فى ليل عشقك يطوف معنى برى للخوف
ابات عطشان سراب صورتك
تاخدنى التوهة تحدفنى
اعود بردان
كما المشتاق دفا صمتك
فى مملكتك
انا الصوفى
بفوت الدنيا واتامل
فى شى فيكى يحرك الف شى فيا
فيجرى الدم فى عروقى
كما المجنون
فيرقص قلبى اقوم ساكت
ومن تانى اتامل
فالمح نظرة مش فرحانة … مش حايرة
بشوفك من كادر ثابت
منيش قادر افسرها
يكونش الحزن بيزورك
يزيد عجزى
فى مملكتك
بيتسرسب عمرى
باكون راضى
ساعات بغضب
لكن برجع واقول راضى
8 comments:
و أنا بقرا الكلام كنت سامعة صوت منير بيقوله
سرسبة العمر و أنت عارف كويس ان السرسبة دى ليها هدف هتوصله و لو بعد عمر يبقا ممنهاش مانع....شئت و لا أبيت العمر لازم يتسرسب و ان كنت بتحافظ على الثانية
لو كانت السرسبة دى بقا بتصب فى بحر مبيكتفيش من أعمار اللى زاروه يبقا بلاها
فى كلام كده فى البوست خبطتنى حلاوته
شفت كلمة خبطتنى دى :)
متلخبط أنت بقالك فترة...
بعيدا عن البوست
أخيارها ايه السيدة نتيجة ؟؟
سلامات
لا جميله اوى وخاصتا انك فى النهايه برده راضى.....!!!
انا الصوفى
بفوت الدنيا واتامل
فى شى فيكى يحرك الف شى فيا
فيجرى الدم فى عروقى
اللللللللللللللللللللله
بجد الله
الكلام لمسني
تحية صادقة
فى ليل عشقك يطوف معنى برى للخوف
ابات عطشان سراب صورتك
تاخدنى التوهة تحدفنى
عجبتنى اوى فعلا الصورة
رغم القلق واللخبطه لكن صوره حلوة اوى
الحلم بطبعه عنيد
و تملى يقيد ...
طراطيف الفرح بشمع انقاد من غير مواعيد
مش لجل النور
لجل اما ندور ..
ف افلاك الفرح الـ مش منظور
نستنى الحلم اما ( يحنن ) و يبطل عند
------------------------
مقصره انا فى حق نفسي عشان بقالي كتير ما جيتش هنا
و ما استمتعتش من مده بجمال المعنى و الاحساس
جمييييييلة
بس حاسس ان ليها بقية
فينك و فينه البوست الجديد
؟؟
شكلوا كده راح الجيش ولا ايه يا جدعااان ؟؟
اختفى شهر و بعدين ظهر يوم واحد بس واختفى تاني
يااارب خير
Post a Comment