Pages

31 December 2007

لسة بلف





بلف فى دايرة
بمركز
ومحور
وزاوية انحناء
بلف فى سما بطول وعرض
ومحيط واســــــــــــــــع بغباء
جربت اقسم سرعة الالتفاف
على مقدار الغباء فى اللفة
لاقيتنى راح الف الى ما لا انتهاء

15 comments:

Saydalanya Mat7oona said...

جربت أقسم سرعة الالتفاف على مقدار الغباء فى اللفة لقتنى راح ألف الى مالا انتهاء.....ياااااااه حلوة بجد.
فكرتنى برباعيات صلاح جاهين جدااا
أحلى حاجة ان يبقا الواحد فاهم اللى فيها و عامل نفسه مش فاهم.
تحيااااتى

واحد مش فاهم حاجة said...

ياة صلاح جاهين حتة واحدة

يا بنتى كونك تقولى اسمة بس فى المدونة عندى
دة يخلينى اقف على الكرسى واتنطط مالفرحة
مابالك بقى انك تقولى ان كلامى فكرك باشعارة ورباعياتة

شكرا اوى على رايك
ويارب افضل مش فاهم عشان ابقى شبة صلاح جاهين
تحياتى على مرورك

عاشقه الفردوس said...

ياسلالالالالالالالالالالالالالام
واللهفهمتها يااستاذ مش فاهم
بس برضه تحس ان فيها حاجات مش مفهومه

ربنا يكرم حضرتك ودائماكده فى جديد

كل عام وحضرتك بخير بمانسبه راس السنه الهجريه

NilE_QueeN said...

خليك عالطول كده
مفيش احلى من كده

Rain man said...

اراهن انك مدرس رياضة
بس تعرف
احيانا قلة الفهم بتكون احسن

سعيد بإكتشافي مدونتك

Beela said...

for loop de wlla eh???
دي دماغ كمبيوتريزد
3o2bal mnb2a zyoko
vvv god ya bashmobarmeg

واحد مش فاهم حاجة said...

عاشقة الفردوس
كل سنة وانتى بخير وسلام

اسف انى مقدرتش اخلى كل الكلام واضح

بس يعنى المجمل واضح

ويارب يبقى كلة مفهوم بعد كدة

تحياتى

واحد مش فاهم حاجة said...

nile queen

خلاص من عنيا
بس هاخد كورس فى الجبر
غشان نخليها معقدة شوية

منورة

واحد مش فاهم حاجة said...

rain man

تخسر رهانك يا حلو

انا فى كلية حاسبات

يعنى حبة رياضة على حاجات تانية
تصدق انا كدة اللى اخسر رهانى

مبروك عليك
انا اللى اسعد بمروك يا مان

واحد مش فاهم حاجة said...

beela

ياريتها كانت تبقى for loop او اى لوب

حتى اللوب بيبقى لة شرط ينتهى عندة

الشرط هنا مجهول يا باشا



3o2bal mnb2a zyoko

مش فاهم دى ممكن بقى توضح

عالعموم منور جدا

وخلى بالك من logical error

عاشقة الوطن said...

السلام عليكم

تصدق كلنا فى الهوا سوا

تحياتى

DR.HAMAS said...

ايه يا عم ؟؟

انت حكمت علينا اننا مش فاهمين حاجة ليه ؟؟

لا يا سيدى احنا فاهمين

ايه اللى انت قلته بقة ؟

اصل مفهمتش

هههههههه


د.حمـــــــاس

متغيرة شوية said...

وعجبي

الحلو ان دوايرك واسعة
يعني في ناس نص قطر دايرتهم 10 سم

د/اجدع بنوته said...

هههههههههههههههههههه

حلوه جدا جدا جدا جدا

فكرتنى فعلا بكتابات جاهين

max.adams said...

المصطلحات الهندسية دي موش شويا انتا التحقت بكلية الهلوسة ولا ايه
بس لو عايز تطلع من المالا انتهاء ممكن توصل لجزء من سرعة الأضواء الآتية وتوصل لسرعة الانفلات عشان تتحدف من الغباء تلاقيك وقعت في الخواء تقول دا الغباء كان ونس و ناس ونسانيس وفنكوش مش فاهم اي بتنجان في العجوة اللي بيكتبها دي و كأنه بيرص حروف الواحد جنب التالت