Pages

25 August 2007

مالك يا قلم


مالك يا قلم ؟

ولية بتنزف مالجروح اوجاع ؟
شد الخطوط رصها
قبل ما صاحبك بالرخيص ينباع
سن السنون
بيع الهموم
وارسم تفاصيل ضحكتى
اشطب دموع
وارفض خضوع
بيكبت ترانيم صرختى
عالسطر ارسم كلمتى
واقتل جوايا السكات
وحيد انا وياك
وبتعلم
معانى جديدة
لكل الحاجات
بتحلم باية خدنى معاك
للحلم
علمنى احس بية



عايزها حرة

ياااااااااااااااااااااااااااااااااة
يا قلم
حلمك جميل
منكرش انى حلمت بية
لكن شوفها


بتتنهد
وبطلع اهة مخنوقة
ويوم تضحك بتبى الضحكة مكبوتة
مزروع الخوف فى حتتها
ونار الظلم حرقتها
لكن ليها
جوة القلب حدوتة


كتاب واسع ملوش اخر
مربى الخوف لحسادها
وطارح قوة لولادها
وضد الظلم يكون دافع



كتاب مرمى ملوش معنى ؟
فى طريق ضلمة مجمعنا!!!!!

ولو تمسح تراب غطاة

يوم الجهل يمنعنا!!!!!!!
لكن
لسة عايش بحلم
وانت معايا
لازم تحلم
مفيش لينا غير الاحلام
يعيش الحلم
او
يدبل

قدر هاتحددة الايام

7 comments:

Bossy said...

السلام عليكم

يا سلام علي الحلم
قد ايه حلم جميل بس مسالتش نفسك لامتي هيفضل حلم
ما الحلم لازم يتحقق
لانه لو متحققش يبقي ايه لزمته من الاول

Anonymous said...

أنا كنت بقرأ باعجاب لاغاية أما وصلت لكلمة (زمن أسود) والكلمة دى ما تنفعش يقول الله عز وجل فى الحيث القدسى فيما معناه "يسب ابن آدم الدهر وأنا الدهر" فهذه العبارة لا تصح نهائيا

وكمل مسيرتك ياباشا وربنا يحقق حلم قلمك يارب

esmat30 said...

يا سلام
يا رب حقق الاحلام
بس اكيد لازم حاجة بيها نحقق الاحلام
نعمل ايه
ندعى ---دعينا
نصرخ----صرحنا
بجد زهقنا بس اكيد بعد حلكة الظلام حيجى نور ولا ايه

مش فاهم حاجة said...

مش كل الاحلام لازم تتحق

بس الحلم اللى قلمى حلى بية

اكيد هايتتحقق

لان مصر عودتنا على كدة

بس مينفعش الحلم يتاخر اكتر من كدة

تسلمى على مرورك الجميل


يا بوسى

مش فاهم حاجة said...

غير معرف

انا اخدت بالى قبل ما اقرا التعليق

وغيرتها

الحمد لله

مش فاهم حاجة said...

esmat30

كل مرة بحاول اقرا اسمك

ومش بعرف

مفيش اسم سهل كدة

انا عندى امل كبير ان النور جاى

Bossy said...
This comment has been removed by the author.