Pages

13 August 2007

الله على كل شى

الله عالمكان
لما يجمع بالحنان انسان
الله على الذكرى
لما تلون بالامل بكرة
الله على كل شى
بيدارى قسوة شى
كان ساكن قلوبنا برى
وفضل عايش مع الفكرة


الله دى كلمة بتوحد عظمة الخالق
ومش فارق
تكون الدنيا حلوة
او حتى شى مارق

لو المعنى يتبدل
هاتتعدل
وبعد الليل
اكيد هانشوف الامل شارق

ويزول ضجيج كل الخطاوى المزعجة
بعد الزحام
وتدوب دموع كل العيون الطيبة
ويا الالام


هيا حكاية طفل وعايش
وسط الدنيا
باحساس خايف
يزعق يندة
حد يساعد
يلقى صداة بيرد اساعد

كل مايكبر املة بيكبر

لكن شوك الدنيا بيكتر
شوكة فى حبة
شوكة فى فرحة
شوك متبعتر لكنة بيكتر

حب يسافر يلحق حلمة
فى بلاد تانية
لكنة فى ثانية
حاوطة اليائس
فى كل الدنيا
الا مكانة
مكان الذكرى
حنب الفكرة
ويا حنان
مرسوم انسان بيبص
لبكرة

18 comments:

مؤمنه said...

السلام عليكم ورحمة الله وبركاته
كلام رقيق وجميل
بس الذكرى مش عند كل الناس بتبقى حلو
سلام عليكم ورحمة الله وبركاته
بالتوفيق انشاء الله

mimi said...

احلى منطقة بتاعت الذكرى والاحلى منها الامل في بكرة
تحياتي على كلماتك الجميلة

حائر في دنيا الله said...

الله على الذكريات لما تكون سعيدة
والله عليك يا أخي

loumi said...

كلامك جميل قوي
بسيط ومعبر
*****************

هيا حكاية طفل وعايش
وسط الدنيا
باحساس خايف
يزعق يندة
حد يساعد
يلقى صداة بيرد اساعد

كل مايكبر املة بيكبر

لكن شوك الدنيا بيكتر
شوكة فى حبة
شوكة فى فرحة
شوك متبعتر لكنه بيكتر
***********************
جميل قوى الجزء ده
بس طول ما الانسان عايش لازم يفضل عنده امل
لإنه إنسان
تحياتي

Unknown said...

مؤمنة

وعليكم السلام ورحة الله

بشكرك على رايك الجميل

لكن عاوز اقولك

ان مجرد وجود الذكرى

دة احساس جميل
سواء حزين او سعيدة
وممكن تكون الذكرى علامة فى طريقنا
بتدلنا على الطريق الصح

Unknown said...

mimi
تحياتى انا ببعتها ليكى

واحلى منطة هيا اللى بتسيبى فيها ردودك الجميلة دى

Unknown said...

حائر فى دنيا الله

واحشنى جدا جدا

وحشانى ردودك وتعليقاتك

بسعد جدا بزيارتك

Unknown said...

loumi

اتفاق فى الراى

لابد من وجود الامل

على راى استاذ ميلاد

ميلاد دة استاذ الرسم بتاعى

عاشقة الوطن said...

الله عليك
الله على الكلام

الشوك فعلا بيكتر فى الطفل اللى بينده وعاوز مغيث

وبكرة احسن من النهاردة
وأبعد عن اليأس عشان تقدر تعيش لبكرة

كلامك فى منتهى الجمال
بتغيب تغيب وترجع بكلام تمام واحساس اجملفى الكلام

تحياتى

-_- said...

الله عليك

Doaa Ebrahim Aaql said...

تحياتى ليك
ولكلماتك المُعبّرة


دُمت

Unknown said...

عاشقة الوطن

بحمد ربنا ان الكلام عجبك
والاحساس فية وصلك
وحصل اتفاق مع رايك

ليكى عليا بعد كدة اغيب اغيب

وارجع من تانى بكلام يعجبك

تحياتى

Unknown said...

sharm

اللة عليك انت يا باشا


منورة المدونة

Unknown said...

princess dodo
اجمل تحية ليكى

على ردك ومرورك الجميل

ومستني زيارتك الدايمة

تمت

Bossy said...

السلام عليكم

الف مبروك علي البدايه الجديده
انا جيت اسلم بس
واشكرك علي سؤالك عليا
وبعدين هاجي تكلم عن الكلام الجميل دا

بس ايه حكايه الذكريات معاك
؟؟؟؟؟؟؟
جاوب بقي علي بال ما اجي تاني

Unknown said...

ازيك يا بوسى

حكاية الذكرى

الذكرى دى عاملة زى الحضن اللى بنرجع نترمى فية

بعد كل نهاية
مهما كانت هيا نهاية
نهاية اى حاجة
وبداية حاجة تانية خالص

Bossy said...

انا هتكلم كتير عن البوست دا

بس دا مش بوست دا حكايه
وكل اللي فيها حصلك
صح

انا عايزه اقولك ان الامل انت اللي بتخلقه جواك والياس انت اللي بتصدقه
لو حاولت تحقق حلمك وفشلت مش معني كده نقول ياس وعيب الدنيا
انت اكيد اتعلمت من دا
واكيد الشئ دا اثر فيك بس قواك وهو اللي هيخليك تحلم بحلم تاني وتحاول تحققه واكيد هتحققه
مش محتاج غير انك تثق في انك تقدر تنحج
عمر ما كانا العيب في الدنيا العيب فينا
كلامك عن الحلم في البوستات اللي فاتت قبل ما تسافر كانت جواها بتقول خايف تفشل
غلط انك تحط احتمال الفشل قبل احتمال النجاح
انا مستنيه ردك علي التعليق دا علشان اكمل كلامي
وفي الاخر هقولك شئ واحد
قدر الله وما شاء فعل

Unknown said...

بوسى

بصى انا هاقولك بصراحة

انا من عادتى قبل ما ادخل اى حاجة

بحاول استنتج قبلها

لو نجحت فيها هاتعلم اية

ولو فشلت هاتعلم اية

ومن ناحية الياس

انا عكس كدة خالص

انا اقدر اقول على نفسى اخر انسان عالارض ممكن يصيبة الياس

بطريقة بيتستفز حتى اصحابى القريبين
لان ممكن يكون احتمال النجاح صفر
لكنى بيفضل عندى امل فى النجاح
وبفضل اجرى وراة

انا مش بحط احتمال الفشل
انا بيبقى عندى حاجة اكيدة
انى هاتعلم سواء فشلت او نجحت
انما اللى بحطلة احتمالات
هو النتايج بتاع النجاح الاول وبعدين الفشل
انا عارف ان كلامى مش راكب على بعضة
بس دى حاجةمش قادر اعبر عنها بالكتابة
لكنى حاسسها اوى فى نفسى