Pages

28 July 2008

السقا مات







السقا مات ........ السقا مات

فى ركنة البعيد الهادى

وارتفع

صوت الاعادى

وبان اوى بعد الرحيل

مين ولية

مفيش دليل

كل الحقايق مطمسة

زى الضباب ؛

بعد الطوفان

مفيش طريق

كل الجرايد صممت

سبب الوفاة

كان ثقب فى جدار إربتة

ادى الى تسرب قطرات الحنين

مخزون حياة العطشانين

للذكرى أو كلمة أمل


الكدب مشموم فى الخبر

طلق الغبا مسموع اوى

بيعلن ميلاد اول

غبى

بعد ما مات السقا مات

طب سين سؤال

ابن مين هذا الغبى ؟



فى البداية

نفس نقطة النهاية

دايرة طموحنا الضيقة

اليك يا سيدى مطلبك

هذا الغبى

سليل عائلات الضمير

لما انحرف

ابن السِبات ....... ابن الهِرم

ابن تعابير الالم

اللى اترسم

بفعل معزوفة بلاهة

على سمع كل اللى اختشوا

او مختشوش

فى الحقيقة ........... وبدون رتوش

هذا الغبى ...... ابن كل الاغبيا

اللى استقروا فى حزننا

ونقشوا على جدار ضعفنا

لوحة مالجهل المبين

بركات جراحكوا يا حزنانين




والسقا مين ؟؟؟

السقا بحر مالحنين

ع .. جبينو منقوش اليمين

وف ... قلبة مفتوح المزار

لية طوبة

فى اساس كل دار

السقا بيحب النهار

سجين فى صالة الانتظار

لكنة رافض الانهيار



عبى روحة فى ازايز

من غير علامة مسجلة

لاجل ما يسقى العطاشى

ويصد موج المهزلة



تقصد تقول انو انتحر

السقا بيحب الحياة

ناياتى سارح فى البلاد

بيغنى للخرص الحكاية

فنان وداير عالمسارح

فى كل انحاء الوطن

وف كل ودن

يقول يا ناس

انا اسمى فجر

واستنى يسمع يوم ادان

ومجاش ادان

لانو فجر ملوش ادان




يبقى مات والموت قدر


والفكر برضوا مات قدر !


السقا مات والموت قدر

والفكر برضوا مات قدر !!

وف البداية نفس نقطة النهاية دايرة طموحنا الضيقة

والسقا مات والموت قدر

والفكر برضوا مات هدر


يوووووووووة اقصد قدر


طلق الغبا مسموع اوى بيعلن ميلاد اول غبى

والسقا مات والموت قدر

والفكر برضوا مات قدر







27 July 2008

....................



انت يا بنى خايف لاكسب القضية

لا اطمن هاخسرها


99 فى المية هاخسرها


وللمرة المليون


هايقولوا عليا محامى حمار



حمار بيترافع عن حمار



وعايزنى اكسبها



سلام يا جو


19 July 2008

خريطة الروح






برغم عبورى بوابة العشرين عام

لازلت اقع كالاحمق

فى عشق كل فتاة

تحمل فى وجها ذاك المدعو النمش

لازلت اعتقد فية

خريطة للروح

اتحسس فية دروبها

وخباياها



برغم عبورة بوابة العشرين

لازال احمق بلا خريطة


----------------------------

احبك

وانطرد

عصفور

واسبح فى الهوا والنور


واملا الكون باغانيا

ولو كان الجناح مكسور


احبك

تستكين الريح

فى قلبى

والامانى تصيح

بحبى

واعشق التصريح

ودربى فى الضباب مغمور

احبك

تبتدى البدايات

تاخدنى ضحكتك بالذات

تعيبنى

روح وقلب و ذات

تزيدنى

كشف للمستور

احبك

ضى روحى يبان

واعبر

ضلمة الحرمان

احبك

واهجر

لعبة الاحزان

واحقق حلمنا المسحور

احبك

تستكين الريح

فى قلبى

والامانى تصيح

بحبى

واعشق التصريح

ودربى فى الضباب مغمور


على الحجار

17 July 2008

لا مش كدة


اياكش فاكر


قلبك العطشان سفر


هايغوص يادوب


شبرين


فى البحر


ويعود سعيد بالؤلؤة



ويعلقها على جدار الامانى


ويقول خلاص


جبت الحياة



11 July 2008

عالهامش






عالهامش

عايش وبعانى

احاسيس الحزن بتغوينى

دمعات الفرقة اللى فــــــــ قلبى

بتغير شىء من تكوينى

قوانين الهامش

عرفية

طالبتنى بتصريح متوثق

من حاكم ارض الاشواق

لاجل اعبر

واهرب من خوفى

وذكرى

واستوطن ارض الاحياء

تفتكرى لو يرفض هاخضع

للهامش

وقانونة العرفى

راح اراجع تاريخى السابق

قبل طوفان الحب الاول

اضراب العشاق التالت

لما افتكروا العشق مسالك

لبلوغ النجمة المجنونة

يا طبول الحرب يا ميمونة

عاوز اسمع دقك من تانى

اللى معايا

يكسر صمتة

ويقول باطل

كل اناس الهامش هبوا

وقولوا ورايا

الهامش باطل

مولاتى الحسناء فى الهودج

هل لى ان امحو

تلك البسمة

اللى عشقتك

لاجل دلالها

بعد طوفان الحب الاول

واتلو عليكى بيان الثورة


حبك باطل

يا مولاتى

التوقيع

واحد من ارض الاحياء

شى لابد منة

تساؤل لابد منة

بعد عدة صراعات مع الملل و احساس يشبة احاسيس الصور فى البراويز

اجد فى هذا التساؤل حالة هى اشبة بطوق النجاة

النجاة من التبروز او من طور التحول لمجرد ايقونة معلقة فى غرفة احدهم

لست اتساءل عن هوية احدهم هذا

سؤال عن هويتى انا

لماذا ارى الكون كلة احمق وانا العاقل

واستمر باتخاذ قرارات من شأنها عزلى انا العاقل عن باقى الحمقى

اجدنى انغمس انغماسا كلياَ فى ثقافات الكيتش

حتى اصبحت كيتش صغير يمشى فى الشوارع

موجها نظراتة للعابرين على انهم مجموعة من الكيتشاوية




اعتذار لابد منة




اعتذر وانا بكامل ارادتى لكل من حاولت جاهداَ

منعهم من ان يبدو حمقى فى نظرى

اقصد نظرى الذى راى الحمقى من زاوية اخرى خاطئة




نصيحة لابد منها


اذا وجدت افكار فى راسك تخبرك بان هذا الشخص امامك

كيتش كبير

فعليك بمراجعة اعراض الكيتش

فقد تكون انت الكيتش الاكبر


تنوية لابد منة

اول معرفتى بالكيتش كانت هنا مدونة اخر الحارة

اجد فى هذا التنوية محاولة بسيطة منى فى الا ابدو كيتش



مثال بسيط للكيتش

انك تكتب شعرك باللهجة العامية

تلاقية فى مكان تانى باللهجة الخليجية

دون اى اشارة للبنى ادم اللى كتبة

دة نوع من انواع الكيتش