Pages

24 September 2008

عصر الطرابيش وتحولات الطراطير


لازال عقلى الباطن القابع بداخلى منذ انقسم عقلى الصغير لعقلين

احدهما اصر العزلة فى ما يشبة كوكب بداخلى

لازال يحلم بزمن الطرابيش والسلطنة على طرب ام كلثوم

وحياة الباشوات والست زينب هانم و رد قلبى

وسذاجة متفق عليها بين عامة الشعب من اجل هدف اسمى وهو الحياة

لا اعلم حقا من هو الطرف الذى اصر على كسر بنود اتفاق السذاجة السابق ذكرة

وقرر الدخول لحياة الطرف الاخر لتتخلى السينما المصرية عن ثوب الكلاسيكية

وترتدى ثوبا اخر اقرب للفهلوة ويتراجع عامل الفانتزيا فى حياة هذا الوطن

هل فعلها احمد مظهر بعد ان فشل فى اطفاء نار الحب التى كانت قد اشتعلت

بين اختة الاميرة انجى وعلى يا ويكا ابن الجناينى

فقرر الانتقام بان يتسلل الى قهوة المحطة ليداعب قلب الراقصة

التى سبق وان سلبت قلب عواد اللى باع ارضة

او ربما فعلها عواد وكان الاسبق فى كسر بنود اتفاق السذاجة

حينما ودع قريتة على انغام كورال مسرح القرية

باغنية عواد باع ارضة واستقر بة الحال فى قلب ليلى بنت الاغنياء

على كل الاحوال فدائما ما يلعن قلبى ذاك الاثم الذى كسر بنود الاتفاقة

فى اخر روايتى مع ذلك الاثم عندما انتهيت اخيرا من تحميل فيلم سواق الاتوبيس

وقررت الاختلاء بنفسى لقضاء بعض الوقت مع الفن السابع

اذا بذاك الاثم يطل بوجة القبيح

يطل مع نهاية كل مشهد ليخبرنى بانة مازال هنا يتنفس قبحا

يطل ويسبقة لسانة فى ابلغ تعابير السخرية منى

يطل ليعلن من فترة احداث الفيلم

بانها منطقة كسر وشرخ انحدارى اخرى فى ايدلوجية ذلك البائس

المسمى على حسب المكان مصرى

حقيقة مسلم بها

عندما تتمدد الطرابيش راسيا تعرف فى قاموس اللغة العامية

طراطير

لما قريت فى مدونة وائل عباس

عن حلمة بان يكون المدونين المصريين اول من يعزل رئيس جمهورية

زى ما عملتها ووتر جيت

لاقيتنى متضامن معاة

ونفسى اشاركة حلمة

نفسى اقلع الطرطور

4 comments:

هبة النيــل said...

صحيح أني أشاركك حلم الطرابيش يا أخي الكريم

ولكن ليس متضافرا مع "أشرقت هانم" أو زينب هانم

متضافرا مع أم زينهم وخالتي أم محمد

علينا أيضا أن نعي

أن مانحن به منقسم قسمين:

1- طراطير لابسينها

2- وعيشة عايشنها ماهيش بتاعت أهالينا

يعني

رغم هذه الطراطير التي نرتديها "مرغمين"

إلا أن هناك طراطير نرتديها "قاصدين"

لو مش مصدقني أنظر إلى كم الموبايلات المتداولة والسيارات ومصاريف المدارس الانترناشيونال

والتي ضاقت بما لديها من أطفال

نحن تركنا هويتنا وتهنا يا فندم

ومش عارفين "نلاقينا"

أخي الكريم

كل عام وأنت بأفضل حال

وقالع الطرطور

وما يحكمش عليك لبس "العقال"

د/اجدع بنوته said...

كل سنه وانت طيب

عيدك سعيد

ويارب دايما مش فاهم

لانك وانت مش فاهم

بتعملنا اعلى دماغ بصراحه

نفسى افهم .. لو انت مش فاهم ..

اخوانا البعده يبقوا ايه .. طرابيش

ماعلينا ..

كحك وبسكويت بالهنا والشفا

OldCatLady said...

الطرطور...مصيبة سودا..

المشكلة يا مصطفى انه طرطور باستك خانق على الرقبة و راكب فيه جهاز صغير كده لو حاولت تفك الاستك ده بأى طريقة الجهاز ده هينفجر...منهيا صاحب الطرطور

احنا عندنا هنا فى مصر كل حاجة متاحة للتغير و القلع الا الطرطور

بس تعرف حاجة...أنا الحمد لله بقالى دلوقتى شهر قالعة الطرطور

بتمنهالك أنت و كل شاب مصرى عنده دم...انه يقلع الطرطور مهما كانت الحاجات اللى هتروح معاه

وحشتنى الفلسفة الواضحة دى..

كل سنة و أنت طيب و مقطع الطرطور

Unknown said...

هبة النيل

هو بذات الوجة القبيح اللى شوفتة فى سواق الاتوبيس وهو اللى كان بيتنطط بين المشاهد

قررنا ناخد عيشة مش بتاعتنا

وحتى مكنش عندنا الحلم عشان تتحول وتبقى بتاعتنا



كل سنة وانتى بالصحة والسلامة



-----------------------------

اجدع بنوتة

كل سنة وانتى بصحة وخير وسلامة وفل وياسمين وروقان وحاجات كلها حلوة

--------------------------------

صيدلانية مطحونة


امممم انتى بقى عندك تجربة ولازم نسمعها

عارفة صعب ان حد يخلع الطرطور

اقولك تخيلى ولية تخيلى بصى على البلد اللى كلها لابسين الطراطير وبقت وكانها عضو من اعضاء جسمهم ازاى يقدر يعيش بينهم واحد من غير طرطور




كل سنة والبلد كلها مقطعة الطرطور