Pages

16 November 2008

مسطول






وقفت فجاة


كتبت اسمى


وقلب صغير


بصباع روج


على شباك احلام مقفول













عدى يا بكرة


بسرعة اكتبلى


جنب الاسم


مليون طظ





اما صحيح الهوى مسطول


16 comments:

حمامة said...

ان شاء الله مش هيكتب طظ
هيكتب اسم تانى جمبه

:)

key of life said...

يا تري الهوى الي مسطول
ولا بعض الناس بتحب التخريب ؟؟
سلام

TAFATEFO said...

ههههه

فكرتها حلوه أوي

ســمـــر احمد said...

اعمى ومغرور .. مسطول يمكن ...
لكن ديما من حقى احزن
لما اكون بتنفس .. عشق

** بوست رااااااااااااااائع

adel said...

هههههه جامدة موت
ولو علي الطظ ....اهي يا عم

طظظظظظظظظظظظ

عادل
http://elbald-dy.blogspot.com/

هبة النيــل said...

ش انت يا باشا اللي يتكتبلك طظ

Lola said...

اييييييييييييييييييه بس يا بنى دا................انا حسيت انى كنت محتاجه اعمل دماغ قبل ما ادخل هنا عشان اقدر افهم معاك واقدر الكلمه اللى اتكتبت بصباع الروج وانتهت بكلمه...طز!! عايز كلام جد...روح الهوس والسطل اللى هنا عجبتنى حبقى اعدى من هنا تانى وادينا بنهرتل فى الدنيا لما نشوف اخرتها ايه.

تحياتى للدماغ العاليه.

max.adams said...

لو كانت على قد الهوى لوحده تبقى بسيطه انما دا امتد لدرجة ان الواحد يحس انه مسطول من غير ما يشرب عصير قصب حتى ... تخيل اني أمشي في الشارع أتطوح بسبب أني لابس آيس كاب و دفيان ؟؟!! حقيقي الهوى مسطول

بس هو ممكن الطظ دي تكون بسبب أن الشباك كان مقفول من الأساس يعني ما كانش حد هايرد ... بس أرجع و أقول لو كان الشباك مفتوح ما كنتش هتلاقي حته تكتب عليها - هتكتب عالهوا يعني - ولا عشان محلاوي هتدهن الهوا " روج "

تحياتي لبلدياتي

إيمان قنديل said...

جميله

OldCatLady said...

لا ده مش مسطول اطلاقا...هو عارف شغله كويس

بينى و بينك احنا اللى مساطيل باين

حلوة الصورة

:))

OldCatLady said...

لا ده مش مسطول اطلاقا...هو عارف شغله كويس

بينى و بينك احنا اللى مساطيل باين

حلوة الصورة

:))

3ali said...

loooool

Unknown said...

حمامة

دى بقى حسب نوع المستقبل اللى هايعدى علينا بكرة


ويكمل الرسمة


---------------------

key of life

مش عارف

بس البوست فى حد ذاتة تخريبى

سيبك انتى

سمعتى اخر الاخبار

بيبو فرقع جيجى


---------------------------

طفاطيفو

شكرا يا باشا

منورنى وابقى زورنا تانى

تحياتى

------------------


سمر احمد

اعرفة

لما كان حزنان

قرر ينزف حزنة ف ورقة عقيمة

ولفت الورقة وراحت

وقابلها تانى على شكل قرطاس لب



تخيلى بقى اتعمل كوكتيل مابين الحزن والذكرى فى صورة رسمة على شباك احلام وكمان مقفول

دة يبقى قتل مع سبق الاصرار والترصد

بكرة بيظلمنا بضمير

أبو العريف said...

والله اسمك زي اسمي بس مش مهم المهم انك ميه ميه
زي الفل يعني
وربنا يوفقك
انا بقي بعمل مدونه مشتركه ونفسي ليه تكون معايا
بس زورني الاول ودي رساله كنت باعتها لزمليله عن المدونه


بصي بقي بالنسبه للمدونه المشتركه انا بقول عندي افكار كتيره جداا جايزمش هقدر اصيغها علي شكل مدونه لوحدي
واكيد كلكم عندكم افكار جميله نقدر مع بعض نعمل مدونه جميله و بعدين من الافكار دي نقدر نعمل الاسس اللي انتي قولتي عليها وانا علي الاراء وانتي عليك بقي الاعضاء لاني تقريبا معرفش حد ومع بعض هنقدر نكمل المسيره

اول حاجه عايز اقولها ان فكرة مدونه مشتركه دي في حد ذاتها اساس نقدر نبني عليه المدونه
والمدونه لازم تكون مكونه من 4 او 5 اعضاء جادين تكون افكارهم متقاربه يعني دماغهم واحده من الاخر
ثانيا
المدونه لازم تكون مجنونه يعني طاقه وفيها افكار مختلفه ومواضيع جديده ومختلفه وعلشان كده انا اخترتك معايا
بعد كده
متخيل ان البوست يكون بيتكون من كذا موضوع او نقدر نسميه " ركن" او ويندو او اي حاجه تانيه
بس المهم ان اي واحد ممكن يكتب في اي ركن حسب الموضوع اللي مجهزه وبعد ما يكمل البوست يتنشر

ودي شوية افكار عن الاركان اللي ممكن يتكون منها البوست ودا رأي ومستني رأيك
ركن فضفضه
ودا ركن او بارت كل واحد عايز يفضفض او يحكي اي موضوع يكتبه

ركن المصطبه
ودا بقي ركن الحكاوي ايا كان نوع الحكايه او القصص القصيره وانا عني حبة قصص من حكاوي جدي نفسي احكيهم

ركن shots او ضرب نار

ودا عباره عن طلقات من جمل صغيره لها معني زي اللي بيكتبها انيس منصور بس طبعا علي قدنا
انا ساعات بكتب حاجات من دي
وممكن كمان يكون نقد لازع لاي وضع مش عاجبنا وبرضه في جمل قصيره
ركن البلد دي

ودا طبعا ركن كل ما يخص بمصر هنتكلم فيه عن بلدنا واحوالها وجمالها وحبنا ليها وكرهنا للي بيحصل فيها و بالنسبه ليه انا دلوقت بعيد عنها وعندي كلام كتير قوي نفيس اقولهلها وبالنسه للركن دا انا عندي بوست جامد جدااا و هو عباره عن رد علي اغنيه ما شربتش من نيلها ودي حته منها علشان اديكي فكره

ما شربتش من نيلها 00000 لا دا انا شارب من كيعاني
جربت تغنيلها 00000دانا بيغني علي زماني
جربت في عز ما تحزن تمشي في شوارعها وتحكيلها
جربت لكني لقيتها بصرمه قديمه وجات رزعاني

ما مشتش في ضواحيها 0000 م المشي انا ورموا كعبابي
مكبرتش فيها 00000 دانا عجزت في عز شبابي
كده يعني
وطبعا الموضوع دا مش هيبقي مجرد تسليه لا لازم يكون لينا رأي في اللي بيحصل حوالينا

وطبعا لازم يكون عندنا الركن الخاص بميوشه ودا الركن اللي دمه خفيف ودا طبعا مش لازم يعطلها عن مدونتها بس ممكن تكتب في مواضيع مختلفه

ركن موهوب افني او عبده مواهب

ودا بقي علشان اي حد عنده اي موهبه
او اي خواطر او اي رسمه ممكن يقدمها حتي لوكانت بسيطه
ودا لاننا بنكتب حاجات ممكن ما نكونش حاسين انها حلوه مع انها بتكون جميله جدااا

اكتب كلام علي الورق
مايهمنيش
لو يتقري
ما يتقريش
بس المهم ان الكلام يكون من القلب
له معني
يكون صادق
يكون مش بس لقمة عيش
ليه اسجن كلمتي فيا واسيبها تموت
بلاش اكتمها
ما اكتبها
واسيبها تعيش

وبعدين عندي فكره جميله
بما ان البوست بالشكله دا ممكن يكون طويل حبتين
ممكن نعمل فزوره دمها خفيف والحل يكون في اخر البوست
زي " ليه السمك بيخاف في الجنيه "
" لانه فيه 100 قرش "
وكدة يعني

واسف اني طولت عليكي
وعايزك تقولي رأيك وتضيفي طبعا ونبدأ في التنفيذ وانتي خبره في التدوين وهتبدأي
سلام

Doaa Ebrahim Aaql said...

الأحـلام الـمُـشـتـهـاه
تـتـحـقـق فـي الأفـكـار فـقـط..
مـهـمـا كـانـت مـسـتـحـيـلـه..

.

أعـجـبـتـنـي الـصـورة فـي

"كتبت اسمى
وقلب صغير
بصباع روج
على شباك احلام مقفول"

أيـضـاً يـمـكـنـنـا كـسـر الـنـافـذة الـمُـغـلـقـة مـن أجل الـحُـلم..

.

أتـمـنـى لـك كـل الـحـب والـسـعـادة..

.

مـع مـحـبـتـي

Unknown said...

عادل

ومنين نجيب طظ تكفى العشومية اللى فى بكرة

منور


-----------------------
هبة النيل

عادى بقى هو فى حد باشا على الهوى



منورة


--------------------

lola

يا ست لولو احنا بنقدم خالص اعتذارتنا وتاسفنا على هذا العوء الموجود فى مدونتنا

ويسعدنا مرورك الدائم

------------------------

ادهم بتاع الفنكوش


هو دة بقى تاثير الفنكوش

احد اهم مميزات العصر القصبى الاول

لو تعرف طريقة ادهن بيها الهوا روج دلنى عليها

وانا اعمل بوسة كبيرة واطبعها على شبابك الدنيا كلها عشان متتقفلش تانى فى وش المحبين اللى هما بيحبوا عصير القصب بس



----------------------------
مكسوفة


سعيد جدا برجوك تانى للتدوين والحمد لله انك دلتينى على مدونتك الجديدة

-------------------------

صيدلانية مطحونة

السطل اللى فينا شى بيدهى ذكرة

كانى بقولك واحد فى واحد بيساوى واحد

وافضل مستنى يبان على وشك ملامح التعجب


-------------------------------

3ali


loooooooool 3lek ya ragel ya cool



-----------------------


حد مش فاهم حاجة

سعيد جدا بالتشابة دة وسعيد بدعوتك ليا

بس ينفع تخلى واحد

كسول

ومتقلب المزاج

والكتابة عندة بتيجى بالصدفة

يشارك معاك فى مشروعك اللى هو هدف مهم قدامك

لو انت لسة موافق

انا مش هاوافق

عشان هايبقى حرام عليا

انى ابهدلك معايا