Pages

17 March 2007

حب مصر جدار مخروم


عشقى اليكى يا مصر
اصبح جدار مخروم
بيعدى منة الحب
فاسد عليل مسموم
ويجيلى منة الظلم
اسود كرية مشئوم
فيكى الخراب عشش
والضحك بات مهموم
يا بلدنا يا بلد
هو لية صوتى انكبت
هو لية فرحى انسلب
هو لية الحال انقلب
هو لية الظلمة غطت عالمكان
هو لية النكتة هربت ماللسان
ردى عليا يا بلد
اتغيرت فينا الملامح
وارتفع صوت الانين
والدمعة سكنت فى المطارح
والنيل بيجرى صامت حزين
وهرمنا محنى وشموخة زال
لكنة لسة جواة امال
بانك تعودى سمرة وبهية
وتعودى تانى لينا قوي

10 comments:

Anonymous said...

لكن انا فاهم قصدك ايه...
.............
مدونتك لطيفه

Unknown said...

شكرا يا حامد
ومدونتى نورت بيك
والحمد للة ان احاسيسى وصلت
وياريت نشترك سوا
فى فهم السبب

Unknown said...

شكرا يا حامد
ومدونتى نورت بيك
والحمد للة ان احاسيسى وصلت
وياريت نشترك سوا
فى فهم السبب

heba said...

ردي عليا يا بلد
بجد احنا محتاجين حد يرد علينا .. يفهمنا ايه اللي قلب الحال خلاه محال .. لكن لسه في آمال ويارب تعود مصر سمرة وبهية .. يارب مصر تعود تاني قوية

Hady Habib said...

هيا غمه وان شاء الله تنزال
مصر اقوي من اى محال

اصرخ على صوتك
يمكن نفوق ونملى سكونك

عشان هيا مصر
ملكة كل عصر

لازم نكون ..لازم نكون

شكرا جدا يا واحد كلام روعة ورائع وان شاء الله فعلا نقدر نوصل للإجابة

Bossy said...

فساد الرعايا بفساد الملوك
وفساد الملوك بفساد العلماء
وفساد العلماء باستيلاء حب المال والحياة
ومن استولي عليه حب الدنيا لم يقدر علي الحسبة علي الارذال فكيف الملوك والاكابر
الكلام دا لابو حامد الغزالي في كتاب احياء علوم الدنيا
انا عن نفسي متفائله جداااا وان شاء الله مصر كمان 25 سنه هتبقي حاجه تانيه دا اذا فضلت موجوده

FTM said...

حلوة جدا الأبيات دى ..من تأليفك؟ بجد مؤثرة و معبرة عن الحال بشكل مؤلم

تحياتى

Unknown said...

انا النهاردة عندى اتنين شمس
يعنى المدونة نورت اوى اوى اوى
بالنسبة لضربة شمس
احنا مش لازم نستنى حد يرد علينا
لازم نرد احنا بافعالنا
والا مصر هاتضيع مننا



shams

هيا مصر
واكيد ملكة كل عصر
وهانفضل نحبها
ولازم نتعب عشانها


bossy
انا فرحان ان لسة فى ناس متفائلين
زى
ولسة فى امل
وباذن اللة يا بوسى تفضلى موجودة
وتشوفى مصر ام الدنيا


ftm
واللة من تاليفى
وبشكرك جدا على كلامك الجميل دة
وبزداد سعادة انى بقدر اعبر هن الناس رغم صغر سنى
وبرضوا بحبك يا مصر

الوردة السوداء said...

معتقدش ان مصر قاسية اوى كدة على اهلها

احنا اللى مبنعرفش نقول لا
للى بيسوقونا

شخبطة ملوكى said...

اخى الحبيب
كلمات بها احاسيس من الحب المفرط لبلد تستغربها بناسها
اعتقد انك تخاطب الناس من اهل البلد جميعهم و اوجزت بلفظ مصر
مسست الفاجومى فىمقاطع و موسيقى القصيدة التى اجدها تبشر بمولد شاعر جميل