Pages

08 December 2007

طاااااااااااااخ

فيها اية
.
.
.

مفيهاش حاجة


فيها ايه لو

.
.
.
برضوا مفيهاش حاجة


طيب فيها اية لو

طلعت انا مش انا

وطلع هما ناس تانين
غير اللى يعرفهم انا

ويطلع وشى مش وشى
وجسمى مش جسمى

حتى الاحساس اللى بحسة معاهم
مكنش معمول علشانى

برضوا مفيهاش حاجة

صدقنى مفيهاش حاجة

مش راح تفرق كتير




23 comments:

Esmat said...

لا تفرق كتير

فيها غش كذب ونتيجته فقد الثقة بعد ذلك
فى الكثير ، وحزننا على تفاعل كان مع ناس غشونا
وسرقوا منا وقت وإحساس بيهم
لو حصل ده معاك يبقى يا لها من صدمة
يا ليتك تفسر اكثر
تحياتى لك

Unknown said...

تفتكرى كدة
انا اظن انها تبقى فرصة جميلة لبداية جديدة
وفرصة لتكوين حياة جديدة كما يجب ان تكون

انا قاصد يبقى الموضوع مش محدد عشان اللى يقول راية يشطح بخيالة
تحياتى

مروة الزارع said...

اتمنى الفرصة دى تجينى نفسى اكون حد جديد
احساسك رائع
الى مزيد من الإزدهار

max.adams said...

مافيهاش حاجة لأنها هتبقى فارغة تماما من اي حاجة ماهو انت مش انت و هم مش همه يبقى أنا مش انا طب يعني الي أنا بعمله مش كان المفرود أنا اللي أعمله طب ايه

يا عم انت لخبطتني

تعبيرك معقد و ملتوي و مفعكش وملتوي و مفرود و واضح جلي في نفس الوقت يعني ممكن يكون هو ده الزهل الممتنع

تحياتي لك يا أعقل مش فاهم

بنت الصالحين said...

الظاهر انك عديتنا كلنا واصبحنا وحايد مش فاهمين
هههههههههههههههههههههههههه

بس حلو
لو انا مش انا والناس مش هما الناس

اومال هكون ايه وهما هيكونوا مين

سؤال يمكن حد من اللى بيفهموا يدخل يجاوبه



جزاك الله خيرا

Unknown said...

مروة الزارع
وانا كمان نفسى اخلع القديمة والبس الجديدة
بس تفتكرى ممكن

Unknown said...

عمى ابو الفناكيش

انا مش انا
وهما مش هما

هاينتح ان الاحساس اصلا مش هو الاحساس

هاتفرق معاك
ولا لا دة السوال

انت كدة فهمت ؟

لا
ولا انا

Unknown said...

عاشقة الفردوس
الاول منورة
بعد كدة بقى
هو الاحساس اساسا غبى
مش انا اللى فهمت زيادة عن اللزوم

تحياتى

سلوى said...

في مقوله بتقول

كل دقيقه جديده
هي فرصه جديده للتغيير

يعني ممكن التغيير
وما فيهاش حاجه طبعا

خالص تحياااااتي

مؤمنه said...

qالسلام عليكم ورحمة الله وبركاته
لا هتفرق كتير بس ايحنا الى بنصبر نفسنا
وربنا يصبرنا
والسلام عليكم ورحمة اللهووبركاته

حبة حاجات (ايمان) said...

لللاسف انها مابقتش تفرق كتير
بس ياريت مانستسلمش لظروفنا ونلوم الايلن والزمن اللى احنا فيه
ونحاول نخليها تفرق

تحياتى

Unknown said...

سلوى

بشكرك جدا على المقولة اللى جابت مالاخر

وبكدة انا مقتنع تماما ان مفيهاش حاجة

----------------------------------

مؤمنة

عاوزة رايى
مجرد راى متواضع
لازم تحاولى تتخيل شعور بداية حياة جديدة
حتى مع حبك الشديد لحياتك الحالية
-------------------------------
ايمان

الاول منورة المدونة
انا عن نفسى مش لو هالوم حد
اكيد هالوم نفسى بس
لانى معرفتش اتاقلم مع الحياة دى من الاول

بس عارفة انا متاكد ان الانسان اللى هايعرف يغير حياتة ببداية جديدة
زى منا بتخيل دلوقتى
هايجى يوم اللى يبقى عاوز يغيرها تانى

وتالت

NilE_QueeN said...

انا لما اكتشف ان انا مش انا
هحاول اعرف مين انا واستغل كل ثانيه من الزمن عشان اعيشها وانا انا

بس الطبيعي ان كل واحد مش بيكون غير نفسه

Anonymous said...

اما قرات الموضوع في الاول مفهتش بس بالتعليقات فهمت انت عايز ايه

مع كرهي الشديد لحياتي
وامنيتي الوحيده هي اني اعيش حياه تانيه بناس تانين
حياه يكون كل شئ فيها من اختياري
مش قدر
يعني انا اهلي قدر
اصحابي
قدر
عمري ما اخترت اي شئ فيها
ولو عشت الحياه التانيه دي واخترت كل شئ فيها اكيد هبقي اي حد تاني غيري

ودا هيبقي اكيد شئ ممتع واحساس جميل
ولا احنا كل شئ مش في ايدينا بنتخيله حلو

لالالا
انا كده رجعت للبدايه
بص يا مش فاهم
ارضي بما قسم الله لك تكن اغني الناس
ارضي بنفسك ووضعك وحياتك الحاليه
وهتلاقي نفسك سعيد


سلام بقي

مؤمنه said...

السلام عليكم ورحمة الله وبركاته
لوضرتك شايف الموضوع بمنتهى البساطه دى كان زمان الواحد بدأ كل يوم حياه جديده
أدعوك للمشاركه معنا فى المناقشه حول بوست ولماذا قالوا يهمنى رأى حضرتك جدا
والسلام عليكم ورحمة الله وبركاته

Desert cat said...

انا برضه شايفه ان مفيهاش حاجه خالص
خد راحتك على الاخر

Tamer Nabil Moussa said...

تفرق كتير

تفرق انك بقيت واحد تانى

غريب عن نفسة

وعن اقرب الناس لية

كدة بقى تحاول ترجع نفسك ليك من تانى

والا بقى قول على نفسك يلا السلامة

تحياتى

OldCatLady said...

يااااااريت أطلع انا مش أنا و هما مش هما و يبقا المكان مش هو المكان...و ساعتها اغمض عينى كده و الاقى نفسى فى مكان تانى..و ساعتها هتفرق معايا كتييير لانى اكيد ساعتها هرتاح و ممكن بقا الخدعة ساعتها انى اكتشف انى مليش وجود اصلا و أطلع كلى على بعضى حلم...يالا خير
و برضو أرحع اقولك...(و تقولى مش فاهم :))
و على رأى واحدة صاحبتى دايما تقول لو كنت اخترت اسمى لو كنت اخترت انا مين كنت بقيت حد تانى وسط ناس تانيين

barbie girl said...

مفيهاش حاجة
كله بيعدى

وكدا كدا دى حياتك هتعيشها مرة واحدة

يبقى لتعيشها صح لتعيشها صح

ارمى اللى فات وراك

وبص قدامك
الحياة كبيييييييييييييييرة

MAKSOFA said...

علي الطلاق بالتلاته ما أنا فاهمه حاجه

بسمه عبدالباسط said...

على فكرة تفرق كتير
أحنا كده مش هنكون بنى آدمين بجد

Unknown said...

nile queen
طيب ولية احاول انا
اتاقلم وخلاص مع الحياة الجديدة

تحياتى على مرورك
-----------------------------
الدنيا ابسط من كدة

انا اسف انى مفسرتش الموضوع من الاول

انا اكيد راضى بحياتى دلوقتى
بس دة كان مجرد خيال
بفكر فى حاجة خيالية
------------------------------
مؤمنة
انا روحت وقولت رايى
عاجبنى اوى حلقة التناقش اللى عندك دى

تحياتى

-----------------------------
Desert cat

الاول منورة المدونة

انا برضوا شايف ان مفيهاش حاجة

تحياتى على مرورك


----------------------------
تامر نبيل

طيب مانا ممكن بدل ماقول لنفسى مع السلامة
اقول لحياتى القديمى مع السلامة
وابدا فى اكتشاف الحياة الجديدة


---------------------------

صيدلانية

استنى بس رايحو فيين
دة احنا كنا بنتخيل
مجرد تخيل
ولازم تبقى عارفة انك مش هاتعرفى تغيرى اى حاجة من دى

تحياتى على مرورك

------------------------------
barbie girl

الخلاصة كدة كدة هاتتعاش يا عباس

مهما تفكيرنا شطح
مش هانقدر نغير

تحياتى


---------------------------------


مكسوفة هانم
اساسا لو انا فاهم كنت قدرت افهم حضرتك
بس انا مش فاهم


اهم حاجة مرورك الجميل
بلا فهم بلا وجع دماغ

------------------------------


bos bos

ملهاش علاقة بالادمية
فى كلا الحالتين
انا عايش فى مجتمع
اكيد هاحترم المجتمع دة

تحياتى

د/اجدع بنوته said...

فعلاا مابقتش فارقه كتير