Pages

31 July 2009

ضحك بيكدب




اضحك اضحك
اضحك جدا
خلص ضحكك ... قبل مايدن
فجر ملوهش فــــ فن النكتة



ارسم ضحكة يلا اومال
ارفع حاجب
إفرد شفة

حرك حس براءة فــــــ قلبك
وازى مابين الخوف والتوهة
ماتت روحك ولا بتعشق
نظرة شفقة
فــــ عين مخنوقة
بدمع حقيقى ماللى بيكشف
كدب الضحكة


قادر تضحك ؟!
قادر تكدب ؟!
كدب صغنن لاجل ما تضحك
ضحك بيكدب

9 comments:

أبو العريف said...

حلو قوي الموضوع

متماشي كمان مع دعوه

اطلقها بعض المدونين

لجعل يوم 10 اغسطس هو يوم للبهجه

كل الناس تنزل بوستات مبهجه


عشان نسمع كلامك

ونضحك

تحياتي

واحد مش فاهم حاجة said...

للاسف الشديد مؤهلاتى للمشاركة فى يوم البهجة كلها رجعت بنتايج سلبية لان كان الشرط ضحك حقيقى وانا بضاعتى كلها ضحك بيكدب

سامحنى المرة دى يابو العريف ولسة بدرى على يوم عشرة اوعدك اجيب بضاعة جديدة تنفع لليوم دة

منورنى

ســـــــهــــــــــر said...

من زمان مفروض علينا -- الكلمتين --
الضحكتين الگدابين
المحتارين
لحد امتى
نهار يخاصم-- و ليل يقاسم -- كل نقطة ضي غلطت جت ف غفله م الطريق
و الغريق -- ما بقاش بيتعلق بقشة -- رفيق
--------
دايما ف نصك بتدوس بالحرف علي الوجع
جاااامد
بس النص جماله بيشفع للوجع

smraa alnil said...

حلو اوي ضحك يكدب

مش عارفة ليه حسستني بالحزن اوي لما قريتها

واحد مش فاهم حاجة said...

المسخ راسم طلتة
فوق وشوشنا بكلمتين
الفرض كان فية اباحة
لضحكة نابضة بالحنين
بس ميين يقول امين

انا اللى بيبهرنى قدرتك على التعليق على الشعر بشعر بيعبر عنة فى منتهى الجمال دة

شكرا بجد


-----------------------
سمراءالنيل

ام حنين منورانى هنا يا مرحبا

ماهو الضحك اللى بيكدب دايما مش صادق حتى مع نفسى

Anonymous said...

جايه على الوجع و فوقتها اوي
احاسيسها معبره جدا تسلم ايديك
كان نفسي ارد في وقت احسن من كده عشان اقول ان لسه في امل طول ما لسه فينا نفس
بس اكيد برده فيه امل مش كده
ربنا يبعد عننا الأحزان و نعرف نضحك ضحكه صادقه من القلب

Anonymous said...

نسيت اقول كمان ألف مبروك النتيجه و يارب دايما جميله

micheal said...

تفتكر لو الواحد كدب علي روحه وضحك ممكن ده يعمل فرق؟
أحييك ع البوست يا باشا
تحياتي

واحد مش فاهم حاجة said...

مجهول

شكرا الاول على التهنئة

هى لو مجتش عالوجع هايجى بدالها الضحك اللى بيوجع اعتقد الصدق بيبقى انسب فى الوقت دة وانسب دايما يمكن حتى يخليك تاخد لقب انك بنى ادم حقيقى وهو معنى اعمق من الحوف اللى بين الحاء والياء

تحياتى



-----------------------------
micheal

مليون فى المية فى فرق انك بتيجى على نفسك اكتر

انا اللى بحييك وبشكرك على زيارتك
انا متابع الانترفيوهات بتاعتك بشغف
مش عارف ينفع اقولك يارب اتابعها على طول ولا اقولك يارب الحلقة الاخيرة تيجى بقى

منورنى