Pages

21 November 2007

ترقص ارقص غصب عنى ارقص






رعشة

فى ايديا
بتهزنى
وشى
جوايا
بيشدنى
بيقولى
اكتب
عنها
عن بنت
بكر
وفضها
شوية ديابة
ميعرفوش
ايه
هو
معنى اسمها

قومى
ارقصى
معايا رقصة
بطول الطريق
هانحكى قصة
عارفها التاريخ

اصل
الشرف
مش بس مكتوب عالبكارة
ولا
دايب
دوب
فى
دم العذارى

لا يا حبيبتى
معنى الشرف
فيكى حقيقة
وفيهم
استعارة





كنت عاوز من زمان اجرب الكتابة مباشرة من الكيبورد
للبلوج

ملحوظة


هو تكرار كل نرقص
فى كلماتى اللى بكتبها
دى حالة عادية ؟


مجرد سوال





17 comments:

smraa alnil said...

طب والله جامدة جدا

علي فكرة انا عن نفسي جربت الحالة دي اني اكتب من الكيبورد للبلوج علي طول
بتبقي تحفة
في الاول مش كنت عارفة كان لازم اكتب في ورقة الاول وبعدين انقله علي البلوج
دلوقتي مش بقيت عارفة

وكلة رقصة دي في كلامك ان دلت علي شئ
فهي بتدل علي انك حر
وبتتمني لتحرر

يعني من الاخر عادي

والموضوع حلوووووووووووو اوووووووووووووي
اللي انت كاتب عنه
استمر بقي يمكن يا ابني انا وانت نفهم

Saydalanya Mat7oona said...

الرقص يعنى انت اتحررت من حاجز الخوف
يعنى انت زهقت من القيود
مش عايزها...لو هيريحك ارقص...يقولو مجنون مش مجنون...عادى ..المهم تبقا مرتااح...الكتابة من الكيبورد للبوج دى على قد ما بتخلينى كده مقلقة وانا بكتب بس صدقنى الكلام بيطلع من القلب و الدماغ و الايدين طبعا.....خليك دايما حررر و ارفع شعار سلامتك يا دماغى...و مش لازم نفهم كل حاجة...تحياتى

max.adams said...

اصل
الشرف
مش بس مكتوب عالبكارة
ولا
دايب
دوب
فى
دم العذارى

لا يا حبيبتى
معنى الشرف
فيكى حقيقة
وفيهم
استعارة

أنت كده قلت اللي غفل عنه كثيرين وتسلم

الكتابه عالبلوج بالنسبالي بتاخد وقت فأنا بنجز نفسي وأكتب على ورق لما يجيلي الالهام

حالتك يا ابني عاديه مافيهاش شبهة مرضيه ... ابقى تعالى خد الاشاعه يوم الاربع

واحد مش فاهم حاجة said...

سمراء النيل

انا فعلا حسيت بجمال الكتابة مباشرة
بتبقى المعانى طالعة طازة كدة و بتلعب زى السمك

بالنسبة للموضوع انا كنت عاوز اكتب عن مصر وحالها
لاقيت التشبية دة اقرب ما يكون للواقع

ويارب نفهم وكل مانفهم نفهم تانى

تحياتى على مرورك الجميل
وكل سنة وانتى طيبة

واحد مش فاهم حاجة said...

Saydalanya Mat7oona

ياريت فعلا اكون اتحررت من حاجز الخوف
اصلى ممكن اكون برقص وانا لسة محبوس ورا حاجز الحوف
زى العصفور اللى بيتنطط فى القفص
واحنا بنفكرة بيرقص عشان فرحان

عالعموم
سلامتك يا دماغى
وعاوز ابعت سلامى لكل الناس اللى مش فاهمة على ارض المحروتة
واهديهم اغنية
انا اية اللى جابنى هنا

واحد مش فاهم حاجة said...

ابو الفناكيش

عاوز اقولك ان الكتابة عالورق
بتخلى الواحد وهو بيكتب يفكر مية مرة شعور الناس اللى هاتقرى الكلام دة اية
فبيتغلى عن شوية حاجات عشان يعجب الناس

لكن مباشرة كدة بتبقى وش
هو مبيحسش هو كتب اية الا لما يقراة زى ما الناس بتقراة


اعدى عليك يا باشا
هاستناك فى موقف طلعت حرب
هات الاشاعة
عشان نعرضها على عم جلال دكتور الكبدة
اللى هناك
متخافش عازمك

NilE_QueeN said...

انا من اول ما بدءت ادون من كام شهر يعنى
كنت دايما بكتب ف البلوج عالطول
ولا مره كتبت ف ورقه ونقلت الكلام ف البلوج وكنت بفكر مؤخرا انى ابقي اكتب على الوورد وبعد كده اخد التيكست الزقه ف البلوج

بس انا شايفه ان الكتابه ف البلوج مباشرة افضل

osama said...

جميله اوي اوي اوي
الخاتمة ....

موسيقى الكلمات جعلتني اقرا النص مرتين...
دمت بكل ود..
خالص تحياتي

Esmat said...

رائع والله
حلوة اوى
لا بعد كده اكتب من الكيبورد دايركت
على البلوج على طول
وربنا يحقق لك ما تتمناه
تحياتى لك

Bossy said...

السلام عليكم ورحمه الله وبركاته

ايه دا بجد والله البلوج وحشني جدا
وخصوصا الكلام الرائع دا

ربنا يوفقك وبجد انسي حكايه الورقه والقلم ومن العقل للبلوج علي طول لان وجهة نظرك صح

تحياتي

واحد مش فاهم حاجة said...

NilE_QueeN

بينى وبينك ساعات وساعات
حسب الدماغ
بس انا استمتعت بيها المرة دى

تحياتى على مرورك

واحد مش فاهم حاجة said...

اسامة

سعيد جدا بمرورك
واكتر حاجة بخاف منها
هى الموسيقى بين الكلمات
كون انها تعجبك
دة يزيدنى سعادة
تحياتى

واحد مش فاهم حاجة said...

عصمت

الله الله
يا جماعة بعد كلامكوا دة
هاعمل لينك مابين دماغى والبلوج
اللى يدور فى دماغى
يلزق فى البلوج


شكرا على مرورك ورايك

واحد مش فاهم حاجة said...

الجميلة
العزيزة
الرقيقة
اللى مطنشانا
بوسى

والله مستعد ابعتلك كلماتى كلها
اللى كتبتها فى حياتى

بس متغيبيش الغيبة دى
تانى

max.adams said...

اذا كان على حكاية الالتعديل و التفكير ف ده بيحصل أنا معاك و ان كنت بطنش التعديل في بعض الاحيان أصل أنا عندي وبعاندني ... من ناحية تانية أني ممكن أكون في الكلية أو في الميكرو سردين اللي بيودي الكليه فبتنقح عليا ولازم أعمل عملية تفريخ للفكره والا البيضه تمشش على ما أفتح البلوج فدا من أسباب أني بكتب على الورق الأول

أوك أحب الاستلجاء يازميل

حائر في دنيا الله said...

تصدق مجربتهاش قبل كدا
بخاف أوي من البث الحي للأحداث
ربما ضعف
وربما خوف

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情