Pages

21 June 2007

فيين الحقيقة يا خال


جربت احلم بالحقيقة
لاقيتنى غرقان فى التمنى
حاولت اختارلى طريقة
لاقيت طريقى الصعب هزمنى
لاقيتنى عايش
انسان عبيط
ماسك فى خيط
دايب ضعيف
وقعنى قسمنى
بين نص تاية فى المعانى
ونص خايف مالحقيقة
عيشت بحلم بالاغانى
كانت مشاعرى لسة بريئة




وفتحت بابى
على شط حلمى
لاقيتة راكب
مركب مفارق


ولية مفارق؟
رد وقالى انا حلم كاذب

لشخص هايم
فى الوهم غارق


شوفت هناك
يافطة بعيد
بتقولى ابعد
بلاش تقرب
انا قولت اقرب
يمكن يكون حلمى الحقيقى هناك
ومتغرب

لاقيتنى برضوا

لسة عبيط
ماسك فى خيط
واقف ببص
عالدنيا ومستغرب

18 June 2007

ماتيجى نصلى عالنبى


كل مكروباص ولية سواق وكل سواق ومعاة تباع وعشان السواق والتباع يشتغلوالازم فى ركاب
ومدام فى ركاب يبقى احتمال كبير انك تكون واحد منهم ماااااا علينا
لكن اية احساسك لما يكون السواق اللى سايق متهم فى قضية مخدرات
واية مدى الزهول اللى ممكن توصلة لمايكون اللى قاعد جنبك واحد مهدد بانة يتحبس سبع سنين
وفى نفس الوقت مروق دماغة وبيسمع الفنان العربجى الكبير سعد الصغير
وسمفونيتة العظيمة بحبك يا حمار
طيب ومؤشر الزهول عندك يوصل لحد فين لما تعرف انة اتمسك بالمخدرات دى
بعد اسبوع واحد من جوازةطيب انت ممكن تتعصب لما تعرف انة اصلا ملوش علاقة بالمخدرات دى
وانة مجرد سواق اطلب مقابل اجر مادى بس كان زيادة حبتين


طيب يا اسطى انت هاتعمل اية ؟
هاعمل اية بس يا صاحبى اهو حظى كدة
انت معاك محامى حلة يا اسطى؟
بص يا صاحبى لما المحامى الحلو يطلب 7000 جنية اجيبهم منين انا عالعموم انا جيب محامى من عندنا فى البلد لسة متخرج قريب من حقوق واهو ينفع برضوا
تعرف يا اسطى انك مقدمكش الا ربنا

انت بتصلى يا اسطى؟
اة كنت بصلى لما كنت فى السجن فى الاربعين يوم اللى اتحبستهم على ذمة التحقيق قبل ما اخرج بكفالة بس دلوقتى بصلى عالنبى




انا مش بحكى دة كلة غير لسبب واحد بس حاجة مش فاهمها كالعادة نفسى اعرف هو احنا كمصريين جتتنا نحست اصلى لاحظت حاجة لاحظت اننا الشعب الوحيد اللى عندة فقر وعندة امراض وعندة حاجات كتير وحش وفى شعوب كتير زينا بس احنا الوحيدين اللى صابريين

16 June 2007

كلمة فى ودنى

مابين توهة وتوهة

بتوة فى توهات اكتر

ومش عارف انا ماشى ولا عن الركب بتاخر

للحلم راكب فرصتى

والفرصة هايجة

بتتنطط
خايف اقع وبتراب اليائس اتعفر

لكن راكب
ومستنى اشارة

تقولى اتقدم او اتاخر


15 June 2007

تناقض


مسكت الناى قعدت اعزف بلحن الفرح فردانى

ندهنى الفرح وقالى اسكت دة صوت اللحن بكانى!!

واية ذنبى بانى ابكى فى عز الفرح ما جانى؟

زعلى فرحى وقالى اسكت حوالينا قلوب وبتعانى

10 June 2007

المعنى عندى وبس


عن الرحلة والرحلة الموازية اتحدث عنى الان وعنى بعد مرور الزمان
اتسائل عن معنى فى نفسى ومعنى تجبرنى الحياة على اكتسابة
المعنى عندى هو اللاحدود للحلم واللاوجود للمعرقلات
والمعنى عندها هو ان اكون انا كما كونت وان ابقى خلف
تلك الجدران التى بنيت ولم اعلم من بناها ولم اسمع لهم صوتا
حين اتعمق فى التفكير تجبرنى كل المعطيات على الوصول الى حقيقة معنى الحياة
ساظل انا ذلك الفتى الذى يعشق الجلوس على مكتبة الاخضر
ويضع امامة كوب الشاى الذى لم يستطع حتى الان تناولة ساخنا
رغم انة محاط دوما بذلك الدخان الساخن المنبعث من سجارتة التى لا تنتهى ابدا
تلك هى الصورة التى تراودنى
لكنى حين اخرج من من تفكيرى هذا
ادخل لما هو اعمق انها دوامة حلمى التى لا يدخلها غيرى ولا يعلم عنها غيرى
احملينى ايتها الثائرة ................... اقذفينى اعلى
ارفعينى الى ما اريد................... ان اصل الية
فلا هواء يعوق ولا سحاب يمنع

الان
انا وصلت نعم وصلت
لم اصل لحلمى لكنى وصلت لبداية الطريق
يوجد هواء يعوق نعم
يوجد سحاب يمنع نعم
لكنى ساصل فلا حدود للحلم لكن هناك وجود للمعرقلات
وعلينا العبورحتى نصل
لكنى الان اتسائل

هل حقا ساصل؟

نعم

ولابد


ممكن


احتمال

انسى ياعم الحاج


مش ممكن


03 June 2007

مش خدامة

ا
اكتب يا تاريخ

بنت النيل

هاتصير خدامة


يا خسارة يا مصر

يا خسارة يا نيل


تبقى اميرة او خدامة انا لية زعلان
منا برة وجوة بلادى اكيد متهان
الذل حاصرنى والجبن قتلنى
وبلادى الحرة بقت

خدامة بين الاوطان

دى كلاب وبتنهش
ومتعرفش كرامة

ولا اية انسان

ولا معنى مكان