Pages

17 July 2008

لا مش كدة


اياكش فاكر


قلبك العطشان سفر


هايغوص يادوب


شبرين


فى البحر


ويعود سعيد بالؤلؤة



ويعلقها على جدار الامانى


ويقول خلاص


جبت الحياة



8 comments:

Mahmoud البطراوى said...

رغم انى مفهمتش حاجه بس عجبتنى الكلمات

نعكشة said...

عمري ما فكرت كدة
دايما عندي احساس ان الدنيا دية مرمطة
و قليلين جداً إللي بيوصلوا للؤلؤة

قريت بوست إسراء حامد صاحبة مدونة أحيانأ و احياناً كان يحمل حاجة شبة قريبة من موضوعك

لحظة هروح لو عرفت اجيب لحضرتك اللينك

جميل لاقيته

http://dr-esso.blogspot.com/2008/06/blog-post.html

أحلي حاجة ان الواحد يعرف يعبر عن المواضييع الطويلة
بكلمتين

كلمتين و بس

دمت سالم

سلامٌ عليك

Unknown said...

بطوط الحبيب

ازيك يا دكتور

مفهمتش حاجة عادى دة شعارنا فى الفترة الخمسية الجديدة

الكلام عجبك

يبقى انا كدة فى السليم


--------------------------

نعكشة

الاول اهلا بيكى فى البلوج

انا بقى عمرى ما فكرت كدة

انها مرمطة

بس برضوا برضوا مش بشوفها مشوار صغير للبقال

عجبنى البوست

حسيت انك عاوزة تقولى حاجة

لاقيت بنت بتبيع مناديل

بس حريصة تتمتع بجمال الحياة

تفتكرى المشوار رغم صعوبتة

ممكن يبقى زى اللى بيغوص شبرين فى البحر

ويطلع بالؤلؤة لو قضينا الرحلة الطويلة نتفرج على جمال الحياة

نعكشة said...

تسلم ربنا يكرمك
..........

توضيح....................

مش أنا اللي كتبت البوست اللي اديته لحضرتك تقراه

دة بوست ل -إسراء حامد- صاحبة مدونة -أحياناً و احياناً-

مش أنا خالص

مممممممممم

لأ مش قصدي علي البنت اللي بتبص علي جمال الحياة خالص

أنا كنت بتكلم عن المقطع دة في بوست اسراء مش بوستي


كأن ذلك الشارع هو طريق الحياة .. يعبر كل عابر منه حاملا علي ظهره حقيبة أحلامه .. تحرق حرارة الشمس البعض فيلقونها ليسرعوا طريقهم .. و هناك من تسرق حقائبهم .. و كثيرون من اكتفوا بحمل حقائب غيرهم راضيين ببعض لقيمات تطعمهم اياها حيواتهم .. قليلون فقط من يكملون طريقهم الي أن يصلوا لنهاية رحلتهم الطويلة حيث يتمكنوا من استخراج تلك الأحلام .. و حتي هؤلاء منهم من يفقد مفتاح حقيبته فيعود ادراجه لحيث اتي .. و منهم من يساعده آخر في فتحها فيتقاسم معه ما بها .. و في النهاية معدودون من يستخرجون أحلامهم المدفونة في حقائبهم ..
ياالله .. حتي هؤلاء المعدودون قليلون منهم من يجيدون الحفاظ علي تلك الأحلام بعد استخراجها .. و قليلون قليلون من يجيدون الاستمتاع بها .. و كأن الاستمتاع بتلك الدنيا لا يحق إلا فقط لمن يستحق .. "

دة مقطع من القصة
حسيت انه قريب شوية من كلام حضرتك

دمت سالم

و سوري علي سوء الفهم

Unknown said...

نعكشة

امممممممممممم
انتى اللى فهمتى غلط بقى ( انا مصر)

انا كنت اقصد انك عاوزة تقولى حاجة ورا البوست اللى انتى جبتى اللينك بتاعة

يعنى اخترت البوست دة من مدونة احيانا واحيانا لغرض ما

مش مهم حصل خير

هاتى يا ست الكل انتى كل بوست بوست موازى وانا اتلغبط وافكرة بتاعك

المهم انك هاتنورينى

-------------
شايفك بالجزء اللى نقلتية من مدونة احيانا واخيانا

مصرة على انها مرمطة
عارفة لو هى مرمطة فعلا مكنش اتبقى من يوم ما نزل سيدنا ادم على الارض لحد دلوقتى حد لسة عندم امل

لسة فى ناس جواها امل
الامل دة اكيد جة من قصص ناس قبلهم قدرت تجيب الماسة

يمكن مجتش بسهولة بس جابوا

انما كونك بتسميها مرمطة
دة يعتبر بداية طريقك لفقدان الامل

هو يمكن انتى بتقولى مرمطة مش قاصدة نفس الصورة السودة اللى ورا الكلمة

بس خدى بالك من الكلمة
بتفضل تجر الانسان لحد ما يدخل فى سكتها


بجد
تحياتى
على تعليقك
وعلى البوست اللى نقلتية

وعلى المناقشة معاكى

OldCatLady said...

اللى باسطنى انى مش فاكرة كده

الموضوع زى ما عنوان البوست عندك بيقول....لا مش كده (خالص)
خالص دى من عندى أنا

بعتذر عن عدم تعليقى فى الفترة الأخيرة

بس لما دخلت و قريت معرفش ليه محسيتكش فى اللى أنت كاتبه..معرفش ليه تحديدا فى البوست اللى فات

تقبل رأيى أيها العزيز

Unknown said...

صيدلانية مطحونة

منورة يا ست الكل

اعتذر انا بقى على تاخر الرد

يمكن البوست اللى فات

انا فعلا مركزتش اوى وانا بكتبة

حتى كتبتة من الكبيبور

يعنى مكتبتوش فى كشكولى البنى الاول

حاولت اجرب ادخل فصحى فى عامى

فى بوست جديد

يارب يعجبك

Anonymous said...

ابدعت بنقل اجواء صباحوو على ستار اف ام شكرا لك.