Pages

15 March 2007

اتشليت يا ناس


سمعتة
اة سمعتة
عجبك
قصدك تقول شلك
واحد يقولى انت بتتكلم عن اية اقولة ياسيدى بتكلم عن مؤتمر المجلس القومى للمراة بمناسبة يوم المراة المصرية طب واية اللى جرى ياعم الحاج بص ياسيدى انا غلطت وشغلت الراديو لاقيت السيدة الفاضلة سوزان مبارك بتقول كلمتها وفجاة؟؟؟؟؟؟؟؟؟؟؟
لاقيت عاصفة من التصقيف عارفها انت طبعا
اتاريها زفت للستات خبر اعتماد تعين واحد وتلاتين قاضية فى منصب قاضية او رئيسة محكمةوقال اية كمان انها بتفخر بالمشاركة الفعالة للمراة فى اعادة صياغة مواد الدستور بتفخر بعودة المراة لمهنتها القديمة كخياطة بتفصل بدلة الدستور عشان تبقى على مقاس ولى العهد بجد مش شى يدعو للفخر ومع توالى الكلمات حسيت ان الناس دول بيتكلموا عن بلد تانية غير بلدنا بلد من كوكب تانى
وبعد شوية لاقيت واحدة اسمها فرخندة حسن الست دى بقى قالت كلام مدح فى السيدة سوزان مبارك اعتقد ان المتنبى لو قام من تربتة ميقدرش يقول حاجة زى دى من امثال السيدة الرحيمة ذات الاحاسيس الانسانية واللة بجد اتشليت مقدرتش اعمل حاجة غير انى اقفل الراديو
اصل الكلام دة صعب على دماغ واحد زى انة يستوعبة

6 comments:

Bossy said...

متبقاش بقي من اعداء النجاح والناس اللي بتبص علي نص الكوبايه الفاضي

اصل الكوبايه خلاص فضيت والدنيا اللي بتكلموا عنها محدش عايشها غيرهم
والمنافقين كتيرررررررررررر
ودا جزاة اللي يفكر يفتح الراديو
عماااااااااااااار يا مصر

مش فاهم حاجة said...

بصى يا ستى
انا واللة مش ببص على النص الفاضى
وفرحان بموضوع الموافقة على التعين
لانى من النوع اللى بيحترم تماما عقلية المراة
بس اغللى غايظنى
الطريقة دى
كانهم بيتدونا منحة
او حسنة من عندهم
وبوجهوا كل اسباب النجاح لعقولهم هما
وكمان بيستغلوا المراة
فى انجاح مشاريعهم الخاصة

whyme said...

الحمد لله ان انا وانت مش فاهمين حاجه لاننا لو فهمنا هنتعب اكتر و اكتر


خلينا كده احسن و يظل السؤال
حد فاهم حاجه؟

تحياتى

كراكيب عادل said...

هو كل الي يعلق هنا مش فاهم

طب ازي


عموما اديني علقت

تحياتي

david santos said...

جيد عطلة نهاية الاسبوع

مش فاهم حاجة said...

whyme
اجمل حاجة انك تلاقى حد واخد نفس شعارك
وانا فرحان اوى انى لاقيتة


كراكيب

معلش بقى يا باشا
شعار
ولا تغير فى الشعار
واهلا بك فى قائمة المشفهمين حاجة
على ضفاف الوادى