهوب وفاهم كل حاجة

لك تحياتي
السلام عليكم

ساعه الغروب said...

ما شاء الله

لا لا دا انت كدا وصلت فعلا

ما شاء الله انا بجد قريته بتاع 5 مرات

عارف لما حد يحس انه اتاخر عن حاجه فعايز يلحقها اوى

انت ماشاء اله لحقت اوى وتفوقت اوى كمان



ربنا يكتبلك كل خير

بجد بجد تحياتى جدا

واحد مش فاهم حاجة said...

كلمات

الرقص بطريقة ما كان موجود على خط النهاية وانت بتعبر الخط بترتيب متاخر ورغم دة بترقص لحلم جاى بعد كدة

منورنى


---------------
حاثر فى دنيا الله

اول حاجة وياريت تصدقنى فيها بجد ومتعتبرهاش نوع من المجاملة انا شرف ليا انك بتباع مدونتى من زمان جدا من اول ما بدات تقريبا لما كانت المدونة دى لها اسماء تانية غير الاسم دة ولما كان الاسلوب بسيط وسهل
بس كل يوم كان بيزيد المعنى اللى انا عاوز اقولة ونتيجة لدة كان بتزيد الصعوبة فى التعامل مع الحروف
اللى انا مش بعتبرة ميزة خالص
وبعتبرة عيب كبير كمان
بس اناكواحد بيكتب او شاعر مش هاتفرق التسمية لسة مليش اسلوبى الخاص تلاقينى كدة بتنطط بين كذا اسلوب ومع كل اسلوب بكتب بية ببقى مش ماسك زمام الامور اوى فتلافى الفكة بتهرب منى بس دة يعتبر مؤشر حلو انى بدور على اسلوب ليا اوعدك لو لاقيتة هاتلاقى افكا كبيرة ومعانى واضحة ملفوفة فى صوة شعرية جميلة معبرة

انا مستنى ردك دايما

منورنى



--------------

ساعة الغروب

اممم انا هاسيب التعليق كلة وامسك فى وصلت دى

وصلت لحد فيين بقى

طبعا منورانى
مش محتاج اقولك كدة

انت تسال والكمبيوتر يجيب said...

واحد مش فاهم حاجه
هذه دعوه ستساعدك على الفهم ان شاء الله ...المشكله اذا فهمت حتسمى المدونه ايه؟

سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.


المدونه
http://netonradio.blogspot.com
الموقع
http://stop.to/cairo

تحاتنا وامنياتنا لك بالتوفيق

Desert cat said...

يا طالبا للغد .. الغد لايؤمن بالتساوى

تالم وانعم بالتداوى

وانبذ احاسيس الورق

فالعرض لايمنح طلب


عجبنى اوى العرض والطلب
تحياتى

عاشقة الفردوس said...

العادة
بفهم وارجع افكر الاقيني مفهمتش حاجة

واعتقد انه مبقاش واحد بس اللي مش فاهم حاجة : )

رجعت مرة اخري لاقرأ مداد قلمك

أحسن الله اليك

كلمات said...

أي حلم يمكننا أن نرقص من أجله
هل حلم عادي أم حلم استحال تحقيقه
وهل نرقص على خطى هادئة
أم رقص طائر ملك بجناحيه الكون بأرضه وسمائه

كلمات said...

أي حلم يمكننا أن نرقص من أجله
هل حلم عادي أم حلم استحال تحقيقه
وهل نرقص على خطى هادئة
أم رقص طائر ملك بجناحيه الكون بأرضه وسمائه

كلمات said...

تكتب لمن لا يقرأ لك
تنتظر من لا يأتي لك
تحب من لا يشعر بك
تلك هي الحياة
تتمنى ما لا يمكن أن يكون لك

فوكيره said...

مــصطفى

انت عبقري

ســمـــر احمد said...

هنا وجدتنى اسيرة بعض السطور ..
وكثير من الافكار و الجمال ايضا
تحية بعرض الكون لهذا الابداع الراقى

واحد مش فاهم حاجة said...

انت تسال والكمبيوتر يجيب

شكرا عالدعوة والفكرة اللى انت بتتكلم فيها فعلا تدعو للتفكير


--------------------
قطة الصحراء

هى الفكرة معروفة يعنى كلنا عارفين ان العرض والطلب فى قوانين اكون مينفعوش

بس دايما بننساها

منورانى

-----------------
عاشقة الفردوس
الاول منورانى بعد غياب

هو مش انتى فكرتى يبقى انا كدة كتبت نص كويس متمناش اكتر من كدة
اصل الفن دايما ملوش تاثير غي انة محرض وانا حرضتك على التفكير

------------------
كلمات
تفتكر فى احلام عادية
يعنى فى حلم ينفع ياخد لقب عادى

لو طائر ملك الكون بجناحية مش هايحتاج يرقص او الرقص هايكون طعمة مش لذيذ

منورنى يا فندم

-----------------
فوكيرة

عارف انك قاصدة الكلمة بمعناها ومش مكتوبة للمجاملة

بس هارد عليكى برد مقتبسة من واحد اعرفة


"منا عارف"
بس العبقرية فى حد ذاتها مش طموح

منورانى يا فوكيرة دايما وابدا



----------------
سمر احمد

الاسر بين السطور موجود هناك فى همس السمر او همس سمر
لانى لما بعدى بلاقى العقل قرر ياخد اجازة من التفكير وسمح للمشاعر والمشاعر فقط انها تنطلق براحتها فى افق رحب موجود هناك

فاانا اللى بشكرك على هذا الابداع الراقى

كلمات said...

تظن أنك حين تخفي ملامحك لن نراك
أبدا سنعرفك بكلماتك حتى وان لم تضع امضائك
فالحكمة تقول "تكلم حتى أراك"
فكلماتك هي أنت ان تركتها توهت عن عالمك
الذي لا بمكن أن تعيش من دونه

Saydalanya Mat7oona said...

خامس مرة آجى عشان أقرا نفس البوست

حته الفخر اللى فى الأول عجبتنى

البنى آدم

يفخر بحاجات يقدر يعملها
يفخر بحاجات ضد المنطق بيفكر فيها و شغلاه طول الوقت
يفخر بحاجات هو بينجح فى انه يقنع اللى حواليه انه أستاذ فيها مع أنه ولا عمره عملها قبل كده


عجبنى أوى أوى جزء السخرية اللى فى الآخر فكرنى بالبوست اللى قلت فيه اقطع شرايين الندم و اتأمل الأمر الالهى و ابتسم منتاش بطل و بليد فى فن الشعلقة و بخطوة جايه راح تقع


حلو البوست

سلامات

ســـــــهــــــــــر said...

يا اسئله .. يا دوامات
فـ ( فيه ) كتير حاجات
ما تفك لغز الاجوبه
مترتبين فوق السطور
شكل خيارات
و الحقيقه
دوامات
لقلب حيره مزمنه
مش كل اسئلتك بخوف
و لا كل اجاباتك يقين
ولا حتى شماعة الظروف
قادره تشيل اللى انكتب
صخرة سيزيف
بيشيلها قلبى
و ببتسم
بفعل رفض الانكسار
و برقص الفالس الاخير
على طرف عتبة الانهيار
و الاختيار
الرقص على فالس الالم
-------------------------
انت مش بس واحد فاهم كل حاجه
كمان حاسس
و الاحساس نعمه لكن له اثار نقمه و وجع

وجعتنى بحرفك اكيد
لكن استمتعت بالصور الفنيه جدا
تقديرى و احترامى

واحد مش فاهم حاجة said...

كلمات

هى الكلمات اساسا بتتشكل من ملامح اللى كتبها او ممكن تكون الكلمات هى اللى بتشكل ملامح الشخص

ميين لية فييين

مش فاهم



---------------------
صيدلانية مطحونة

اممم اعتبرية كسل
سامحينى بقى
هو لما قولت واقطع شرايين الندم واتامل الامر الالهى وابتسم

كنت قاصد فيها بث نوع من الحماس ممزوج بنوع من القسوة زى احساس التلذذ بالتعذيب او السادية بس كانت سادية بناء على حق او سادية مشروعة

انما هنا كنت برد عالراى الاخر بسؤال او طلب وانا عارف انة مش هايعرف ينفذة بقولة انا عندى دة كلة تعرف تاخدة وتدينى حق الاجتياز

اختارى بقى انتى اجتياز اية او اجتياز لاية

---------------------------

سهر

بجد استخلاص متميز لكل المعانى اللى عاوز اقولها وبطريقة سلسة واجمل من النص بتاعى

صخرة سيزيف
بيشيلها قلبى
و ببتسم

مفيش اجمل من كدة

الف شكر على مرورك ورايك اللى اعتز بية جدا

max.adams said...

تخيل قرأت البوست ده مرتين و في كل مرة أعلق النت يفصل .... حظي نحس زي ما هو مش هايتغير

و من رأيي

"ادى اختيارات الطريق وادى حدود بحر الالم ادى اناشيد الحياة ولاجل صعوبات المسير ادى ارادة من فولاذ خد نبض عايش من زمان وامنحنى حق الاجتياز

[عرض =! طلب ]"

كانت الأروع ... أن الاختيارات موجوده و متاحة و الألم محدود بحدود و الاراده الفولاذية تفوت في الصعاب و تنفذ من الناحية التانية

أنا سعيد جداً ....

واحد مش فاهم حاجة said...

لا يا ادهم انا مكنش قصدى كدة انا كنت اقصد ان مهما يكون عندك من اادة فولاذية وغيرها من مقومات النجاح او الاجتياز دة مش هايديك الحق انك تجتاز لان فى اعتبارات تانية متقدرش تعتبر ان المسئلة حكاية تساوى ارادة فولاذية زائد كذا وكذا وكذا يساوى اجتياز

YOTTA said...

وتبان ضعيف للاسئلة

وتبان قوى ساعة الجواب

.
.

واركع امام حيرة سؤال

واستجدى عطف الاجوبة
.

دايماً بتزعجني فكرة السؤال.. وساعات بافكر لو مفيش حاجة اسمها "سؤال".. سؤال عندي يعني "قلق وخوف" من هروب الإجابات.. وشفته كمان في أبياتك يعني "ضعف"..ا

عجبتني الأجزاءالعامية أكتر.. بس كمان حاسة ان المزج بين الاتنين غريب ومريح ف نفس الوقت..

أنا بقالي كتير مقريتش شعر عامية محترم.. وبعد سؤال مجدي نجيب ومنير
مقريتش أبيات أحلى ماللي انت كتبتها عن الموضوع ده
..