لما كان العالم رافع شعارات الاندهاش
كنت فاكر السما ملعب كبير للجولف من غير حفر
والارض دى حفلة سمر بيفضها اول خيوط شمس النهار
وان البحار حاضنة مداين مالدهب مسكونة غنا
الفاتحة على ارواح كل اللى ماتوا فى الصور
بواقى حلم متبروز او معنى بيكرة الطغيان
قبلك كان الشعر حزين
بعدك برضوا الشعر حزين
فرق صغير فالتكوين
قادر لسة اشق العتمة
واصبغ بكرة بلون الورد
واتورط فى العشق السرى..... مع كل جدران البيت
واستمتع بالضحك الصاخب.... ميهمش كام قبلة بكيت
فى قانون الوزن الفزيائى
وبعد اضافة كتلة دمعة
قدرت تخدع كبر رموشى
فى تناسب طردى مع الايام
مش هاقدر تانى اطير
اهداء مع خالص الود والاحترام ل.. فريدريك شوبان
11 comments:
مممممممم
مش قادر تطير....بس قادر لسه تشق العتمة و تصبغ بكره بلون الورد
يبقا عينيك لسه بتشوف....و قلبك لسه بيحس
أنا معرفتش احط البوست فى كتلة واحدة
أنا طلعت منه بكام جملة
زى ما يكون حيطة و كتبت عليها و شوية كلام مسحه الزمن....فى حاجة مفقودة فى احساسك
و يمكن ده اللى مش مخليك عارف تطير
دور عليها على مهلك....مسيرك تلاقيها
سلامات
أنا مش مجمع الصورة لسه بس أنا هاقرأ تاني و أقوللك أنا ايه ؟؟ بس هاقول ان شاء الله
هيه جميله
بس افكارهاو احاسسها متداخله شويه
اكيد بسبب النتيجه ربنا يطمنك عليها
ان شاء الله ناجح
بالتوفيق
مش قادرة اركز المرة دي : (
الفاتحة على ارواح كل اللى ماتوا فى الصور
بواقى حلم متبروز او معنى بيكرة الطغيان
------------------------------
و اغلى ما ليك
ما تتكش اوى ع الحرف فوق قلبى
و ما تشخبطش فوق صفحة كلام محفور
انا سيبت الكلام مكسور
على صفحه ف مكان مهجور
و رحمة قلب ما رحمنيش . لترحمنى
انا رصيت كام ضحكه على وش الالم .. وقعت
و غطيت الوجع . فكشفنى ما سترنيش
---------------------------------
مبهوره بالصور و واخدانى الافكار
لكن الاصعب انى لمسنى الاحساس
رائع كما انت دوما
صيدلانية مطحونة
هو فعلا زى كلام حيطة او مجرد اقتباسات ومش قصيدة كاملة وحدة واحدة
بس انا منوهتش عن دة سبتها كدة يمكن حد يلاقى فيها ترابط او يستنتجلى فكرة زى ان فى حتة مفقودة فى احساسى اقولك اية
يمكن
----------------
بتاع الفنكوش
شكلك هربت يا كبير
----------------------
الى السيد المجهول
هو زى ماقولت فوق مكنتش اقصد بيها قصيدة واحدة هى فلاشات لاحاسيس كانت فى دماغى وكانت عاجبنى مقدرتش اسيبها الا لما اطلعها فى اى صورة بقى
الحمد لله النتيجة جميلة وبقت القصيدة بس هى اللى احاسيسها متداخلة
---------------------
عاشقة الفردوس
عندى دى سامحينى
بس اهم حاجة انك جيتى وقريتى ودة يرضى غرورى
----------------
سهر
اذا كان ليك فى لعبة الحروف فانت عرضة اكتر للكشف او الفضيحة بس مش بالمعنى الحرفى للفضيحة اعتبريها نوع من الفضيحة الجميلة لو ليك فى لعبة الحروف انت مكشوف غصب عنك
عارفة الصورة كانت اجمل من كدة فى دماغى بس عارفة فى احيانا الكلام مش بيطاوع او الحروف مبتقدرش تلم كل الصورة او يمكن انا مش متمكن اوى منها
شكرا على رايك اللى هستناة كل بوست
منورانى دايما
ما شاء الله
انا فعلا مش فاهمة حاجة!!
اول مرة احس بصعوبة كدا وبرغم كدا شعر قوى جدا ومعناه عالى ومحتاج خيال واسع
حاسة مش قادرة اوصلة!!
شكرا
قبلك كان الشعر حزين
بعدك برضوا الشعر حزين
فرق صغير فالتكوين
قادر لسة اشق العتمة
واصبغ بكرة بلون الورد
واتورط فى العشق السرى..... مع كل جدران البيت
واستمتع بالضحك الصاخب.... ميهمش كام قبلة بكيت
انت لازم تنشر يابني
قال مش فاعم قال ؟
الرومانسية الحزينة
بعد الليالي و بعيش
الكلمات المفضلة عندي
الهروب ممنوع ... لاحظ أن سعادتك بتكتب كلام بيحبس
مش زي الفول لأ
بيحبس الانسان جواه و لازم يفهمه أو على الأقل يحاول
عموماً لو كنت أقول فأنا هقول
كان زمان الدنيا باين شكلها وردي و الناس عايشين في اليوتوبيا و الذهب بيحدفوه على بعض مش بيخطفوه من بعض
و مع مرور الأيام ... و حدوث الحوادث
تكشفت الحقائق و ظهر الجانب المظلم من قاعة الأفراح و الليالي الملاح
و رغم ذلك هشوف بكره حلو و جميل مع اني مش هاقدر أرجع لفكرتي اللي شايفه الدنيا قاعة أفراح و الناس في ليالي ملاح حتى طلوع الصباح
يمكن أكون فهمت
و يمكن أكون استفهمت
بس الأهم أني مش ممكن أكون هربت
سلام يا أعلى دماغ
la principessa
فلنبارك زيارتك واحاسيسك الاولى على صفحات المدونة وننشد مزيد من الزيارات
بالبلدى يعنى منورانى
------------------------
حمامة
لسة بدرى حرام اظلم واحد اشترى كتاب باسلوب لسة مش مكتمل
بس رايك ان الكلام يستحق النشر اسعدنى جدا
---------------------
sharm
وهى نفس الاحاسيس المفضلة عندى ومفيش مانع انى اصطنعها عشان اعيشها ولو لحظة لان فيها غموض ساحر
منورنى
-----------------------
بتاع الفنكوش
ايوة كدة انا كانت الشكوك بدات تلعب معايا لعبتها
مفيش حد يقد ينكر ان تغير ردود افعالنا كان سببة ان حصل فينا احنا نفسا تغير ويبقى من الظلم اننا نرمى السبب على اى شى تانى
متفقين يعنى بس انا بتفلسف شوية
سيبونا ناخد فرصتنا بقى
Post a Comment