Pages

11 April 2008

صابر

كلهم قالوا

الصبر مفتاح الفرج

وانا موافق

انما محدش قالى

الصبر مفتاحة اية ؟؟؟؟؟؟؟

حاجة كدة

زى

كل ماعدى بحر الاقى غيرة اتحفر

صحيح

هو انا لو فى امريكا دة لو

تفتكروا هافكر بالعربى

ولا بالامريكانى


وانا لو كنت اعمى

كنت هاحلم ازاى

ابيض واسود

ولا الوان


8 comments:

Saydalanya Mat7oona said...

الصبر يا مصطفى ملوش مفاتيح
ده بيبقا من عند ربنا كده
زعلان....حاسة....متغاظ...مش طايق البلد ولا اللى فيها و لا حتى نفسك
نفسك فى بكرة أحسن...كلنا نفسنا فى كده
بس معرفش امتى

فاكر القصيدة اللى علقت بيها عندى...أنا بهديهالك
ربنا معانا كلنا

صدقنى هتعدى
:)
تحياتى

NilE_QueeN said...

الصبر مفتاحة اية ؟؟؟؟؟؟؟

سؤال وجيه جدا

الصبر مفتاحه الايمان

الايمان بان ارادة ربنا فوق كل شيء

الايمان بان ايه حاجه وحشه بنتعرضلها هى امتحان الاهى وابتلاء بسبب المعاصي لو رجعنا لربنا هنلاقى عنده كل الحلول و الاجابات
(ظهر الفساد ف البر والبحر بما كسبت ايدي الناس )صدق الله العظيم

بطوط حبوب said...

الصبر مفاتحه التصبر
اعمل نفسك صابر يقوم تتعلم تصبر
ولو كنت فى امريكا صدقنى كنت "هتفكر"
وده الفرق بينهم وبين العرب
تدوينه جامده زى العاده

د/اجدع بنوته said...

فكرت والله مره فعلا ازاى الواحد يفكر بالانجليزى

هههههههههههههههههههههههههههه

وواضح ان احنا م حزب فكرى واحد

Tamer Nabil said...

اكيد كل واحد بيفكر بالطريقة اللى تريحة وتناسبة واللى هو وخد عليها


تحياتى

واحد مش فاهم حاجة said...

صيدلانية مطحونة

الصبر اوقات بيتحول لجبن وسلبية

وحاجات تانية غبية

شكرا على القصيدة المهداة منك ليا

يارب تكون عجبتك


-------------------

nile queen

صدق الله العظيم

نفس كلامى لصيدلانية مطحونة

صبرنا بقى مجرد رد فعل لسلبى
مش بتكلم عن فكرة الابتلاء والصبر

قد ما اقصد فكرة الخوف اللى بنبررة على انة صبر

ويارب نبقى عندنا الايمان الكافى اللى
يحول صبرنا

لموقف ايجابى


-----------------------

بطوط الحبوب

منور يا باشا

الصبر مفتاحة الايمان

التصبر بيقلبها سلبى
الايمان بيحط حدود للصبر
التصبر
بيشيل الحدود ويعامل الصبر على انة

مجرد عادة بنعملها لما نكون مش قادرين نقاوم

فى فرق كبير بين الايمان والتصبر



----------------------
اجدع بنوتة

هههههههه
انا حزب اللى ميعرفش يقول

عدس

وشعارى سمك لبن تمر هندى
انتى حزب اية

؟


---------------------
تامر باشا نبيل

منورنى يا جميل

وسعيد جدا برجوعك

حمامة said...

كلهم قالوا

الصبر مفتاح الفرج

وانا موافق

انما محدش قالى

الصبر مفتاحة اية ؟؟؟

عاجبنى اوى المقطع ده جدا يعنى

زى ما صيدلانى قال

الصبر ملوش مفاتيح

الصبر من عند ربنا وكل ما نصبر اكتر

بناخد ثواب اكتر

كلها ابتلاءات بس احنا نصبر

:)

بسنت said...

فعلا سؤال وجيه الصبر مفتاحه ايه؟
اذا كنا صابرين على الامر من الصبر نفسه
الرضا والايمان بان ربنا معانا ما دام على الحق اعتقد هو سلاحنا الوحيد
للصبر على الدنيا باللى فيها
انا قريت مدونتك بس فهمت اوى
سلمت