Pages

21 November 2008

حلم انانى

آدى وآدى


غول مستنظر



آدى وآدى


ماضى اتمنظر



عالمخاليق


آدى


النار بتبل الريق


بكرة اتعلق فى المتاريس


حتى الفرح ف قلبى خسيس


كل مازورة من الناحية دهية


يهرب هو مالناحية دى



آدى وآدى



حلم انانى



غرب فكرى عن الاحداث


خرجنى برة البرواز


ولقط الصورة بحبيب غيرى


هوب حبيبك



ثار و اتمريس فيكى وفيا


وعمل حاوى


سطر جرحى خطين حمر


وقرر يعبر بينهم ليكى


وادى المشهد


واقف هو بزهو شموخة


بيقول خطبة فى سحر جلالتك


يا بهية ....... انا قادر


اوقف جرى النهر الهادر


وافض بكارة حلم عويل


واوصل بيكى لشهئت نشوة


بعد ممارسة فعلى الفاضح


فى الانحاء



وامنح هذا الابن العاق


صك الرحمة


سهم ف شرفك المبدور


وابقى الشارى وهو البايع


واهدم فيكى حصن وسور


لاجل مايعبر سيدى الغول


باقى نهاية


للحدوتة


قبلة اخيرة بين العاشق والمعشوق


هانخلدها وهاننحتها فى صورة ذكرى


هانعلقها فى باب الدنيا


لاجل ماتبقى ذكرى لخوف


خوف شيطانى


حلم انانى


وشوق مش عارف رايح فين


قصيدة كتبها


ف مليون كلمة


شاعر هايم من مجاذيبك


عن قبلة اخيرة


عندك مانع ؟

7 comments:

adel said...

اول تعليق :):)

جامد موت و عشان تصدق انا مش فاهم حاجة :):)

عاجبني قوي الحتة بتاعت خوف شيطاني دي :):)

عادل
http://elbald-dy.blogspot.com/

NilE_QueeN said...

انا شايفه انك اندفعت بزياده ف تعبراتك

NilE_QueeN said...

انا شايفه انك اندفعت بزياده ف تعبراتك

ســمـــر احمد said...

و يعنى هى بهية كانت وافقت على كلامه و لا رضيت بتقل وجوده و ووعوده
ولا مغلوبة على امرها ولا لاقيه حد من اهلها .. ياخد بايدها
ما تقسوش عليها و السبب حبكو ...

تحية الى صدق الوجع هنا

max.adams said...

عندي عدد ا مانع من نوعية "مش فاهم انت بتتكلم عن ايه بالضبط " ايه اللي جاب الغول للمعشوقه ؟؟!!

النار بتبل الريق
هو زهقان و طهقان و كفران قوي كده؟


ولما خرجه برا البرواز مصر يرجع تاني أهو أحسن له الخطين الحمر الي يدوس عالجرح

و الشوق رايح عالمجهول
ضل طريقه قبل القول
ونهاية القول
عندي مانع يا سيادة القاضي
القصيده مش مليون ...

انت تسال والكمبيوتر يجيب said...

دعوه

تحيه طيبه
ندعوك للمشاركه فى برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام وهو يذاع يوميا التاسعه وعشر دقائق صباحا عدا الجمعه وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا
المدونه
http://netonradio.blogspot.com
الموقع
http://dear.to/cairo

Saydalanya Mat7oona said...

آه فى مانع...بتخنقنى أوى الجملة الجاية اللى هقولها بس مضطرة...الظروف كده...والقصة كيفها تنتهى كده...

ساعات النار بتبل الريق..بس اللى بيوصل لشرب النار يبقا أحسنله يطفى النار و يموت عطشان....

آاااه....مبحبش بكره يتعلق فى المتاريس...و نصحى و ننام زى التيران فى الساقية على أمل ان بكره يتفك أسره..بكره ممكن يتعمل فى لحظة...و نفسى أعرف هى فينها !!!....عشان مبحبش أنا أصلى الواحد يفضل يلف حوالين نفسه سنين

عجبنى أوى تعبير الفرح الخسيسي الهّراب ده!!!

تحياتى