الله عالمكانلما يجمع بالحنان انسان
الله على الذكرى
لما تلون بالامل بكرة
الله على كل شى
بيدارى قسوة شى
كان ساكن قلوبنا برى
وفضل عايش مع الفكرة
الله دى كلمة بتوحد عظمة الخالق
ومش فارق
تكون الدنيا حلوة
او حتى شى مارق
لو المعنى يتبدل
هاتتعدل
وبعد الليل
اكيد هانشوف الامل شارق
ويزول ضجيج كل الخطاوى المزعجة
بعد الزحام
وتدوب دموع كل العيون الطيبة
ويا الالام
هيا حكاية طفل وعايش
وسط الدنيا
باحساس خايف
يزعق يندة
حد يساعد
يلقى صداة بيرد اساعد
كل مايكبر املة بيكبر
لكن شوك الدنيا بيكتر
شوكة فى حبة
شوكة فى فرحة
شوك متبعتر لكنة بيكتر
حب يسافر يلحق حلمة
فى بلاد تانية
لكنة فى ثانية
حاوطة اليائس
فى كل الدنيا
الا مكانة
مكان الذكرى
حنب الفكرة
ويا حنان
مرسوم انسان بيبص
لبكرة
18 comments:
السلام عليكم ورحمة الله وبركاته
كلام رقيق وجميل
بس الذكرى مش عند كل الناس بتبقى حلو
سلام عليكم ورحمة الله وبركاته
بالتوفيق انشاء الله
احلى منطقة بتاعت الذكرى والاحلى منها الامل في بكرة
تحياتي على كلماتك الجميلة
الله على الذكريات لما تكون سعيدة
والله عليك يا أخي
كلامك جميل قوي
بسيط ومعبر
*****************
هيا حكاية طفل وعايش
وسط الدنيا
باحساس خايف
يزعق يندة
حد يساعد
يلقى صداة بيرد اساعد
كل مايكبر املة بيكبر
لكن شوك الدنيا بيكتر
شوكة فى حبة
شوكة فى فرحة
شوك متبعتر لكنه بيكتر
***********************
جميل قوى الجزء ده
بس طول ما الانسان عايش لازم يفضل عنده امل
لإنه إنسان
تحياتي
مؤمنة
وعليكم السلام ورحة الله
بشكرك على رايك الجميل
لكن عاوز اقولك
ان مجرد وجود الذكرى
دة احساس جميل
سواء حزين او سعيدة
وممكن تكون الذكرى علامة فى طريقنا
بتدلنا على الطريق الصح
mimi
تحياتى انا ببعتها ليكى
واحلى منطة هيا اللى بتسيبى فيها ردودك الجميلة دى
حائر فى دنيا الله
واحشنى جدا جدا
وحشانى ردودك وتعليقاتك
بسعد جدا بزيارتك
loumi
اتفاق فى الراى
لابد من وجود الامل
على راى استاذ ميلاد
ميلاد دة استاذ الرسم بتاعى
الله عليك
الله على الكلام
الشوك فعلا بيكتر فى الطفل اللى بينده وعاوز مغيث
وبكرة احسن من النهاردة
وأبعد عن اليأس عشان تقدر تعيش لبكرة
كلامك فى منتهى الجمال
بتغيب تغيب وترجع بكلام تمام واحساس اجملفى الكلام
تحياتى
الله عليك
تحياتى ليك
ولكلماتك المُعبّرة
دُمت
عاشقة الوطن
بحمد ربنا ان الكلام عجبك
والاحساس فية وصلك
وحصل اتفاق مع رايك
ليكى عليا بعد كدة اغيب اغيب
وارجع من تانى بكلام يعجبك
تحياتى
sharm
اللة عليك انت يا باشا
منورة المدونة
princess dodo
اجمل تحية ليكى
على ردك ومرورك الجميل
ومستني زيارتك الدايمة
تمت
السلام عليكم
الف مبروك علي البدايه الجديده
انا جيت اسلم بس
واشكرك علي سؤالك عليا
وبعدين هاجي تكلم عن الكلام الجميل دا
بس ايه حكايه الذكريات معاك
؟؟؟؟؟؟؟
جاوب بقي علي بال ما اجي تاني
ازيك يا بوسى
حكاية الذكرى
الذكرى دى عاملة زى الحضن اللى بنرجع نترمى فية
بعد كل نهاية
مهما كانت هيا نهاية
نهاية اى حاجة
وبداية حاجة تانية خالص
انا هتكلم كتير عن البوست دا
بس دا مش بوست دا حكايه
وكل اللي فيها حصلك
صح
انا عايزه اقولك ان الامل انت اللي بتخلقه جواك والياس انت اللي بتصدقه
لو حاولت تحقق حلمك وفشلت مش معني كده نقول ياس وعيب الدنيا
انت اكيد اتعلمت من دا
واكيد الشئ دا اثر فيك بس قواك وهو اللي هيخليك تحلم بحلم تاني وتحاول تحققه واكيد هتحققه
مش محتاج غير انك تثق في انك تقدر تنحج
عمر ما كانا العيب في الدنيا العيب فينا
كلامك عن الحلم في البوستات اللي فاتت قبل ما تسافر كانت جواها بتقول خايف تفشل
غلط انك تحط احتمال الفشل قبل احتمال النجاح
انا مستنيه ردك علي التعليق دا علشان اكمل كلامي
وفي الاخر هقولك شئ واحد
قدر الله وما شاء فعل
بوسى
بصى انا هاقولك بصراحة
انا من عادتى قبل ما ادخل اى حاجة
بحاول استنتج قبلها
لو نجحت فيها هاتعلم اية
ولو فشلت هاتعلم اية
ومن ناحية الياس
انا عكس كدة خالص
انا اقدر اقول على نفسى اخر انسان عالارض ممكن يصيبة الياس
بطريقة بيتستفز حتى اصحابى القريبين
لان ممكن يكون احتمال النجاح صفر
لكنى بيفضل عندى امل فى النجاح
وبفضل اجرى وراة
انا مش بحط احتمال الفشل
انا بيبقى عندى حاجة اكيدة
انى هاتعلم سواء فشلت او نجحت
انما اللى بحطلة احتمالات
هو النتايج بتاع النجاح الاول وبعدين الفشل
انا عارف ان كلامى مش راكب على بعضة
بس دى حاجةمش قادر اعبر عنها بالكتابة
لكنى حاسسها اوى فى نفسى
Post a Comment