Pages

21 March 2009

يتبع ..... برضوا

اخر مواسم الجراد

فى تحدى سافر للوجع 

طرحت دموع الامكنة      اخر معاد 

بسؤال اخير 

يا حلم يابن المستحيل 

لية بعد قومة جاى تميل 

وتقول خلاص الموت ازح 

دة التانجو مش زى الحياة 

مش بس رقصة .. وفجر واصل منتهاة 

إطلق دراعك للفضا 

حس بطوفان المعركة 

ظبط إيقاعك عالنغم 

انت الوحيد تحت السما 

يابن الليالى الميتة 

فجر الضحكة التعيسة ... وبخطوة اولى عالوجع 

إقطع شرايين الندم 

وإتامل الامر الالهى    وابتسم 

منتاش بطل 

وبليد ف فن الشعلقة 

وبخطوة جاية راح تقع 


.
.
.
.
.


يتبع

5 comments:

Saydalanya Mat7oona said...

موافقاك أنا جدا

لازم يتبع

مازالت مصرة على انى مش فاهمة حاجة

زى ما تكون أبو الحلم و قاعد بتبكته على عمايله السوده و درجاته اللى زى الزفت فى الامتحانات

:)
فى كلام كده فى التدونية عامل زى الومضات كل ماجى أفهم...أتحير أكتر

عجبانى أوى جملة منتاش بطل و بليد فى فن الشعلقة و بخطوة جاية راح تقع

بقولك ايه



تسلـــــم يا عم المسئول عن تعلية دماغى

:))

حائر في دنيا الله said...

يتبع
........................................................................................

حقودي said...

أحم أحم
أنا مع الموجه
هبقي مخالف يعني
يتبع
:)
تقبل مرورى

ســـــــهــــــــــر said...

الروح المتشضبه بجراح
بتإن ف صمت
و انا لما صدمت
فـ
الصوت الطالع فجأه
انكسر احساس بسكوت الروح
و كشفت
) ان حالة السلم اللى جوايا
اختراع..
و فشل (

-------------

كمل

max.adams said...

فجر الضحكة التعيسة ... وبخطوة اولى عالوجع
إقطع شرايين الندم
وإتامل الامر الالهى وابتسم


دوس عالجراح
عيش في البراح
و موت .. تحت سقف الأمل




منتاش بطل
وبليد ف فن الشعلقة
وبخطوة جاية راح تقع

و ما طار طير و ارتفع
إلا كما طار وقع


جميل الكلام...