Pages

25 April 2008

مساء الفل على عيونكم






السجن زى الفل


والمعاملة زى الفل


والحكومة زى الفل


والبلد ميت فل


وحرمتى يا اسراء


حرمت يا معتز


والدنيا زى الفل


ولانى


احد افراد القلة


المندسة


اللى بتكرة ريحة الفل



مضرب يوم 4 مايو


بتوقيت المحلة الكبرى


اللى زى الفل






4-5-2008+copy





14 comments:

Ana keda said...

يا رب نتحرك بس اليوم ده

يمكن نعرف نشم الفل اصلا فى بلدنا

صبري سراج said...

مضرب معاك واسراء تحرم براحتها بقى

بنت الصالحين said...

غريبه اوي
مممممممممممممم

ويمكن مش غريبه

هو ايه الغريب واللي مش غريب

محدش بقي فاهم حاجه

وربنا يصلح حالنا

فوكيره said...

انا مصدومـه اوى على فكره ...

هو احنا ممكن نكون زي اسراء
حاسين حاجه بجد اوى .. ولما نيجى لوقت الجد
ويجي الاختبار الحقيقي ... حنبقا ضعاف كده ...

مبقتش عارفه

shirry said...

رأيي اقعد في بيتك معزز مكرم

Tamer Nabil Moussa said...

كل حاجة اليومين دول بقت غريبة

ومش مفهومة


تحياتى

د/اجدع بنوته said...

بوست زى الفل

ساعه الغروب said...

مش لاقيه كلام فعلا اقوله
يا رب بجد يبقى زى ما هى بتقول وتكون فعلا بخير

كان نفسى بس لما ناخد قرار نبقى اده للنهايه مهما حصل


!!!!!!!!

ربنا يستر علينا جميعا

على فكره انت لازم تكتب اى حاجه يوم
4/5 بالليل عشان نطمن انك بخير

ربنا يستر بجد

حائر في دنيا الله said...

يارب السنة الجاية وانا وانت والشعب كله
نبقى زي الفل

يارب

OldCatLady said...

يا مسـاء الفل...أخيرا بوست؟؟؟!!!

و مش أى بوست...المهم يا باشا...اسراء يا مصطفى انا شايفة انها معملتش حاجة خالص على الفيس بوك هى اتكلمت كلام عادى ممكن يقوله أى حد مخنوق من حال البلد قالت راى مسالم مش اكتر قامت تطبيقا للديمقراطية اتسجنت لأنها قالت كلام عـــــادى...هما ضربوا المربوط عشان يخاف السايب...(و ده مبدأ غبى جدا).....فما بالك لو تصرفت تصرف غير عادى...هيودوها سجن أبو كبير (الفيرجن المصرى من أبو غريب)
اسراء بنت عادية اتعاملت معاملة غير عادية فبمنتهى البساطة ازدادت التصاقا بالحيط...الناس كلها كانت مستنية من اسراء تصرف بطولى مع انها شخصية عادية كأى سابة او شاب مصرى...فبكده هى اتظلمت بالظبط زى ما حصل فى السفارة فى العمارة
أنا حبيت اقول الكلمتين دول عندك لأنى برتاح فى اللك هنا :)...و بصراحة كان نفسى أقولهم من زمان :)....الله يكرمك...متشكريـن
اما بالنسبة للاضراب فلا تعليق عندى أيها العزيز غير شالو ألدو جابو شاهين ألدو قال منتوش لاعبين...فاهمنى ؟؟

سلامات يا فنان...

محاولة لكسر الصمت said...

وبم غني من اللي مش فاهمين حاجة...فانا كمان استغربت لما سمعت الحوار بتاع اسراء....عموما مصر فيها ناس كتير بتحبها ومستعدة تواصل للنهاية..وأخيرا..عندي أمل

Unknown said...

انا بعذر اسراء والله

لان السجن بالنسبه ليها كبنت شيء مش سهل...وخصوصا لان الموضوع مكانش هيوصل للدرجه دى في اعتقادها

هناك ممكن تتوقع يعملوا فيها اى حاجه...دول ناس معندهاش .... حاجات كتير

بس فكرة الاضراب...رغم عدم اعتراضي عليها...لازم يكون اعدادها كويس عشان تبقى قويه ومؤثره...لكن لو الدعايه الكترونيه بس زى الاضراب اللى فات الناس في الشوارع مش هتعرف حاجه ولاهتتحمس للفكره...وبالتالى هيبقى الاقبال ضعيف وفرصة الامن للسيطره وافساد الوضع هتبقى سهله

لازم التوعيه والتحميس يبقوا عاليين ولكل الاوساط مش الالكترونيه بس عشان الفكره تنجح

ودا مجرد راى

تحياتى

عاشقة الوطن said...

السلام عليكم

ازيك ايه اخبارك

مااحنا بنقوله كلنا كل سنة وهو .....


تحياتى

بنت مصريه said...

اليوم خلص ومحصلش حاجه
احنا زى محنا
احييك على البلوج واتمنى تنورنى