Pages

08 July 2010

محاكمة قمر







خبر انتصارك عالظلام

قصة كفاح

فكرة وجودك

فى الافق  … لمسة جمال

عزفك واوركسترا النجوم

فعل استباحة .. للالم 
الكون تعيس

لونك .. وفلسفة النقاء 

تغريد وحيد

كئيبة الوان البشر



شاهد  اخرص للاحزان

قافل كل بيبان البوح

رافض تدخل دايرة نوح
تشارك بيها بنى الانسان




قالوا قديما انك عاشق

ولا شوفنا للعشق مذلة

ولا غير دورانك شوق

زادك فكرة .. وحلمك زادك

ماشى طوفان بيزيد بالسكة 

ولا ينقصش من زوادك 

إنت يا عالى عاشق جدا 

لكن عشقك كلة لذاتك 

ذاتى وذاتك

ذاتك ذاتى

شى متدارى ورا الاحلام

حكم الغيرة

جايز .. يمك

او غلطان

بكرة الراكب

موجة فى بحر ملوش شطئان

مش راح ياسئل ميين انسان

قادر تجمع كل نجوم السما دى فى ليلك

وتحرم منها الف نهار

منتاش منى

باهت حسك بالاحزان

ظالم حكمك عالالوان

ابيض … اسود

وبتتبدل

منتاش مالك فعل كمال

ايا انسان






5 comments:

Tamer Nabil said...

مش فهمت حاجة ههههه

ازيك ياصاحبى اخبارك اية

فينك مختفى كدة

مع خالص تحياتى

ســـــــهــــــــــر said...

قريت
مش مره
لا اكتر
و اسمح لى هقراه تانى كتير
رغم انه كل مره يدوس على روحى

Saydalanya Mat7oona said...

مبحبش أقرا حاجة و معرفش اعلق عليها أقول ايـــه

مش عارفة أطلع بتعليق غير انه عاجبنى الحوار

واحد مش فاهم حاجة said...

تامر نبيل

سامحنى جدا على التاخر فى الرد

المهم انك موجود هنا وبتقرالى

ونبقى نفهم سوا

تحياتى

----------------
سهر

من اهم الحاجات اللى بستمتع بيها دايما وجود حضرتك وقرايتك لنصوصى

هو النص دة بحبة بس مقدرتش اخرجة بالصورة اللى انا عاوزها
مطاوعنيش يعنى


اعذرينى على التاخر فى الرد


----------------------------
صيدلانية مطحونة

صيدلة وامتحانات وانتظار للنتيجة

انا مقدر ظروفك جدا جدا

ســـــــهــــــــــر said...

في رحلة عودتي للاماكن اللى بحبها بجد والاصحاب اللي بجد رغم اني ما اعرفهمش لكن اعرف حرفهم جد الجد
جيت ومنتاني قريت زيما قلتلك قبل كده

النص حقيقيمميز وحقيقي بيدوس على روحي




زادك فكرة .. وحلمك زادك

ماشى طوفان بيزيد بالسكة

ولا ينقصش من زوادك

إنت يا عالى عاشق جدا

لكن عشقك كلة لذاتك


وقفني الجزء دا شويه معاه ... روعة استخدامك للمعاني و الكلمه