Pages

07 November 2008

انـــــــــــــــــــــــــــــا

انا الفاسد فى اوطانك

مليش وردة ف بستانك

انا الراهب فى احزانك

ضمير بيهز اركانك

وبتهجد

وبتعبد

لاجلن يعود سحرك

و اضيع اكتر

واموت اكتر

واتبعتر

مابين شعرى والحانك

12 comments:

adel said...

اكيد برد لاني مش فاهم حاجة :)
تحفة كالعادة

عادل
http://elbald-dy.blogspot.com/

مؤمنه said...

السلام عليكم ورحمة الله وبركاته

انا
انا الى مش فاهمه حاجه
منين فاسد فى اوطانك
ومنين وبتهجد وبتعبد لجل يعود سحرك

انا حاساها حلوه بس ما قدرتش افهمها
اعذر ذكائى مع كتاباتك
دومت طيبا
والسلام عليكم ورحمة الله وبركاته

هـمـــــــــــسة said...

ماشاءالله المدونة بتاعتك حلوة اوى
والبوست ده اجمل

صح بسيط بس بيجمل فى طياته معانى كتير
سلمت الايادى

qwert anime said...

انا اللى فاهم انك مش فاهم يعنى ايه كلمة انا
لكن انا بيحاول يفهم انا
و انا بتاعتك و انا بتاعتى حيفضلوا هايمن فى معنى كلمه انا

key of life said...

اضيع اكتر


واموت اكتر


واتبعتر

كلام فوق الوصف وزياده عليه
انى بتشتت وادمر

هبة النيــل said...

و اضيع اكتر


واموت اكتر


واتبعتر


مابين شعرى والحانك


لخاتمة حلوة أوي

رغم إن الربط بين كلماتك "ليس بالشيء السلس"

إلا إني أشعر أنها نابضة من داخلك فعلا

ربما لذلك أشعرها وأستصيغها

شكرا جزيلا على سؤالك

max.adams said...

هو كلامك كان في مكانك
زي ما شعرك ضبط ألحانك
اطرد حزنك من دماغك
وهيعود سحرك و جمالك
لأنك ملك فنك و ألوانك
وكلمتك من لسانك
بألف من معاني زمانك

OldCatLady said...

عارف البوست ده..لاقيت معاه كده صورة فى دماغى مش عايزة تسيبها طول مانا شغالة قراية...صورة واحد مشدود بحبلين و كل مدى الحبلين بيتشدوا أكتر و أكتر ..بيشدوه بعيد عن كل حاجة فيه ...بس مش تعبان...ولا مع اللى بيمر بيه

ترض...مسحور باللى هو فيه..جسمه غرقان فى الأدرينالين فمش حاسس بلحظة منأحسنله ميفوقش بس فى نفس الوقت ميغرقش...ازاى بقا...أنا معرفش

تحياتى

OldCatLady said...

التعليق اللى فات اتلعبك فى بعضو..كنت بقولك فى آخره

بس مش تعبان...ولا معترض...مسحور باللى هو فيه..جسمه غرقان فى الأدرينالين فمش حاسس بلحظة من اللى بيمر بيه

أحسنله ميفوقش بس فى نفس الوقت ميغرقش...ازاى بقا...أنا معرفش

تحياتى تانى

Unknown said...

adel

شكرا يا جميل على رايك

ورنا ميقطلناش عادة


-----------------------

مؤمنة

راح فيين الاتفاق السابق

انا كنت عاوز اعبر عن حالة واحد متشتت بس هو فى الاساس حابب التشتت دة

واحد عاوز يروح هنا وعاوز يروح هناك

وفى الاخر وقف فى النص راضى وفرحان



----------------------

12 doc


منور ياباشا ويارب اكون دايما كويس




------------------

qwert anime


سيبك من موضوع فاهم اللى انا مش فاهم كل دة ميسواش جنب جمال مدونتك

انا بعشق السينما ومدونتك بتتكلم عن سينما انا دايب فيها

---------------------
key of life

للاسف بتشتت وادمر بالمعنى اللى تقصدية

مش فى القاموس بتاعى الكلمات دى

اتشرحت فى حصة انا كنت غايب فيها عن مدرسة الحياة

--------------------------
هبة النيل

يمكن الحالة نفسها اللى وصفها مش سلس

او يمكن لندرتها لان تقريبا اللى بيعيشوا فيها بياخد لقب عبيط مع مرتبة الشرف

واكيد مش عيب انك تعيشها ومش عيب انك تبان عبيط

هى عبيط تقيلة شوية بس ملقيتش غيرها

عبيط من العباطة والعبط

------------------------
اللواء عقيد طيار ابو الفناكيش


اخجلتم تقاطيعنا

معينفش يا سيدى تطرد الحزن

الحزن دة عامل زى البلد البعيد اللى انت بتحبها بس مينفعش تعيش فيها

يعنى عشان تروحها لازم تكون قاطع تذكرة ذهاب وعودة

انما متروحش خالص يبقى هاتخسر حاجات كتير

او تروح ومترجعش تبقى عامل زى الكورة والحزن يحكمك

--------------------------

صيدلانية

نشلت يا ناصح

انتى قفشتى الحالة وجبتيها ووصفتيها

وكمان نشرتيها وانا دورى فى الحكاية المها بعد ما تنشف

عشان كدة بنطالبك انا والبتاعة السودة دى انك متسبيش بوست الا لما تطلعى علينا

م/ الحسيني لزومي said...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود عل مدونتيِ

max.adams said...

اذا كان آخرتها كده خلاص ياسيدي نروح و نيجي انما نتحكم زي الكوره .... لا يا سيدي ما يحكمش ...!!