Pages

29 August 2007

تهيسات قلم


1


دخلت الدنيا مش فاهم حاجة
فضلت اصرخ واقول فهمونى
والناس حواليا يضحكوا
ولا بيعبرونى
فكرت انى حمار
والناس استحمرونى
اتارى البشر
زيى
لا بيفهموا
ولا فهمونى




2

مسا التماسى
عالحمير اللى قاعدة عالكراسى
والغباء
فى عقولكوا راسى
ايوة انتم
يالى انتم
فى الوطن حكام
بيعتوا الوطن بيعتوة
بكام
متر الوطن يتباع بكام
نقطة
كرامة
اتنزفت
فى جيوبكم
تسوى كام





3

بتبكى لية يا ورد
وانت اللى كنت متبسم
بتبكى من شوكك
ولا عرفت ان الفرح متقسم
عرفت الضحكة فيك
اتاريك حزن متلثم
طب ممكن ابكى معاك
ولا الحزن برضوا
متقسم




4

الجذمة ضيقة
والدنيا برضوا ضيقة
الحزن خانقنى
ورباط الجذمة تاعبنى
لا منى
قلعت الجذمة
ولا حتى عرفت اية محزنى
لكنى عارف
ان الجذمة
مقاسى
والدنيا برضوا
ماسى
وبرضوا
الحزن تاعبنى



5



ميكروباص
وكامل العدد
قوم يا اسطى سوقنا
المزة قاعدة جنب
الولد
والرب فوقنا
والغنوة مايصة
مولعة
وجعت نفوخنا
اتارى
نصيبنا ننقلب
وماينجرح
الا البعدا
حبايبنا
مزة
واوسطى
وولد
شكرا ياربى
عالدروس
وحمدلا
على سلامتنا




الكاتب غير مسئول عن تلك التهيسات اسئلوا فيها القلم

35 comments:

Layla said...

تهييسات جامدة جدا...تحياتي

مدونة كل العرب said...

حبيبى يا ريت تغير اسم البلوج عشان هو مش مناسب ليك يا مصرى - او اقلها غير صورة البروفيل - وانت عكس الصورة لان كلامك بيدل على كلام موزون

Esmat said...

يا فندم انا قولتها قبل كده
عنده حق صاحب حرية الفكر والابداع
ده انت فاهم كللللللل حاجة وعموما نعمل نفسنا مش فاهمين
الكلام المره دى شديد
خصوصا الجزء الخاص بالجزمة عجبنى قوى
والبعدة يا رب يقبل ربنا دعاءك فيهم
باعوا الوطن بكام دى محتاجة تفكير بس على الله ما يكنشى اضحك عليهم فى ثمنه
احسن ده ثمنه غالييييييييييى قوى قوى
يا خوفى مايكونوش عرفوا يثمنوه صح
والله ينور عليك يا فاهم

Unknown said...

واحد زهقان

مساء الفل عليك

وشكرا جدا على رايك ومرورك

تحياتى

Unknown said...

حرية الفكرة والابداع

تحياتى ليك على نصيحتك

واحب اقولك انى مقتنع اوى
بالاسم
ومقتنع جدا

بالصورة

وبشكرك تانى مرة

ممكن تتغير صورتى عن نفسى
واغير رايى

Unknown said...

esmat

يا اختى
ادينا عمالين نقول

وان قولنا ولا ماقولناش مش فارقة

بس اللى صحيح فرق معايا
رايك الجميل
فى التهيسات

واكبر تحية
مبعوتة ليكى
على مرورك الجميل

Bossy said...

السلام عليكم

انا بعتذر عن الخطا اللي حصل في التعليق انت طبعا فهمني
بس بجد اسفه خطا غير مقصود

المهم انا كده ابتديت اقلق علي القلم بتاعك
دا عدي مرحله التهييس من بدري

بس والله كلام جميل

Anonymous said...

أخى الكريم
الكلام المكتوب بمدونتك لايمكن يخرج إلا عن واحد فاهم كل حاجة
تقديرى واحترامى

~ Bato0ot ~ said...

tahyees 3ala 7a2o besra7a :) bas manta fahem kol 7aga aho?

nohamy said...

جامد جدا البوست ده
بيدل أنك فاهم كل حاجة
متأثر بشعر جاهين و نجم
بس بطريقتك
برافو عليك

sahr said...

عادي سيب القلم يهيس
ايه يعني
بالتوفيق

Mirage said...

يا ماماااااااااااااا


انا دخلت اترعبت يا عم

ايه الصور المرعبة دى يا مان

Unknown said...

بوسى

مفيش خطا ولا حاجة

عادى

انا برضوا ابتديت اقلق على قلمى
واقلق على كل حاجة بحبها

لكن هاعمل اية

وعالعموم سلميلى على منى

Unknown said...

الاستاذ محمد الجرايحى

اسمحلى اعبرلك عن وجهة نظرى

وسبب اختيارى للاسم دة
فى البوست الجاى

واتمنى دوام المتابعة من حضرتك


تحياتى

واحد مش فاهم حاجة

Unknown said...

batoot

هى ما بقتش تفرق تهيس من جد

بس نقول اية

خلينا نهيس

س.حلم لا ينتهي said...

نخلق من التناقض عالما متوازنا ودائما ننجح لكن أحيانا يترسب الفشل عبر زوايا الروح ليؤكد قيمة التناقض في واقعنا
نجحت فيما تحاول عرضه فكيف تكون السماء إن لم تكن أرض وكيف نرى النور إن لم يكن ظلام
وكيف نفهم دون أن ندرك صيغة عدم الفهم

NilE_QueeN said...

عمو انا مش فاهمه حاجه

Unknown said...

تهامى

انى اتاثر با ابويا صلاح جاهين

دة يزيدنى فخر

وانى اتاثر

بعمى فواد نجم

دة يزيدنى

اصالة
ويزيد المعانى بتاعتى عمق


وان اخويا تهامى
الى يقول عليا كدة

يبقى انا دخلت
التاريخ من الباب الكبير

منور يا تهامى

Unknown said...

sahr

هاسيبة يهيس

بس هايعمل اية بالتهيس

Unknown said...

mirage

صباح مليان رعب
فى مدونتى

مش رعب بس تقريبا

بمهد لنفسى للرعب الحقيقى

rona said...

طبعا انت فاهم كل حاجه بس بنعديها كلنا بنعديها بس نفسنا نرد ونقول ان احنا فهمين

heba said...

كلامك في الصميم وحقيقي
عجبتني اوي الجملة اللي قلت فيها "لكنى عارف
ان الجذمة
مقاسى
والدنيا برضوا
مآسى"

بس الصراحة اول ما دخلت في الصفحة اترعبت بسبب الصورة فكرتني بصور الأباصيري

تحياتي ليك واشكرك على تدعيمك لي في مدونتي
سلام

Anonymous said...

ايوة انتم
يالى انتم
فى الوطن حكام
بيعتوا الوطن بيعتوة
بكام
متر الوطن يتباع بكام
--------------------------------
ياريت باعوه واخدوا تمن الا دول باعوه من غير مليم


الجذمة ضيقة
والدنيا برضوا ضيقة
--------------------------------
هى دنيا من دنائتها وحقارتها

Unknown said...

محمد البدرى

اشكرك جدا
على تفهمك الصحيح لما يدور فى مخيلتى

فقد تطابق فهمك
مع ما يدور برائسى
اتمنى دوام

المتابعة

تحياتى

Unknown said...

NilE_QueeN

معقول مش فاهمة

مش عارف اقولك مبروك

ولا اقولك اية
بس عالعموم

ربنا يوفقك ويوفقنا

ونفهم

تحياتى

واحد مش فاهم حاجة

Unknown said...

شمس البولجات

رجعت تنورنى تانى فى مدونتى

سعيد بزيارتك
وسعيد اكتر
برايك

واتمنى رجوعك
بموضعات
جميلة كالعادة

تحياتى

Unknown said...

rona

اتمنى يجى اليوم اللى
اقدر اقول
انى فاهم

بمعناها الحقيقى للفهم


وشكرا على زيارتك الجميلة

Unknown said...

hend...hanady

مش يمكن دنيا

من حبنا فيها

وكل مانزيد حب ليها

كل ماتيدينا فى دماغنا

منطف برضوا
ولا اية

تحياتى على زياتك الجميلة

واحب اقولك مدونتك رائعة جدا

mostafa said...

مش بقولك فاهم بس بتستعبط

أميرة said...

يعنى انت يرضيك وانا داخلة الفجرية كدة
كل ذنبى انى بقتح مدونتك اشوف فيها ايه
اوقم الاقى ابو عنين دة فى وشى كدة والدنيا ضلمة وليل وسكون
يلا ربنا يسامحك بقى :(

صاحب البوابــة said...

كل عام وأنتم بخير

يهل رمضان من بعيد

حاملاً لي أحلى الذكريات دائماً

أصدق العبرات حتماً

أخلص العبادات دوماً

لرمضان عندي مكانة خاصة

ولكم أنتم أيضاً

يا أحبابـــي

فكل عام وأنتم بخير

وأنتم إلى الله أقرب وعلى طاعته أدوم

Unknown said...

مصطفى

سعيد جدا بمعرفتك

كشخص وكمدون

تحياتى

Unknown said...

اميرة ويلز

كل خضة وانتى طيبة

فى حد يدخل المدونة السودة دى وش الفجر

عالعموم

احنا بتعتذر عن الخطا الفنى دة

Unknown said...

صاحب البوابة

كل سنة والامة الاسلامية بخير وسلام

العندليب said...

elsalam 3alekom
بجد كلام جامد ومش مجامله والله
سلام