Pages

10 November 2007

كلمتين وبس

بصى يا مدونتى يا حلوة يا سمرة

الحكاية يا قمر مش حكاية ماتش

ولا حكاية حكم ظلم الاهلى فى ضربتين جزاء

ولا حكاية بركات اتظلم

ولا حكاية ان اللعيبة بتاعنا بيستهبلوا
ولا حتى حكاية ان جوزية هبل فى الخطة

تحبى تسمعى منى الحكاية


بس وحياة ابوك قولها مالبداية


هيا حكاية شعب

بحالة نفسة يفرفش نفسة يعلى
يبقى الاول
لان الشعب دة جواة جينات عاوزاة يبقى الاول
يا حلوة الحكاية
حكاية شعب كان الاول
فى التعليم
دلوقتى مفيش تعليم
حكاية شعب كان الاول
فى الطب
سلميلى يا خالتى عالطب
حكاية شعب كان الاول فى الفن
وسينما وحتى فى الذوق
وعالم الابداع بيطلع منها بروقان
واحلى من الشرف مفيش

حكاية ادباء وفنانين وعلماء وناس غلابة وفلاحين
كانوا الاول

واللى يعرف الاول

يبقى عاوز يموت لما يكتشف انة بقى الاخير

الشعب يا حلوة ياسمرة صحى

لاقى نفسة الاخير
الاخير خالص

وكل اللى يسبقة
يعدى علية ويتف
ويطلعلة لسانة

عرفتى يا هبلة
قصدى يا سمرة
حكاية الشعب





مش كدة ولا اية

الله يرحمك يا فؤاد يا مهندس

كنت راجل رايق
زيك زى الشعب



4 comments:

FrEe.PhArAoH said...

مؤلم البوست

مش عارف اعلق :(

تحياتى

klmat said...

الله ينور عليك
هى دى الحكايه
حاسيين بالفشل فى كل جاجه
ونفسنا نفرح ونشوف
بصيص امل
انت عبرت عن اللى جوانا
باسلوب جميل وواقعى
انت فاهم كل حاجه
بوست رائع
تحياتى لك

واحد مش فاهم حاجة said...

الفرعون العاشق

يارجل والله انت بتهزر

فينك من زمان

بقالك اكتر من 6 شهور

محدش شايفك عالشبكة العنكبوتية

واحد مش فاهم حاجة said...

كلمات

شكرا ليكى على رايك
بس المبدا
مش فاهم حاجة

ممنوع التغير

ويمكن بنبقا عاوزين بصيص امل

بس مش عارفيين لية