المية راجعة للشقوق
والطير ياعينى
بيتعايق
بالشروق
والحلم جاى
بيقولى اصحى
اصحى وفوق
شق الطريق جوة السعادة
وارقص لها رقصة تمنى
على لحن من عزف الامل
تحت الشروق
واشطب فروق
شدة الدموع
من العيون
وبتروى بيها
شجر الخضوع
شباك فتحتة
لية تقفلة
وتبدلة
بحزن ساكن فى الضلوع
اما عبيط
اللى يصدق
كلمة قالها
واحد تانى عبيط
فى لحظة شاردة من العباطة
والهبل
ان الامل
مش من هنا
ولا يقدر يعيش على جونا
ولا عمرة خطى فى ارضنا
خطوة واحدة
للسعادة
مش هى دى برضوا العباطة
والهبل
فيين الامل
الامل
ا
م
ل
الامل فى عيون
عبد تايب
الامل
فى طريق ابن
سايب
ام بتدارى العيون
لاجل الامل
برجوع الحبايب
الامل
عكس الشجن
الامل
زى الطيور
بيعدى سور
من بعد سور
وصعب جدا يتسجن
28 comments:
وبتروى بيها شجر الخضوع شباك فتحتة لية تقفلة وتبدلة بحزن ساكن فى الضلوع اما عبيط اللى يصدق كلمة قالها واحد تانى عبيط فى لحظة شاردة من العباطة والهبل
يا سلام عليك يا صاصا
الاحساس الأبدي في حين سوء الفهم
ايه دا أنا كنت أول تعليء ههع ههع أنا مش مسدء نفسي
لولولولولولوي
الامل
زى الطيور
بيعدى سور
من بعد سور
وصعب جدا يتسجن
كان نفسي ف حاجه حلوه زي دى منك من زمان
صورة بوجى فكرتنى بحاجات جميلة كتير
:(
المية راجعة للشقوق
والطير ياعينى
بيتعايق
بالشروق
والحلم جاى
بيقولى اصحى
اصحى وفوق
شق الطريق جوة السعادة
وارقص لها رقصة تمنى
على لحن من عزف الامل
الله علييييييييييييييك يا فنان
مدونتك لطيفه...الله يرحم يونس شلبى
ابو الفناكيش
هو دة بالظبط
الاحساس الابدى
والنظرة الابدية
nile queen
انا برضوا كنت محتاج حاجة زى دى منى
مش حارمك من اى حاجة اهو
جيداء
احنا اصلا جيل
اتربى على بوجى وطمطم وبكار
وفطوطة
تحياتى على مرورك الجميل
مها
هاقول اية ؟
شكرا
حامد
الله يرحمة
شكرا على مرورك
تحياتى
اه والنبي حبة امل
جميلة اوي بجد
تسلم ايديك
السلام عليكم
الامل لازم يعيش جوانا لازم يكون موجود لاتة لو مات وراح ضاعت الحياة من ايدنا
خلى عندك امل ديما فى بكرة يكون احلى واحلى من امنبارح
ربنا يوفقك ويكرمك
تحياتى
aالسلام عليكم ورحمة الله وبركاته
حبة أمل مكتوم
أنا حاسه العنوان كده
تعبير صادق مبدع يا أستاذنا
هنقول ايه بس امال مين الى فاهم
طب يعنى أنا غيبت حضرتك ما تسألش
يالا خير
المدونة لازالت ترحب بجميع الى مش فاهمين بس بشرط يكونوا مش فاهمين زى حضرتك
وحبة أمل مكتوم
قولنا نطلعهم للوجود
يمكن فى يوم يصبح الأمل موجود
والسلام عليكم ورحمة الله وبركاته
حلوة اوى
كلها إحساس عالى المستوى
ياريتنى زورتك من زمان
تحياتى وتقديرى لك
انا قولت بقى انا غالى عندك لدرجه دى
الراجل سمع كلامى وهيدينى أمل
روح منك لله
هههههههه
الله يرحم يونس شلبى
شكرا بجد على اعطائى بعض الامل بكلمات بسيطه فى لحظات ياس مريره
الحياه من غير أمل يعني موت واحباط
sahr
شكرا يا سهر على مرورك
ويارب يفضل جوانا حبة امل
تامر نبيل
الاول سعيد جدا بوجودك فى مدونتى
بعد فترة غياب
ومعاك فى الراى
ان الامل هو الشعاع اللى ممكن يرجع النور
بعد الظلمة الطويلة
تحياتى
الجميلة مؤمنة
بجد زى ماتكونى حاسة شعورى وانا بكتبها
كنت عاوز اكتب حاجة فيها تفاؤل
وحاولت على قد ماقدر
بس كلماتى فضحتى
لانى حاسس ان الامل بقى شى غريب علينا
بس موجود
كامليا
انا اتشرف بزيارتك
واتشرف برايك
وراى اى حد سواء كانت محتواياتة
مادام حس بكلماتى
تحياتى
واديها امل
سى السيد
والله كاتبها علشانك
واهى طلعت بتشر امل
حوش الامل اللى بيتدلدق
ومتحرمش نفسك من حاجة
رئيس جمهورية نفسة
معاك رئيس جمهورية النفس اللى جنب نفسك
دة شعارى التانى بعد مش فاهم حاجة بصرة يعنى
انا اكون اسعد انسان فى الدنيا
لما اشوف كلامى بيوصل شعور حلو للناس
هى دى احلى حاجة فى الامل
مكسوفة
ببقى سعيد جدا بمرورك
وعاوز اقول
ان الحياة بدون امل احباط ثم موت
والموت بيكون فى الحالة دى
هو قمة الراحة
البوست اكثر من رائع
يرحم الله من البسيط خفيف الظل
الطيب يونس شلبى
تعب فى حياته فليعوضه الله خير
بجد بوست جميل اوى
بارك الله فيك
عصمت
ربنا يرحمنا جميعا
تحياتى على مرورك
ربنا يرحمه و يرحمنا جميعا
ربنا يسكنه فسيح جناته
يا رب
Post a Comment