الخوف قفل
كل الدروب
مش باق لينا
غير يادوب
كلمتين عن الخيانة والخداع
وموسيقا هادية
فى الوداع
من عزف أوتار القلوب
ومعدش باقى غير يادوب
ورقة نبـــــــــات
راقدة وفى حالة سكات
جوة خيوط العنكبوت
بتحلم تموت
أو ينتهي بيها المطاف
في بير غويط
تشرب حياة
تصبح خضار
شجر بثمار
وتقطع خيوط العنكبوت
ومعدش باقي غير يا دوب
حالة شجن
فيها اتسجن
عصفور وطالع مالعدم
معرفش معنى للألم
غير لما فكر في الحياة
على إنها
كتلة مشاعر
دراما طايرة للسما
وفى السما ولأنة طالع مالعدم
اتعاقب على كونة ثاير
هووووووووووب
اتسجن
جوة اطارة مالشجن
وماعدش باقى غير يادوب
فقرة يتيمة
فى مسرحية النهاية
مشهد ختامى
وقف البطل
وفى ايدة سيف
على خلفية الحزن المبين
بيقول بيان الانتصار
في يومنا هذا
قد عبرنا
قد كسرنا
للهم الحصار
ويثقف الجمهور بشدة
الشكر واجب علية
وهووووووووب
انقفل عنة الستار
في حاجة ناقصة في الدراما
في كسر في سيناريو الرواية
في حزن في فروع الشجر
في خوف وماشى في الدروب
في دمعة في عيون البطل
على خلفية
الحزن المبين
40 comments:
مش باق لينا غير يادوب كلمتين عن الخيانة والخداع
------------------
والله ما عارف اكتب
بس اصعب حاجه انك تكتب كلام مؤلم اوى لناس متألمه اوى بيمر عليهم زى سكينه حاميه اوى اوى اوى
وجعتنا كالعاده
تحياتى
كلمات فى منتهى الروعة والقسوة ..
ولكن دائما يكون الحزن هو الألهام الذى ينثر اروع الكلمات والأحساسيس ..
وبكل صدق ابدعت . ابدعت
لأول مرة يا اخى ادخل مدونتك .. وبكل صدق وجدت بها راحه نفسيه غريبه ..
أسمحلى اضيف رابط مدونتك بمدونتى ..
كلمات خارجه من عمق الاعماق
نابعة عن قلب مجروح واحساس مش لاقى طريقه حاسس بفقدان لكل المعانى
حقيقى قلبى وجعنى
دمت بكل ود
بطوط حبوب
متاسف اوى اذا كان الكلام كان صعب
بس فايدة الكتابة او التدوين
مش هاتتم الا اذا استخدمناها فى التعبير عن مختلف الاحاسيس
اجدع بنوتة
يا دكتورة
متاسف جدا
خالص تحياتى
ضى القمر
مش الحزن بس هو اللى بيلهم
ممكن تقولى ان الحالات الواقعية
هى اللى بتلهم الانسان
وكل ما تزيد الواقعية
بيزيد العمق
بشكرك جدا على رايك
وانا هاكون اسعد لو شوفت لينك مدونتى عندك
منورة
قطة الصحراء
بجد بتاسف تانى وتالت لكل حد الكلام
اثر فية زيادة عن اللزوم
ووصل بية لدرجة الوجع
اعذرينى
اخر مرة
شكرا اوى على رايك
واحساسك اوىبالكلام
دمتى بكل خير
اعجبتتى كلمات عند صديق
تقول
ان الالم العظيم يصنع المعجزات
هذا هو حالنا
حزن اصبح كظلنا
اول مرور
مودتى
كلماتك بتوصف اللى جواك عايزه اقولك ان الوجع هوا اللى بيولد الاحساس والقلب المرهف صدقنى لو كنت سعيد سعاده مطلقه مكنتش هتعرف يعنى ايه حياه احساسك فعلا جميل
بجد 100 مره اقول انت من الافضل تسمى نفسك واحد فاهم كل حاجه
بجد البوست جميل جدا
موجعة جدا بس تستاهل تتقرا اكتر من مرة
أحييك
عصفور وطالع مالعدم
معرفش معنى للألم
غير لما فكر في الحياة
على إنها
كتلة مشاعر
دراما طايرة للسما
وفى السما ولأنة طالع مالعدم
اتعاقب على كونة ثاير
هووووووووووب
اتسجن
جميلة رغم الحزن اللى فيها
لكنه هو اللى خلاها جميلة
على فكرة انت فنان بجد والله
اية الروعة دى
عظمة جامدة جدا
مؤلمة اه موجعة اه
بس رهيييييييييبة
وبرفع القبعة احترامى استاذ والله
تحيااااااتى
علي فكرة بجد البوست جامد جدا
هو فعلا حزن مبين مش عارفة ليه مع ان المحلاوية بيحبوا الهيصة
بس طبعا كل واحد فينا وله لحظة كدة
بس بجد احساسك عالي جدا
واختيارك للكلمات كمان موفق كدا
بجد تسلم ايدك
مستنياك بقي
مش عارفه اقولك غير انه كلماتك لا تقرأ بالعين بل تقرأ بالقلب فقط
ومعدش باقى غير يادوب
ورقة نبـــــــــات
راقدة وفى حالة سكات
جوة خيوط العنكبوت
بتحلم تموت
أو ينتهي بيها المطاف
في بير غويط
بجد ما شاء الله عليك
سامحنى لو بجد جيت هنا بعد كدا قريت وبس لانى فعلا مش بلاقى كلام اعبر بيه عن مدى تاثير الكلمات فيا
شكرا ليك وادام الله عليك احساسك لانه اصبح عمله نادره فى عالم البشر
الموضوع باين من أول عنوان البوست على فكرة
مؤلم جدا إن الأحداث والنهاية تكون من النوع ده: حزن ومبين كمان
ما بأحبش الحزن لما يكزن مسيطر ومنتصر بالشكل ده
لكن بيحصل للأسف
مش لاقيالاك كلام....حالة ابداع على نوستالجيا و رفض و سخرية ووجع و كلو فى بعضو...بقولك ايه
حد قاللك قبل كده انك انسان بجد؟؟؟
مظنش
مليون تسلم و مليون تحية ليك
جميل جميل جميل جدا
بجد الواحد اتألم وهو بيرا الكلام
:)
تحياتي
سلام يا فنان وجعتنا والله
ممكن سؤال؟؟متعرفش مصطفي بتاع صراخ جمجمة راح فين؟؟؟؟ شهر والتاني والراجل لا حس ولا خبر والله كانت كتابته روعة والله محدش شاف مصطفي يا جدعان
يا تري انت فييييييييييييين يا مصطفي
لي لي
يا ريت ترد عليا ضروري جدا مش لحاجة والله الا اني عايزة اعرف الراجل مبقاش بييكتب
لييييييييه؟؟؟؟
ولو بتكلمه قله احنا خلاص هننزل ديروط وننده يا تري انت فين
يا مصطفي؟؟؟؟؟؟؟؟؟؟؟؟؟؟؟؟؟؟
رانيا
ساعات بشوف الحزن هو الحالة اللى بنتعلم
فيها
يعنى تقدرى تقولى عليها هو المدرسة اللى بنتعلم فيها
ازاى نعيش
شكرا على زيارتك
واتمنى تكون دايمة
تحياتى
قيثارة الاحلام
معلش انا هاختلف معاكى
الاحساس مش ناتج من الحزن بس
يعنى فى احساس حزين
وفى احساس سعيد
وفى احاسيس كتير
بمدى عمق احساسى بيها
بقدر اعبر عنها
ولو انا فكرت اكتب عن الحزن فى وقت الفرح او العكس بعتبرها نوع من السخرية من نفسى
ومن الوضع
بس برضوا المحاولة بتبقى جميلة
صوت من مصر
شكرا يا باشا على رايك الجميل دة
وخلينا مش فاهمين احسن
هما اللى فهموا كانوا عملوا اية
تحياتى
الموناليزا
اسف على موضوع الموجع
واتمنى انك تكونى استمتعتى بيها
واتمنى اكتر انها تكون عجبتك
حمامة
اعتز برايك كتير
وبشكرك علية جدا
تحياتى
فضفضة
شكرا يا ست الكل
والواحد ان مكنش يفضفض هنا كان هايفضفض فيين بس
اسف على الالم اللى ممكن تكون سببتة
وبشكرك على وصفى بالاستاذ
تحياتى
Cognition-sense
شكرا على رايك
تحياتى
ازيك يا فنان
يا ريت تعبرني
وتقولي
مصطفي بتاع صراخ جمجمة
راح فين
لي لي
لى لى
والله يا ست الكل انا كنت جايلك فى السكة
اهو
انا بصراحة برضوا بدور علية
هو كان بيكلمنى كتير عالميل
واخر مرة كلمتة
كان من حوالى شهر كدةاو شهر ونص
وبعد كدة مش بشوفة اونلان اتمنى يرجع
بسرعة
لو وصلتى لحاجة بلغينى
متشكرين علي الرد يا فنان
بس انا لا هعرف اوصل لاي حاجة ولا عندي ميل من اصله
بس اخوان النت لازم يسئلوا
علي بعض
وخصوصا اني كنت بخنقه بخالد كساب
مش عارفة ليه طفش وساب القراء كدهوت
يا تري انت فين يا مصطفي؟؟؟؟؟؟؟؟؟؟؟؟؟؟؟لي لي
طب انا راضيك زمتك وضميرك
ازاى اسمك واحد مش فاهم حاجة وتكتب الكلام الجامد دة
هو فى حد يبقى مش فاهم حاجة ويكتب الكلام دة
وبالنسبة للدراما بقا والرواية والمسرحية والحاجات دى بندرسها دلوقتى لما ابقى استفيد منها اكتر هبقى افيدك ان شاء الله عشان تبقى اكثر فهما ومتقولش على نفسك واحد مش فاهم حاجة.
بما اني جاي متأخر كالعادة وحاطط وشي في الأرض و بفحص الجزمة يا ترى بتلمع ولا الإسكافي خدعني ..... أقدر أقوللك الحزن أصل الحياة مزروع في كل ركن من المكان من زاوية المسرح لحد زاوية المثلث التلاتيني ستيني و من زاوية صورة الغروب اللي بيموت فيها النهار لزاوية صورة الشروق اللي بيموت فيها الليل ومن زاوية مدونتك لزاوية كل المدونات الحزينة أو اللي أصحابها حزانى فإنني من هذه الزاوية بقوللك تقدم كلامك في الشبكة
سلام يا أجمد مش فاهم
اخى الكريم كلامك اكثر من رائع
مؤثر للغايه
تقبل تحياتى
اول مرة استعذب الالم !!
مع هذه الكلمات اصبحت حتي ان الالم لا يقارب الضعف في شئ بل هو للقوة وللعزة اقرب
اسفة بقي مفيش مكان تاني اكتب فيه
mustafa you canot go and leave your readers feel the with drawal symptoms>>plz 3333oooodddd you are athing dosenot look like any thing
?????????
كلام جميل ورائع والله
والي الامام دائماً
تحياتي
حزنك مدى كلماتك احساس رائع
ازيك ياصاحبى
عامل اية
-----
الدنيا والحياة ياما فيها
المهم الواحد يكون عندة امل ديما على طول
تحياتى
كلامك رائع مؤلم حزين ...يشرفنى انى فى مدونتك
Post a Comment