1
دخلت الدنيا مش فاهم حاجة
فضلت اصرخ واقول فهمونى
والناس حواليا يضحكوا
ولا بيعبرونى
فكرت انى حمار
والناس استحمرونى
اتارى البشر
زيى
لا بيفهموا
ولا فهمونى
2
مسا التماسى
عالحمير اللى قاعدة عالكراسى
والغباء
فى عقولكوا راسى
ايوة انتم
يالى انتم
فى الوطن حكام
بيعتوا الوطن بيعتوة
بكام
متر الوطن يتباع بكام
نقطة
كرامة
اتنزفت
فى جيوبكم
تسوى كام
3
بتبكى لية يا ورد
وانت اللى كنت متبسم
بتبكى من شوكك
ولا عرفت ان الفرح متقسم
عرفت الضحكة فيك
اتاريك حزن متلثم
طب ممكن ابكى معاك
ولا الحزن برضوا
متقسم
4
الجذمة ضيقة
والدنيا برضوا ضيقة
الحزن خانقنى
ورباط الجذمة تاعبنى
لا منى
قلعت الجذمة
ولا حتى عرفت اية محزنى
لكنى عارف
ان الجذمة
مقاسى
والدنيا برضوا
ماسى
وبرضوا
الحزن تاعبنى
5
ميكروباص
وكامل العدد
قوم يا اسطى سوقنا
المزة قاعدة جنب
الولد
والرب فوقنا
والغنوة مايصة
مولعة
وجعت نفوخنا
اتارى
نصيبنا ننقلب
وماينجرح
الا البعدا
حبايبنا
مزة
واوسطى
وولد
شكرا ياربى
عالدروس
وحمدلا
على سلامتنا
الكاتب غير مسئول عن تلك التهيسات اسئلوا فيها القلم
دخلت الدنيا مش فاهم حاجة
فضلت اصرخ واقول فهمونى
والناس حواليا يضحكوا
ولا بيعبرونى
فكرت انى حمار
والناس استحمرونى
اتارى البشر
زيى
لا بيفهموا
ولا فهمونى
2
مسا التماسى
عالحمير اللى قاعدة عالكراسى
والغباء
فى عقولكوا راسى
ايوة انتم
يالى انتم
فى الوطن حكام
بيعتوا الوطن بيعتوة
بكام
متر الوطن يتباع بكام
نقطة
كرامة
اتنزفت
فى جيوبكم
تسوى كام
3
بتبكى لية يا ورد
وانت اللى كنت متبسم
بتبكى من شوكك
ولا عرفت ان الفرح متقسم
عرفت الضحكة فيك
اتاريك حزن متلثم
طب ممكن ابكى معاك
ولا الحزن برضوا
متقسم
4
الجذمة ضيقة
والدنيا برضوا ضيقة
الحزن خانقنى
ورباط الجذمة تاعبنى
لا منى
قلعت الجذمة
ولا حتى عرفت اية محزنى
لكنى عارف
ان الجذمة
مقاسى
والدنيا برضوا
ماسى
وبرضوا
الحزن تاعبنى
5
ميكروباص
وكامل العدد
قوم يا اسطى سوقنا
المزة قاعدة جنب
الولد
والرب فوقنا
والغنوة مايصة
مولعة
وجعت نفوخنا
اتارى
نصيبنا ننقلب
وماينجرح
الا البعدا
حبايبنا
مزة
واوسطى
وولد
شكرا ياربى
عالدروس
وحمدلا
على سلامتنا
الكاتب غير مسئول عن تلك التهيسات اسئلوا فيها القلم
35 comments:
تهييسات جامدة جدا...تحياتي
حبيبى يا ريت تغير اسم البلوج عشان هو مش مناسب ليك يا مصرى - او اقلها غير صورة البروفيل - وانت عكس الصورة لان كلامك بيدل على كلام موزون
يا فندم انا قولتها قبل كده
عنده حق صاحب حرية الفكر والابداع
ده انت فاهم كللللللل حاجة وعموما نعمل نفسنا مش فاهمين
الكلام المره دى شديد
خصوصا الجزء الخاص بالجزمة عجبنى قوى
والبعدة يا رب يقبل ربنا دعاءك فيهم
باعوا الوطن بكام دى محتاجة تفكير بس على الله ما يكنشى اضحك عليهم فى ثمنه
احسن ده ثمنه غالييييييييييى قوى قوى
يا خوفى مايكونوش عرفوا يثمنوه صح
والله ينور عليك يا فاهم
واحد زهقان
مساء الفل عليك
وشكرا جدا على رايك ومرورك
تحياتى
حرية الفكرة والابداع
تحياتى ليك على نصيحتك
واحب اقولك انى مقتنع اوى
بالاسم
ومقتنع جدا
بالصورة
وبشكرك تانى مرة
ممكن تتغير صورتى عن نفسى
واغير رايى
esmat
يا اختى
ادينا عمالين نقول
وان قولنا ولا ماقولناش مش فارقة
بس اللى صحيح فرق معايا
رايك الجميل
فى التهيسات
واكبر تحية
مبعوتة ليكى
على مرورك الجميل
السلام عليكم
انا بعتذر عن الخطا اللي حصل في التعليق انت طبعا فهمني
بس بجد اسفه خطا غير مقصود
المهم انا كده ابتديت اقلق علي القلم بتاعك
دا عدي مرحله التهييس من بدري
بس والله كلام جميل
أخى الكريم
الكلام المكتوب بمدونتك لايمكن يخرج إلا عن واحد فاهم كل حاجة
تقديرى واحترامى
tahyees 3ala 7a2o besra7a :) bas manta fahem kol 7aga aho?
جامد جدا البوست ده
بيدل أنك فاهم كل حاجة
متأثر بشعر جاهين و نجم
بس بطريقتك
برافو عليك
عادي سيب القلم يهيس
ايه يعني
بالتوفيق
يا ماماااااااااااااا
انا دخلت اترعبت يا عم
ايه الصور المرعبة دى يا مان
بوسى
مفيش خطا ولا حاجة
عادى
انا برضوا ابتديت اقلق على قلمى
واقلق على كل حاجة بحبها
لكن هاعمل اية
وعالعموم سلميلى على منى
الاستاذ محمد الجرايحى
اسمحلى اعبرلك عن وجهة نظرى
وسبب اختيارى للاسم دة
فى البوست الجاى
واتمنى دوام المتابعة من حضرتك
تحياتى
واحد مش فاهم حاجة
batoot
هى ما بقتش تفرق تهيس من جد
بس نقول اية
خلينا نهيس
نخلق من التناقض عالما متوازنا ودائما ننجح لكن أحيانا يترسب الفشل عبر زوايا الروح ليؤكد قيمة التناقض في واقعنا
نجحت فيما تحاول عرضه فكيف تكون السماء إن لم تكن أرض وكيف نرى النور إن لم يكن ظلام
وكيف نفهم دون أن ندرك صيغة عدم الفهم
عمو انا مش فاهمه حاجه
تهامى
انى اتاثر با ابويا صلاح جاهين
دة يزيدنى فخر
وانى اتاثر
بعمى فواد نجم
دة يزيدنى
اصالة
ويزيد المعانى بتاعتى عمق
وان اخويا تهامى
الى يقول عليا كدة
يبقى انا دخلت
التاريخ من الباب الكبير
منور يا تهامى
sahr
هاسيبة يهيس
بس هايعمل اية بالتهيس
mirage
صباح مليان رعب
فى مدونتى
مش رعب بس تقريبا
بمهد لنفسى للرعب الحقيقى
طبعا انت فاهم كل حاجه بس بنعديها كلنا بنعديها بس نفسنا نرد ونقول ان احنا فهمين
كلامك في الصميم وحقيقي
عجبتني اوي الجملة اللي قلت فيها "لكنى عارف
ان الجذمة
مقاسى
والدنيا برضوا
مآسى"
بس الصراحة اول ما دخلت في الصفحة اترعبت بسبب الصورة فكرتني بصور الأباصيري
تحياتي ليك واشكرك على تدعيمك لي في مدونتي
سلام
ايوة انتم
يالى انتم
فى الوطن حكام
بيعتوا الوطن بيعتوة
بكام
متر الوطن يتباع بكام
--------------------------------
ياريت باعوه واخدوا تمن الا دول باعوه من غير مليم
الجذمة ضيقة
والدنيا برضوا ضيقة
--------------------------------
هى دنيا من دنائتها وحقارتها
محمد البدرى
اشكرك جدا
على تفهمك الصحيح لما يدور فى مخيلتى
فقد تطابق فهمك
مع ما يدور برائسى
اتمنى دوام
المتابعة
تحياتى
NilE_QueeN
معقول مش فاهمة
مش عارف اقولك مبروك
ولا اقولك اية
بس عالعموم
ربنا يوفقك ويوفقنا
ونفهم
تحياتى
واحد مش فاهم حاجة
شمس البولجات
رجعت تنورنى تانى فى مدونتى
سعيد بزيارتك
وسعيد اكتر
برايك
واتمنى رجوعك
بموضعات
جميلة كالعادة
تحياتى
rona
اتمنى يجى اليوم اللى
اقدر اقول
انى فاهم
بمعناها الحقيقى للفهم
وشكرا على زيارتك الجميلة
hend...hanady
مش يمكن دنيا
من حبنا فيها
وكل مانزيد حب ليها
كل ماتيدينا فى دماغنا
منطف برضوا
ولا اية
تحياتى على زياتك الجميلة
واحب اقولك مدونتك رائعة جدا
مش بقولك فاهم بس بتستعبط
يعنى انت يرضيك وانا داخلة الفجرية كدة
كل ذنبى انى بقتح مدونتك اشوف فيها ايه
اوقم الاقى ابو عنين دة فى وشى كدة والدنيا ضلمة وليل وسكون
يلا ربنا يسامحك بقى :(
كل عام وأنتم بخير
يهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
مصطفى
سعيد جدا بمعرفتك
كشخص وكمدون
تحياتى
اميرة ويلز
كل خضة وانتى طيبة
فى حد يدخل المدونة السودة دى وش الفجر
عالعموم
احنا بتعتذر عن الخطا الفنى دة
صاحب البوابة
كل سنة والامة الاسلامية بخير وسلام
elsalam 3alekom
بجد كلام جامد ومش مجامله والله
سلام
Post a Comment