Pages

29 January 2009

فانتازيا


فانتازيا حلمك كات .... ورق
وتاريخ ميلادك كان ضباب
شئون حياة ، اتلعبكت
تدابير لبكرة ، اتفككت
صبحت مقام
لخوف خبيث ... بتقدسة
تسهرلة ليلك تحرسة
حتى الامانى إتسرسبت
وبقيت بيان للمركونين
خوفك شعار ... عجزك مثل
مستنى إية ... متموت بقى
موت
موت بقى






ولأنى خارج من بين سطور المستحيل
ونسان كدة ... مليان حنين
لــــ الأمكنة والأزمنة
والذكريات ولماضى فات

ولعشق متعفر رماد

شايلانى موجة اسئلة ترفعنى فوق المس قمر
ترمينى تحت
ادوب حياة
نفس الحياة وعشقها ماهوش ترف
اسئلنى عن سهم انحرف
ملقاش طريقة فى جتتى
انا لسة عايش بنتشى ... سكران امل
إسئلنى عن لون الغيوم
هاتلاقى ورقة فى مكتبى ... مرسوم نجوم
إسئلنى عن شق النهار .. اسئلنى عن خرم
باين فى الجدار
إسئل بسرعة عن الهوى


10 comments:

khaled said...

السلام عليكم
دومت بكل خير .. وفى إنتظار جديدك

ساعه الغروب said...

الله عليك يا فنان


فنان لعب بالكلمات انت

ما شاء الله يعنى وبلا حسد
"""""""""
لخوف خبيث ... بتقدسة
تسهرلة ليلك تحرسة


اسئلنى عن سهم انحرف
ملقاش طريقة فى جتتى
""""""""""



رجعتنى تانى بكلماتك اقرا البوست مره واتنين وتلاته

ادام الله عليك احساسك وقلمك الفريد من نوعه


ابقى طمنا عليك ومش تغيب كدا

ربنا معاك

سلام
؛)

Ana keda said...

ولأنى خارج من بين سطور المستحيل
ونسان كدة ... مليان حنين
لــــ الأمكنة والأزمنة
والذكريات ولماضى فات

3agbtny dy awi ya
e7sas el7aneen da mo2lam awi bt7aso gawak by2lb kol 7ga ftat w ya2fk 3nd mkan gaded kol mra bt2of 3ando bs el msa7a nfsha btat3'yer
bs bgd 7lewa awiii
rag3t tany tabda3

Saydalanya Mat7oona said...

و الله ما عارفة أرد أقول ايه

عينى اتملت دموع و جمدت....و معرفتش أقول ايه

واحد مش فاهم حاجة said...

خالد

دومت بصحة وسلامة وعافية


بعون الله


---------------------

ساعة الغروب

فنان وبلعب بالكلمات كمان


وحسد كمان

لا انا كدة اتغر فى نفسى والغرور يصورلى انى الملك المعظم رمسيس التانى واروح اطالب الحكومة انى ارجع الميدان تانى وهاتبقى مشاكل بينى وبين الحكومة وانتى عارفة الحكومة ايدها تقيلة يرضيكى يوصل بيا الحال لحد كدة


بس دة بقى ميمنعش انى سعيد جدا برايك وعشانة اتحمل ايد الحكومة ورجل الحكومة وااا ونضافة الحكومة كمان وبركتها وجمالها وعزها وإصلاحها انا نسيت حد


------------------------
ana keda

ماهو الحنين دة عامل زى الخيط الاخير اللى بيربط مابين اطراف الذكرى مع انى كل واحد ماشى فى اتجاة عكس التانى لحد ما الخيط يبقى مشدود وساعتها بقى يا ترجع الحدوتة او ينقطع الحنين فعلا الحنين لعيب وحريف كمان

منورانى



--------------


صيدلانية مطحونة

انا اسف بجد لو كنت السبب فى دة انتى كدة بتاكدى الصورة اللى المرسومة عندى لكلمة فانتازيا الناس فكراها زى وضع الحاجة فى مكان غير مكانها بس انا بشوفها انها وضع الحاجة فى مكانها الحقيقى اللى غالبا مؤلم

max.adams said...

أسألك عن خرم جوه النفس
و خرم تاني في الشراب

خرم باين من بعيد
و خرم تاني مرشوق فيه مسمار

ولما الخرام اتبهدلت و اتسددت
بعتو المصايب تجدد الاخرام

وعليا أي حاجه في أي حاجه إن كنت فاهم أي حاجه سواء كلامك أو حتى كلامي

واحشني كلامك " آسف على الغياب "

ســـــــهــــــــــر said...

من اخر السطر اللى فاتنى
و لاول السطر الجديد
مشوار بعيد
قلبى العنيد ..
ولا كَـلّ من كتر الخطاوى المنهكه
و لا يوم بكى
و لا بعتر الغنوه ف دموعه
بكلمتين
ماشى يدندن ع الطريق
انا مش بعيد
_____________________

كان بقالى كتير نفسى اقرا شعر يلمس روحى

واحد مش فاهم حاجة said...

فنكوش باشا

اهلا بيك فى منطقتنا اللى نورت بحضورك المبجل

يحكى قديما ان احد العرافات قد قالت لعبد الحليم حافظ رحمة الله بانة طريقك مخروم مخروم يا ولدى بس هايعمل اية يعنى يقعد على قارعة الطريق ويندب حظة لا يجوز

المدونة دى بتاعتك يعنى متجيش تانى وتقعد تقولى اسف والحركات دى انت تدخل حتى من غير ما تخبط عالباب






-----------------------------

سهر

المدونة كلها فى الخدمة

بس عاوز اقول ملحوظة الشعر اللى يمس الروح بحق وحقيقى هو اللى موجود فى مدونتك بدون ادنى مبالغة بدليل انى كل ما بعدى من هناك واقرا اشعارك بخرج بدون ادنى قدرة على وضع تعليق لان الكلام واصل لدرجة جمال لايجوز معاها التعليق

Reliable Hosting Service said...

you've a very nice method to show your creation in using this kind of words However I can say as a blind you're extremely sad like most of arab blogers mmm at all Waiting more and more

RTS said...

نحب نسمع كلامه
ونموت فى دباديب خطابة
مشاعره سايقة دلالها
ع الكل والكل عاشق