شمعة

لملمى الهموم يا شمعة
احرقيها
علمى الاحداث تغنى
رقصيها
عرفى الفرحة طريقى
اوصفينى
لو كنت ظالم
اظلمينى
لو كنت عاشق
طب فيين حبيبى
لو كنت طفل
طب فيين برائتى
لية جوة منى شرخ
بيخلى صورتى
فى المرايا باهتة حزينة

يا شمعة

لملمى الهموم يا شمعة
احرقيها
علمى الاحداث تغنى
رقصيها
عرفى الفرحة طريقى
اوصفينى
لو كنت ظالم
اظلمينى
لو كنت عاشق
طب فيين حبيبى
لو كنت طفل
طب فيين برائتى
لية جوة منى شرخ
بيخلى صورتى
فى المرايا باهتة حزينة

النساء

لو تسكتين-------------
لو تسكتين دقيقة
لو تسكتين--------
هذا الشريط سمعتة وحفظتة
فتوقفى عن عزفة
من اجل رب العالميين
قالت لها الناس اعطى لة فرصتة
يقول اى قصيدة
غزلية يختارها
او اى بيت من شعر الحنين
اعطى لوجهك فرصة حتى يدوخنى
بفتنتة
ويغسلنى بفضتة
ويقرا لى مساء ماتيسر من من
كتاب الياسمين
اعطى لعطرك فرصة حتى يعبر عن مشاعرة
بكل شجاعة
وتطرف ----
فالعطر مفتاح اليقين
اعطى لشعرك فرصتة
ليدور حول الارض
او حول ملايين السنين
لو تسكتين -----------
دقيقة
لو تسكتين
كل اللغات سوى الانوثة اكذوبة
كل البلاغة كذب
كل الفصاحة كذب
كل الخطابة فى الحب
وقت ضائع
ومهانة للعاشقين
خلى فصاحتك القديم جانبا
كل الكلام الفلسفى نسيتة الا
كلام الياسميين

اية التصور اللى ممكن يدخلك
لما تلاقى ورقة على الارض
مكتوب عليها
الكلام دة
اللى انت معرفش دى بتاع شاعر معروف
ولا صاحب الورقة هو اللى الفها

وصلنى مليون سوال
اول ما شوفت الورقة
لكن
مقدرش اجاوب على حاجة
او استنتج


بس
هو لية الشريط بيتكرر فى كل حكاية حب
لية دايما
بتنتهى نهاية وحشة

حد يشترى جنسية واحد مصرى

انا داخل اكتب البوست دة
ومش عارف انا هاكتب اية
بفكر اعلن لكل الناس انى مش مصرى
كنت عاوز ابيع جنسيتى لحد عاوز يبقى مصرى
بس ميين هايقبل انة يشترى جنسية لبلد
بلد اية
مش بلد خلاص بقت عزبة
عزبة مبارك

ولو قولت لواحد فى الشارع
مصر هاتبقى عزبة لمبارك هايقولى وهو على وشة مليون علامة تعجب ازاى؟
لو شرحتلة حكاية تعديل الدستور
هايقولى ياراجل واحنا مالنا ومال الدستور بلا هم مش كفاية الهم اللى فينا
اية الشعب دة
اية كمية اللامبالة اللى احنا فيها دى
انا بدات اشك فى ان التاريخ اللى قريناة دة بتاع اجداد الناس اللى عايشة على مصر
طيب
بلاش الناس الناس حلوة وانا اللى وحش
انا اعمل اية
عاوز حد يقولى على حاجة تتعمل
وتمنع المهزلة اللى بتحصل دى وانا اعملها
اعمل مجنون وامشى فى الشارع واقول
مش عاوزين تعديل دستور عاوزينك ترحل وتغور
طب ما ناس كتير عملوا كدة اية اللى حصل
اروح افجر نفسى قدام الهرم
طب واية اللى هايتغير
هايقولوا عليا ارهابى
طب اطلع فوق البرج
واقول هانط من فوق
لو ما افرجتوش عن مصر
هايقولوا عليا واحد مراهق البت بتاعتة نفضتلة
طب جربت اعمل مش واخد بالى
واقفل ودنى خالص بلاش اسمع حاجة
بس برضوا وشوش الناس بتفكرنى
لية يا مصريين
اية اللى بيحصلنا دة

حتى النيل لما روحت اشكيلة اللى بيحصل
لاقيتة زعلان
وغضبان
ونفسة يتف عليا ويقولى امشى يا كلب
لية احنا متعلمانش من النيل
ولسة بيجرى ويعافر ولسة عيونة بتسافر ولسة قلبة لم يتعب من المشاوير
لية انتوا يا مصريين تعبتوا
النيل كان بيكرة الحراس
لية انتوا يا مصريين بتخافوا منهم

مصر
انتى يا حبيبتى
هافضل احبك
بس
انا اسف

اسف
بجد اسف
وعشان خاطرى بلاش تحكى لولادى اللى حصل
خلية سر عندك
ارجوكى عشان اعرف ارفع وشى فى وشهم
واقولهم انا مصر

اسف

كلما هربت من أشيائك..

أُعذّبني بالصمت..

بالعطر الذي يبهر كل من مروا بدربينا..

بالملامح التي أزينها لعينيّ سواك..

بالضحكات التي لا تطلع صافية من القلب..

بأغنياتنا بأمنياتنا بتفاصيلنا المشتركة..

في تجارب النسيان جميعها.

.رباه..كيف يترك القلب بعضه أعزلاً.. ويمضي؟!

اسف لكنى سارحل

لانى لن استطيع

ان امنحك قلبى

لانى بلاقلب

فقد فقدتة فى حروب

الحياة

واخدت

مشاعرى اسيرة

لممالك الظلم

لذا انا اسف

حب مصر جدار مخروم

عشقى اليكى يا مصر
اصبح جدار مخروم
بيعدى منة الحب
فاسد عليل مسموم
ويجيلى منة الظلم
اسود كرية مشئوم
فيكى الخراب عشش
والضحك بات مهموم
يا بلدنا يا بلد
هو لية صوتى انكبت
هو لية فرحى انسلب
هو لية الحال انقلب
هو لية الظلمة غطت عالمكان
هو لية النكتة هربت ماللسان
ردى عليا يا بلد
اتغيرت فينا الملامح
وارتفع صوت الانين
والدمعة سكنت فى المطارح
والنيل بيجرى صامت حزين
وهرمنا محنى وشموخة زال
لكنة لسة جواة امال
بانك تعودى سمرة وبهية
وتعودى تانى لينا قوي

اتشليت يا ناس

سمعتة
اة سمعتة
عجبك
قصدك تقول شلك

واحد يقولى انت بتتكلم عن اية اقولة ياسيدى بتكلم عن مؤتمر المجلس القومى للمراة بمناسبة يوم المراة المصرية طب واية اللى جرى ياعم الحاج بص ياسيدى انا غلطت وشغلت الراديو لاقيت السيدة الفاضلة سوزان مبارك بتقول كلمتها وفجاة؟؟؟؟؟؟؟؟؟؟؟
لاقيت عاصفة من التصقيف عارفها انت طبعا
اتاريها زفت للستات خبر اعتماد تعين واحد وتلاتين قاضية فى منصب قاضية او رئيسة محكمةوقال اية كمان انها بتفخر بالمشاركة الفعالة للمراة فى اعادة صياغة مواد الدستور بتفخر بعودة المراة لمهنتها القديمة كخياطة بتفصل بدلة الدستور عشان تبقى على مقاس ولى العهد بجد مش شى يدعو للفخر ومع توالى الكلمات حسيت ان الناس دول بيتكلموا عن بلد تانية غير بلدنا بلد من كوكب تانى
وبعد شوية لاقيت واحدة اسمها فرخندة حسن الست دى بقى قالت كلام مدح فى السيدة سوزان مبارك اعتقد ان المتنبى لو قام من تربتة ميقدرش يقول حاجة زى دى من امثال السيدة الرحيمة ذات الاحاسيس الانسانية واللة بجد اتشليت مقدرتش اعمل حاجة غير انى اقفل الراديو
اصل الكلام دة صعب على دماغ واحد زى انة يستوعبة

بتتسرق منى الذكريات

بتتسرق
منى كل الحاجات
والذكريات
مقتولة
فرحة
فى عيونى
منتظر يوم الممات
يا كل عاشق فى الظلام تاية
يا كل شاعر فى الكلام هايم
يا كل راسم فى الهموم دمعة
راحل انا والحزن زادى
ويا الالم غايتى ومعادى
راحل وانقتل فيا عنادى
والظلم عايش جوة دمى
وكانة شى عادى
والفرح مسجون فوق جبل
والجبل عاتى
والسكة ضلمة والطريق فاضى
رحلة طويلة والقمر صاحب
بيفوتنى ساعات لكنة هو الصاحب
بتصبنى حالة مالكبوت
تجبرنى دايما عالسكوت
برفض فيها كل شى ظالم
لكن صراخى
دايما ملوش صوت
بفتكر ايام زمان
طفل برى وسط العيال
والفرحة طايرة حوالين المكان
وجوة قلبى احلامى صغيرة
والدنيا وردة مزهرة
والحب شمس منورة
وفجاة وبدون سبب
كل الحاجات اتبدلت
والظلم عشش فى المكان
براءة قلوبنا اتحولت
والفرحة هربت مالالم
واتسرقت منى الذكريات
وبدء انتظارى للممات
وكانت بداية رحلتى
الحزن زادى
ويا الالم غايتى ومعادى
راحل وانقتل فيا عنادى

لية كدة

منين نجيب قدرة تملانا تانى جروح
تدب فينا حياة ننساها اوام ونروح
والقى قلب وروح بيتقسموا
مواطن بيسلم حروف اسمة
ويخلع اخر هدمة على جسمة
ومين يهمة



لية كل واحد مننا ماشى فى اتجاة
مش عارفين رايحين لفين ولا عارفين جايين منين
انا بدات احسن انى معدتش انسان
معدتش بقدر احس باى احساس
غير الخوف
وكل ما اسال اية السبب بيجى الجواب صمت رهي
ب مفيش حد بيجاوب
طب ل
ية العيب فيا ولا فيكوا
وكمان فى عز فرحتى بحس بحزن ل
ية برضوا حد يجاوبنى
مش الانسان بيفرح لما يحصل حاجة تفرحة
طب لية انا مش بفرح
جاوبونى


هو انا لسة انسان
محدش بيجاوب برضوا


مش عاوزكوا تجاوبوا
انا هاقول
يارب
يارب
يارب



ومش عاوز منكم حاجة

مصر

هيا دى مصر يا مرسى
اللى يحب مصر بيستجن يا مرسى
اللى بيقول الحق يموتوة

اكيد مش هيا دى مصر
صدقنى
جدى حكالى عن مصر غير اللى بنشوفها دى يا مرسى
جدى قالى عن ناس كانول بيحبوا مصر
ومصر كانت بتحبهم
مش دى مصر يا مرسى