Pages

08 November 2007

اخبطى دماغك فى الحيطة

لما الشتاء يدق البيبان
لما تنادينى الذكريات
لما المطر يغسل شوارعنا
والحارات

الاقانى جايلك فوق شفايفى
بسمتين


بس دة بيقول لما

واديكى شايفة يا حبيبتى

بقينا فى شهر نوفمبر
ومفيش شتا

واحتياجى ليكى
مع برد الشتا
لسة مجاش برضوا

ومع احلامى التانية

ناسى كل الذكريات

ونصحية منى
لدموعك اللى على عيونك

متستنيش المطر

عشان تغسليها

بطلى بخل وانزلى اشترى علبة مناديل

ولا اقولك
بلاش تنزلى
الشارع مليان وشوش
شكلها يبكى اكتر
اقولك
امسحى دموعك
فى مخدتك
عشان تبقى اشارة ليكى
مع كل قصة حب جديدة
تبقى عارفة انها اخرها دمعتين على نفس المخدة
او على مخدة تانية
مش هاتفرق كتير
هيا هيا الدموع
وهيا هيا النهاية

ولو الدموع خلصت

اخبطى دماغك فى الحيطة


4 comments:

NilE_QueeN said...

ايه الرومانسيه والحنان الطاغى دا

اولها كان حلو بعد كده مبقتش لطيف خلاص
شوية تفاؤل حبيبك النبي

Ana keda said...

ولا اقولك
بلاش تنزلى
الشارع مليان وشوش
شكلها يبكى اكتر
اقولك
امسحى دموعك
فى مخدتك
عشان تبقى اشارة ليكى
مع كل قصة حب جديدة
تبقى عارفة انها اخرها دمعتين على نفس المخدة
او على مخدة تانية
مش هاتفرق كتير
هيا هيا الدموع
وهيا هيا النهاية




ليه كده بس

دانا بقول عليك طيب
الله يبارك فيك يا سيدى

بس الحتة دىعجبتنى اوى

حيطة ايه بس...ده الحب الجديد

بس انت دماغ

واحد مش فاهم حاجة said...

NilE_QueeN

الحب ولع فى الدرة


منا مليها تفاؤل اهو

دة انا بنصحها

منصحهاش يعنى

الحق عليا

خلاص ياستى
كمان عشرة
بوستات

وهايبقى تفاؤل صحريح

زى العزل الصريح كدة

واحد مش فاهم حاجة said...

Ana keda


منورة والله

ايوة كدة عبرينا

وعلى فكرة انا طيب

بس افكارى هى اللى شريرة