Pages

17 September 2008

انتاج مصرى مصرى مشترك



الفيلم شغال

السيناريو مظبوط

الممثليين مليقش بتمثيلهم غير الاوسكار

المشهد داخلى او خارجى

الوقت هو وقتنا

عاوز كوميديا

بص فى الشوراع هاتشوف كوميديا

عاوز تراجيدى افرح ياعم

التراجيدى موجود فى كل حتة

اقسم باللة ممكن تشوف فيلم تراجيدى فى عين كل واحد

قوم كدة وبص فى المرايا

عايزها اكشن

بالصلاة عالنبى افلامنا عدد اللى بيموتوا فيها بالالوف

عاوزها خيالى

عيش بقى احلى جو فانتازيا


الانتاج مصرى مصرى مشترك

دلوقتى تقدر تصدق

اننا شعب بيمثل فى كل حتة

احنا شعب بيمثل على نفسة

بس للاسف مفيش موسيقى تصويرية

10 comments:

زهرة الياسمين said...

أخى الكريم
ليست المشكلة الوحيده فى غياب الموسيقى التصويريه
بل إن الفيلم أصبح مكررا و معادا لآلاف المرات
نفس الأعين تبكى و نفس الألسن تتكلم
من يقهر يظل مقهورا و من يقتل يظل قاتلا
لا عدل و لا إنصاف
الفيلم قد أصبح من نوع الدراما الكئيبة التى مللنا منها و حفظنا مشاهدها حتى أصبنا بمرحله فقد الإحساس بأحداثها
لم يصبح الفيلم مشوقا و لم يعد يحمل عنصر الإثارة و لم نعد نمتلك الحماس لمزيد من المشاهدة

صوت من مصر said...

ممكن الموسيقى تكون جديده موت موسيقى الموت تحت الانقاض يا ولدى ؟
بجد الفيلم ده قديم جدا وانا مثلته 100 مره

NilE_QueeN said...

لا اظنه فيلم لكنه مهزله بشريه تتكرر باستمرار

هبة النيــل said...

أولا إزيك

ثانيا

أنا مع زهرة الياسمين بصراحة المشكلة إن الفيلم متكرر

بس في حاجة يا أخي الكريم

إن فيه شخصيات بتكون هي الأبطال

ودايما الأبطال

"أجرتها عالية" وفوق الخيال وهما بس اللامعين وظاهرين

وهما اللي بإيديهم ممكن يغيروا الفيلم حتى لو عاوزين

أما الباقي

فبيكونوا كومبارس

غلابة ياعيني زي مايقولولهم بيعملوا

وأجرتهم يدوب تكفيهم أو يمكن لاء كمان

ودول حتى لو ماتوا محدش بيسمع ولا يعرف عنهم حاجة

واحد فاهم كل حاجة

كل سنة وانت بالصحة والسلامة

عبقري البوست دا

واحد مش فاهم حاجة said...

زهرة الياسمين

وكننا قوم متخصصين فى انتاج السينما

لكن عمرنا ماستمتعنا بيها

زى المغنى اللى مش بيسمع

عارفة لو بنستمتع بيها

كنا عرفنا نجدد فيها

كنا قدرنا نغير السيناريو والحبكة الدرامية

متاخديش بكلامى شكلى بخرف

بس برضوا لو كان فى موسيقى تصويرية كنا هانستمتع اكتر



----------------------

صوت من مصر

ازيك يا جميل منورنى بعد غياب

نظرا لانى متابع جديد لفنون السينما

اقدر اقولك ان الموسيقى التصويرية لازم ولا بد ان يكون بينها وبين الاحداث تناغم

يعنى متجيشبيهم على ناس بيقع عليهم جبل وتغرق بيهم بواخر وتتخرب بيوتهم ويكون رد فعلة السكوت وتحطلى موسيقى حربية


عارف هايبقى شكل الفيلم اهبل زى اللى بيرقص من غير مزيكا فى شارع زحمة

انما لو حطيتة مزيكا هاتبقى مبلوعة شوية



------------------------
nile queen


وهى المهزلة اية غير ابطال وكومبارس واحداث كل حدثة بيمثل فى حد ذاتة صدمة

بس لسة برضوا ناقص الموسيقى


--------------------------

هبة النيل


سعيد بتعليقك يا دكتورة


بصى الابطال بياخدوا فلوس اكتر

والكمبارس بيدفعوا اكتر للابطال


تفتكرى انا كا كومبارس مش من حقى حتى اتمتع بموسيقى تصويرية

انا لسة مصر انهم يدخلوا موسيقى

Saydalanya Mat7oona said...

هقولك ايه؟؟

اه فعلا الموسيقى ناقصة...مش شغالة فى الخلفية..شغالة فى فيلم كل واحد بس..عارف أنت لما عفريت يطلع لشخص واحد بس فى الفيلم و يقولو أنت بس اللى بتشوفنى..أهو الموضوع كده تقريبا...واحد يسمع و الباقى يتفرج..فى اللى يستعجب واللى يفهم و اللى يضحك واللى يعمل عبده ..

الفيلم ممكن يبقا ساقط أو لأ بس ده ميتقيمش غير فى نهاية ليلة العرض خالص..لما كل الأحداث تترص جنب بعض و لما تتعلم كل الدروس اللى من المفترض انها تبقا مستفادة

على فكرة...حلو البوست ده
:)

عشقك ندي said...

2e7na bas m7aeen nas koayes we mo7`reg fahem a7san men elmo7`reg elle b2alo 28 sana kabes 3ala nafasna
ana asef enne baktb keda bas ana msafer we m3ndeesh 3araby
ta7yaty

ahmEd_H said...

جامد او الكلام لدرجة انه بيجرح بس فعلا عندك الحق الفرق الوحيد ان مفيش موسيقى تصويرية

هادي حبيب said...

اها ممكن برضه يا صقر :)

max.adams said...

لو كان عالموسيقى التصويرية يا سيد مش فاهم فأكيد مزيكا حصبالله شغاله 24 ساعة جو أدمغة البشر اللي المشاكل واكله تفكيرهم واللي مافيش أكتر منهم في المهروسه