بان النهار
على خدك انتى يا سمرة
ماتنورى
اومى بقى
اتشيكى وادورى
والبس فستان الفرح
ضاع الفرح............. !
ميين السبب؟
نار فى الحطب
دود فى الخشب
حالنا انقلب!
والله يا مصر كلامك عجب
وشعبك عجب
مجنون بيضحك مالالم
والفقر ماصص جتتة
وكانة طابور مالغنم
وكلاب بتسرق اكلتة
طب امتى الخلاص؟
ولا خلاص انكتب
اخر سطر فى كتابك
ذل والم
قومى اكتبى
فوق العلم
انا شمس دايمة منورة
لو يوم ازول
الكون يزول
لكنى اوقات بنكسف
من كلب ربيتة
فى حجرى
لكنة غدر
والله يا مصر انتى طيبة
وولادك قلوبهم حجر
على خدك انتى يا سمرة
ماتنورى
اومى بقى
اتشيكى وادورى
والبس فستان الفرح
ضاع الفرح............. !
ميين السبب؟
نار فى الحطب
دود فى الخشب
حالنا انقلب!
والله يا مصر كلامك عجب
وشعبك عجب
مجنون بيضحك مالالم
والفقر ماصص جتتة
وكانة طابور مالغنم
وكلاب بتسرق اكلتة
طب امتى الخلاص؟
ولا خلاص انكتب
اخر سطر فى كتابك
ذل والم
قومى اكتبى
فوق العلم
انا شمس دايمة منورة
لو يوم ازول
الكون يزول
لكنى اوقات بنكسف
من كلب ربيتة
فى حجرى
لكنة غدر
والله يا مصر انتى طيبة
وولادك قلوبهم حجر
16 comments:
السلام عليكم ورحمة الله وبركاته
ايه الكلام الى يوجع دى يا اخى فى الله
مش كلنا كده
فى ناس كتير بتحب مصر
بس هو العيب مش فى مصر العيب فى حرامية مصر
ها فاهم ياعم مش فاهم ولا ايه
يعنى مثلا لو ما كنتش انت بتموت فى مصر ما كنتش كتبت الروعه دى
والسلام عليكم ورحمة الله وبركاته
العزيز
فاهم كل حاجه
كعادتك
كلامك بسيط
جميل
معبر
مصر عمرانه بأولادها اللى زييك
اما الناس اللى قلوبها حجر
حياجدولهم يومين ويمشوا
وتفضل مصر طول الزمن
فوق العلم
شمس دايمه منورة
تحياتي
السلام عليكم ورحمة الله وبركاته
كنت احب اضيف شئ على تعليقى انا كتبت التعليق بشكل هزار كا كنتش اقصد بعم مش فاهم حاجه دى حاجه غير هزار وسط الكلام
اصل انا بعد ما قرأت التعليق تانى حسيت انها كانت رخمه
بس طبعا دى مدونه من المدونات المفضله مش محتاجه كلام
دومت فى خير
والسلام عليكم ورحمة الله وبركاته
أحيانا ً أشعر ان مصر صارت لئيمة خبيثة قاسية ولا أدري أرد على قسوتنا أم تلك طبيعة
الدول
عندما أدري سأخبرك؟
لك تحياتي
السلام عليكم
الاخت مؤمنة
عمرى ما كنت اقصد حد غير الحرامية
لان الناس الطيبين انا عارفهم كويس
بشوفهم كل يوم
وبشوف الفقر والغلب فى عيونهم
عيونهم هيا اللى بتجبر فى اى انسان انة يخرج كلام فى حبهم
عشان كدة هاعيش احبهم
loumi
البساطة
انا بعشقها
زغم انها اوقات بتتفهم على انها سطحية
لكن جوايا عمرها ما كانت سطحية
دة احساس بيفضل يكبر يكبر
لحد ما يوصل للحظة الولادة
الولادة اللى مستنيها
مستنى ارض مصر تخرج اولاد
يحموها
وبنضفوها
ويرجعوها
يبقى شمس جديدة
تنور الكون من تانى
تحياتى
حائر
مش رد على قسوتنا
رد على ضعفنا
على خضوعنا
حاجة كدة
زى
معلش فى التعبير
الحمار
كل ما ينضرب ويسكت
الضرب علية بيزيد
تحياتى على كلامك الرائع
عزيزى مش فاهم
كلا م صح الصح وبكرة يجى نهار جديد يطرد الفساد ويبعد المنحل واللى فرط فى كتير من حق مصر ويجى النور علينا تانى يتلم المقهورين ويعلى صوت الحق وتتسمع مشاكل التعبانين وتتحل ويتاخد حق المظلوم و يتحاكم الظالم -ونلبس مصر توب جديد ابيض بلون الفل - وعلى راى صلاح جاهين
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو ح يحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد اقوله لحد
القمح ليه إسمه قمح اليوم وأمس وغد
ومصر يحرم عليها .. والجدال يشتد
ربنا يحقق لك
كل احلامك
تحياتي
ahmed
تحياتى
على ردك ومرورك الجميل
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو ح يحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد اقوله لحد
القمح ليه إسمه قمح اليوم وأمس وغد
ومصر يحرم عليها .. والجدال يشتد
نفس الرنة بتجيلى
تجرى الدم فى وريدى
لكن لحظة بعيش فرحة
ومليون قرن
طالع دينى
loumi
ربنا يحققك احلامنا كلنا
ويارب يقدرنا نبقى قد احلامنا
السلام عليكم
تسمحلي يا مصطفي اختلف معاك
المصريين قلوبهم مش حجر بالعكس دول طيبين
وطيبتهم هي اللي عملت فيهم كدا
لولا كدا مكناش هنبقي كده
احنا اتعودنا نغمض عنينا
ونعمل نفسنا مش فاهمين
اقصد نعمل نفسنا مش من البلد دي
فكرتني بحاجه شفتها امبارح كان تجمع كدا وبيقولوا شعرات
وقال ايه
عاوزرين ثوره ياناس شعبيه ضد نظام البلطجيه
اهو دا اللي احنا نقدر عليه الشعارات والكلام
لكن غير كده مش منقدرش نعمل حاجه
البوست بتاعك عجيني جدا
والله اسلوبك كل شويه بيبقي احسن
مستقبل مشرق ان شاء الله
السلام عليكم ورحمة الله وبركاته
الاخ الكريم
اين الجديد
السلام عليكم ورحمة الله وبركاته
السلام عليكم ورحمة الله وبركاته
طيب بان النهار وبعد كده
اين الجديد
نأمل أن يكون هذا الغياب على خير
والسلام عليكم ورحمة الله وبركاته
Post a Comment