Pages

28 February 2008

يا ابتسامة

يا ابتسامة


يا شعور يا طاير ؛


كيف الحمامة


يا هدوء ومرسوم عالوشوش


يا صورة مفيهاش



رتوش



يا ابتسامة



يا ثغر مفتوح عالحياة



يوهب لها ؛



مليون حياة ؛




بعد الحياة





يا طعم خالى مالمرارة


يا رمز ؛



متحدى الاهات



يا حلو




بيحلى الحاجات





يا شرارة



ايوة انتى



يا جميلة


بابتسامتك


قيدتى فى قلبى شرارة


بعد ايامى الحزينة ؛


قلبى بيعانى بحرارة


بيعانى حبك


وحب قلب


حب حبك



وحب معنى


حسة حد


كان فى قربك


بحب ودك


وورد خدك


وسواد عيونك


ومعنى حزين


بتدارية جفونك


سا عات كمان


باعشق جنونك


حابب شموخك


خايف طموحك


يرسم جروحك


تزول ابتسامتك


تضيع ابتسامتى


يا ابتسامة




-----------------------------------

الاقتراب من كل شى

يؤدى بنا الى الاحساس بكل شىْ

والاحساس بكل شىْ

يؤدى بنا الى فهم كل شىْ

وفهم كل شىْ

يؤدى للتسامح مع كل شىْ

والتسامح مع كل شىْ

يؤدى لمرحلة اللارأى



ناتالى ساورت


------------------------------------


الغوص فى اعماق النفوس البشرية(البنى ادمين يعنى)


يؤدى بنا الى كراهية انفسنا

وكراهية انفسنا

تؤدى بنا الى كراهية النفوس الاخرى

ومن ثم كراهية الغوص عامة

برغم وجود ماهو افضل لممارسة هواية الغوص



واحد مش فاهم حاجة

----------------------------------------

كل واحد يبص فى الطبق اللى قدامة




والدى


--------------------------------------

عم عشم مات

وخالتى وخالتك اتفرقوا لخالات


واحد شلاحلجى







27 comments:

حائر في دنيا الله said...

يا ابتسامة
فينك
وحشتينا أوي


على فكرة انت أبويك شكله يعرف أبويا

بهبهات مع بعضيهم بقا


لك تحياتي
السلام عليكم

Ana keda said...

ههههههههههههههههه

ههههههههههه

ههههه

كمان ضحكة والنبى

ههههههههههههههههههههه

شايف الابتسامة بجد بجد حلوة والله

مش بجامل ولا بنافق انت عارف يعنى

وحب قلب


حب حبك



وحب معنى


حسة حد


كان فى قربك


بحب ودك


وورد خدك


وسواد عيونك


معدية الحتة دى اوى

وحلو بص فى الطبق الى ادامك ماما بتقولهالى برضه

تحياتى يا مصطفى

Saydalanya Mat7oona said...

بجد بجد حلو أوى أوى أوى
مش عارفة أى جزء عجبنى أكتر
بس بصراحة عجبتنى أوى
و عجبنى أوى أوى جزء الغوص ده:))))))
يا ابتسامة



-------------


الغوص فى اعماق النفوس البشرية(البنى ادمين يعنى)


يؤدى بنا الى كراهية انفسنا

وكراهية انفسنا

تؤدى بنا الى كراهية النفوس الاخرى

ومن ثم كراهية الغوص عامة

برغم وجود ماهو افضل لممارسة هواية الغوص
بجد حالة كان نفسى أوى أتكلم عنها و أديك شرحتها....متشكرين :)))
حلوة أوى المقتطفات الأخيرة دى

لو تسمحلى يعنى....الدنيا كده شكلها معاندة معاك ولا ايه؟؟
حاسة ان كل المدونين اللى دخلت عندهم قريب حالتهم مش حلوة كده
يااارب خير
تحياتى

Saydalanya Mat7oona said...

الا صحيح يا مصطفى يعنى ايه شلاحلجى دى :)
تحياتى تانى

زى الهوا said...

ههههههههههههههه جميل اوى وخصوصا بتاع الغوص وبتاعت الوالد

ضد الظلم said...

جامده قوى

وى الحته دى روعه

بحب ودك


وورد خدك


وسواد عيونك


ومعنى حزين


بتدارية جفونك



جامده مووووت

تحياتى

حمامة said...

ياريت الناس كلها مش فاهمه حاجة
زيك كده...
بجد مش كلام انت فنان
والفن انك تقول كلام يوصل بسيط يوصل للقلب وف نفس الوقت يكون عميق
اسعدنى مرورك عندنا واتمنى متكونش اخر مرة :)

دعاء مواجهات said...

إية ياناس الطحن دا بس والأحاسيس دى كلها الأسلوب راقى وج>ااب موت وعاوزين كمااان

مدحت محمد said...

ايوة انتى
يا جميلة
بابتسامتك
قيدتى فى قلبى شرارة
بعد ايامى الحزينة
قلبى بيعانى بحرارة
بيعانى حبك
ماجمل انت تكون هى ابتسامتك وسر سعادتك
دمت بكل خير

semsema said...

انا اول مرة ازور مدونتك التحفة ديه
بوست رهيب عجبنى اوى
طريقتك مميزة
تحياتى

NilE_QueeN said...

الاقتراب من كل شى

يؤدى بنا الى الاحساس بكل شىْ

والاحساس بكل شىْ

يؤدى بنا الى فهم كل شىْ

وفهم كل شىْ

يؤدى للتسامح مع كل شىْ

والتسامح مع كل شىْ

يؤدى لمرحلة اللارأى

كلامك جميل وعلى عكس العاده مبهج
اشكرك على الاحساس اللى خلق البوست دا جوايا

واحد مش فاهم حاجة said...

حائر

ازيك يا عمونا

الابتسامة رايحة جاية
قدامنا

بس ميين يحن عليها ويبتسملها


وعلى رايك قاموس البهبهات واحد

فى كل الازمان

واحد مش فاهم حاجة said...

انا كدة


ازيك يا مروة

يا بنتى الابتسامة هى اجمل تعبير

عن راحة البال

او مشاعر تانية كتير

يارب تفضل كدة دايما الابتسامة


والجزء دة انا بحبة برضوا اوى

واحد مش فاهم حاجة said...

صيدلانية وست الكل كمان

عارفة ساعات حب التطلع للى جوة الناس

بيتعب الناس

مع ان اوقات حبنا للتطلع دة

بيكون من منطلق المشاركة فى الحزن او الفرح


انا برضوا حاسس ان فى جو حزن فى المدونات

بس انا الحمد لله

تمام

ويارب دايما



شلاحلجى بقى

جاية من الشلحلجة

اللى هى

الهبلولة

ان البنى ادم يبقى هبلول كبير

واحد مش فاهم حاجة said...

زى الهوا

اية الضحك من تحت الماء دة

شكرا جد على رايك دة

وعلى راى حائر بهبهات مع بعضهم




----------------------------

ضد الظلم

فينك بس بقى نادر لما اشوفك هناك

عالعموم منورنى



--------------------------

حمامة

واجمل رد بحتاجة

هو ان حد يقولى ان كلامى وصلة وحسة اوى

وانا بردوا اسعدنى مرورك
ويارب متكونش اخر مرة

----------------------

دعاء مواجهات

اية بس

تكونيش انتى دعاء مواجهات
بتاع ضربة شمس

الدستور

وخالد كساب

واكيد فى كمان

منورة

------------------------

مدحت محمد

الاجمل
انك انت تعرف تكون سر سعادتها

دمت بالف خير يا جميل


----------------------------
سمسمة

وانا سعيد انك زورتينى

فى بوست انا نفسى بعتز بية

ويارب متكونش اخر مرة

واحد مش فاهم حاجة said...

nile queen


تمام اوى كدة

مش عاوز اكتر من كدة

ويارب يوكن المود دة

هو الغالب عندى بعد كدة

وعند اى حد

بشكرك انا على رايك

ساعه الغروب said...

انا بجد عايزه اعرف حاجه واحده بس مين اللى قال انك "واحد مش فاهم حاجه"دى استحاله بجد!!!

ما شاء الله عليك فعلا


يا ابتسامه
يا ثغر مفتوح عالحياه


ومعنى حزين بتداريه جفونك


ساعات كتير بعشق جنونك


بجد جملك فيها حاجات غريبه لازم تتحس اول ما تقراها


الجملتين الاخيرتين دول اول ما قريتهم افتكرت اوى اكتر جملتين اثروا فيا فى البوم اليسا كله

علمت قلبى عالحكى نسيتنى كيف البكى
...............
ومسحت دمعه ملبكه عرموش تعبانه سهر

يمكن احساسك وصللى الاحساس دا

ما شاء الله

وبجد بجد ميرسى اوى لكلماتك اللى فيها احساس اوى

ربنا يوفقك لكل ما فيه الخير ليك

واحد مش فاهم حاجة said...

ساعة غروب

مش قادر اكتب تعليق يساوى الاثر الجميل اللى سابة فيا

تعليقك

شكرا جدا جدا على تعليقك ورايك

dramaqueen said...

كلامك جميل اوى
واحساسك حلو اوى
اما كلامك
الغوص فى اعماق النفوس البشرية(البنى ادمين يعنى)


يؤدى بنا الى كراهية انفسنا

وكراهية انفسنا

تؤدى بنا الى كراهية النفوس الاخرى

ومن ثم كراهية الغوص عامة

برغم وجود ماهو افضل لممارسة هواية الغوص



واحد مش فاهم حاجة

فدة اكتر من رائع

تحياتى لك ولقلمك

Anonymous said...

السلام عليكم ورحمه الله وبركاته

قد ايه كلامك جميل جدا

بس في ملاحظه
اسلوبك اتغير تماما
اعتقد انك لو غيرت شكل البلوج كنت اكيد كنت هعتقد انك حد تاني
والتغيير دا علي فكره جميل جدا لان صعب اوي الانسان يغير من اسلوبه ويحتفظ بنفس مستوي الابداع دا
من تقدم الي تقدم ومدونتك هسميها الابداع المستمر ربنا يوفقك

Saydalanya Mat7oona said...

حلوة شلاحلجى دى....هبلول كبير !!!!
ههههههههههههه....دى خلاص كده ضفتها لقاموسى
طيب تمام أوى انك كويس دى شئ يبسطنى يا رب دايما كده

ميرسى ليك جدا و تحياتى يا باشا

الشخص الذي سيأتي بالتأكيد said...

لك مني فيض من التحايا
و عدة ابتسامات لا بأس بها

احييك

فاضل

max.adams said...

يا ابتسامة ليه بتفارقيني
وانا وحدي محتاج من يواسيني
تسيبيني
للآهات و لحنيني
لابتسامتك
تملا عيني
و تراضيني
و أغمض جفوني
يمكن النوم ياخدني
يوديني
عالم تاني
والنور يصحيني
وانت لسه جنبي
يا ابتسامتي

ياواد يا مصطفى انت مفيش منك تو وهفضل طول ما أنا بقرالك أتحير أرد عليك و أقول ايه

كل واحد يبص في ورقته
المراقب البحراوي أيام الثانوية

واحد مش فاهم حاجة said...

dramaqueen

اهلا بيكى فى المدونة

واتمنى يستمر قلمى فى حوزة اعجابك


منورة

-----------------------

غير معرف

يا باشا دة راى اعتز بية

انا اصلا لسة مبتدى

يعنى مليش اسلوب معين

يمكن بتنطط بين اسلوب والتانى
لحد ما يبقى ليا اسلوب

----------------------------

صيدلانية مطحونة

اى خدمة احنا بتوع الكلمات الجديدة



------------------------------
الشخص الذى سياتى بالتاكيد

لك منى فيض من الشكر

وعدة ابتسامات ترحيب

منور


------------------------

ابو الفناكيش

اية ياحاج

انت بتقطع علينا ولا اية
رايك دة وسام يا باشا

شكرا اوى

Hannoda said...

قلت كلام كتعليق على كلام ناتالى ساورت اللي أنا معرفهوش و كلامه ما أقنعنيش


بس كلامك أقنعني جدا


تحياتي

ٍSOU said...

انا اللى مش فاهمة حاجة

ANN said...

عجبتنى كلماتك اوى ..وكمان عجبتنى مقولة والدك:)اوى اوى