Pages

30 July 2010

فى ليل عشقك

فى ليل عشقك يطوف معنى برى للخوف

ابات عطشان سراب صورتك

تاخدنى التوهة تحدفنى

اعود بردان

كما المشتاق دفا صمتك

فى مملكتك

انا الصوفى

بفوت الدنيا واتامل

فى شى فيكى يحرك الف شى فيا

فيجرى الدم فى عروقى

كما المجنون

فيرقص قلبى اقوم ساكت

ومن تانى اتامل

فالمح نظرة مش  فرحانة … مش حايرة

بشوفك من كادر ثابت

منيش قادر افسرها

يكونش الحزن بيزورك

يزيد عجزى

فى مملكتك

بيتسرسب عمرى

باكون راضى

ساعات بغضب

لكن برجع واقول راضى


8 comments:

Saydalanya Mat7oona said...

و أنا بقرا الكلام كنت سامعة صوت منير بيقوله

سرسبة العمر و أنت عارف كويس ان السرسبة دى ليها هدف هتوصله و لو بعد عمر يبقا ممنهاش مانع....شئت و لا أبيت العمر لازم يتسرسب و ان كنت بتحافظ على الثانية

لو كانت السرسبة دى بقا بتصب فى بحر مبيكتفيش من أعمار اللى زاروه يبقا بلاها

فى كلام كده فى البوست خبطتنى حلاوته

شفت كلمة خبطتنى دى :)

متلخبط أنت بقالك فترة...

بعيدا عن البوست

أخيارها ايه السيدة نتيجة ؟؟

سلامات

star said...

لا جميله اوى وخاصتا انك فى النهايه برده راضى.....!!!

ميرام said...

انا الصوفى


بفوت الدنيا واتامل


فى شى فيكى يحرك الف شى فيا


فيجرى الدم فى عروقى


اللللللللللللللللللللله
بجد الله
الكلام لمسني
تحية صادقة

engy said...

فى ليل عشقك يطوف معنى برى للخوف
ابات عطشان سراب صورتك
تاخدنى التوهة تحدفنى
عجبتنى اوى فعلا الصورة
رغم القلق واللخبطه لكن صوره حلوة اوى

ســـــــهــــــــــر said...

الحلم بطبعه عنيد
و تملى يقيد ...
طراطيف الفرح بشمع انقاد من غير مواعيد
مش لجل النور
لجل اما ندور ..
ف افلاك الفرح الـ مش منظور
نستنى الحلم اما ( يحنن ) و يبطل عند
------------------------
مقصره انا فى حق نفسي عشان بقالي كتير ما جيتش هنا
و ما استمتعتش من مده بجمال المعنى و الاحساس

ادم المصري said...

جمييييييلة
بس حاسس ان ليها بقية

Saydalanya Mat7oona said...

فينك و فينه البوست الجديد

؟؟

Anonymous said...

شكلوا كده راح الجيش ولا ايه يا جدعااان ؟؟

اختفى شهر و بعدين ظهر يوم واحد بس واختفى تاني

يااارب خير