Pages

21 June 2007

فيين الحقيقة يا خال


جربت احلم بالحقيقة
لاقيتنى غرقان فى التمنى
حاولت اختارلى طريقة
لاقيت طريقى الصعب هزمنى
لاقيتنى عايش
انسان عبيط
ماسك فى خيط
دايب ضعيف
وقعنى قسمنى
بين نص تاية فى المعانى
ونص خايف مالحقيقة
عيشت بحلم بالاغانى
كانت مشاعرى لسة بريئة




وفتحت بابى
على شط حلمى
لاقيتة راكب
مركب مفارق


ولية مفارق؟
رد وقالى انا حلم كاذب

لشخص هايم
فى الوهم غارق


شوفت هناك
يافطة بعيد
بتقولى ابعد
بلاش تقرب
انا قولت اقرب
يمكن يكون حلمى الحقيقى هناك
ومتغرب

لاقيتنى برضوا

لسة عبيط
ماسك فى خيط
واقف ببص
عالدنيا ومستغرب

16 comments:

Ana keda said...

هييييييييييه

اول كومنت انا حلوة اوى بجد حسيتها اوى ووجعتنى بجد يمكن عشان الكلام حلو بجد
بس عارف هو البنى ادم كل حاجة مكتوب عليها لا بيحاول يعرفها حتى لو فيها حاجة مش هتبقى فى صالحه وسعات بنمش ى فى طريق متوقعين نهايته بس بتمشى وفعلا بتتعلق بوهم فى خيالك انت وتحس هتعمل الى ما يعمل

تحياتى بجدوربنا يزيدك يا كبير

مياسه سمره said...

سالت شيخ الطريجه مارضيش يجاوب سؤالي
داري عني الحجيجه وفاتني تايه في حالي

سالت شيخ الاطبه دوا الجراح اللي بيا
نظرلي نظرة محبه وقال دوايا باديا

بنى أدم مع وقف التنفيذ said...

الحقيقة موجودة

loumi said...

مساء الخير
انا كنت عند هنوده
ولقيت تعليق انت كاتبه
بصراحه عديته
بس الفضول رجعنى اقرا اللى فيه
قريت كلمات بسيطه ومعيره جدا
فجيت اشوف ازاى واحد يكتب الكلام ده ويقول انه مش فاهم حاجه
لقيتك فاهم كل حاجه
ربنا يحميك
سلام

بحاول اكون said...

السلام عليكم
الحمدلله مجتش متأخررة اوي بحييك على كلامك الرائع واحساسك العالي
اوقات كتير الواحد بيشوف الحقيقة ادامه ولما بيحاول يوصلها بيلقيها كانت خيال بس الفضول بيخليه يمشي ورا اي حاجة توصله للحقيقة وفي الاخر بردوا بيطلع خيال بس هيعمل ايه مضطر يمسك في حلمه انو يلاقي الحقيقة
تحياتي ليك وربنا يوفقك دايماً

mohamed gado said...

تعبيراتك جميله جدا
بس بلاش انسان عبيط
عشانها جارحه اوى

عاشقة الوطن said...

انا جييييييييت
خلصت امتحانات وجيت على طول
جيت لاقيت كلام وشعر تحفة مش بتوع واحد مش فاهم
لأ بالعكس ده واحد فاهم وفاهم اوى وكمان مخه حلو اوى وبيكتب كويس اوووووووى
وشعرك جميل جدا جدا جدا

تحياتى الشديدة

whyme said...

حلم كاذب و احلام ياقظه دى بقت حياتنا و ايامنا بنصبر بيها نفسنا من واقع مرير رهيب


الحقيقه قدامنا و مش عايزن نشوفها لانها وحشه اوى اوى و مخليه شكلنا وحش اوى


بس هيكون احسن كتيرررررررر لو رضينا بيها و ابتدينا نشوفها

تحياتى

مش فاهم حاجة said...

انابشكر كل واحد دخل

وسابلى كومنت
وانا فعلا اسف انى هاغيب عن المدونة افترة

بس اكيد راجع

واحسن من الاول


سلامى ليكم كلكم

Bossy said...

السلام عليكم

خير بس في ايه هتغيب ليه وهتغيب قد ايه كده
لا بقي مش هينفع كده
علي العموم ان شاء الله خير ولا جايز هتعمل لينا مفاجاه
ان شاء الله ترجع قريب بس قول بس هترجع امتي
ومستنينك
سلام

Bossy said...

السلام عليكم

يظهر ان الموضوع كبير
مش معقوله مش فاضي تدخل المدونه
بس قول في ايه اي مساعده احنا في الخدمه
علي العموم نحن في انتظارك وفي انتظار الجديد وتقولنا في ايه
علشان منتخنقش

Ana keda said...

الغيبة
طوووووووووووولت
نناديك بالعووودة السريعة
ف انتظارك

عاشقة الوطن said...

انت عارف انت بتقول انك مش فاهم حاجة بس انت فاهم كل حاجة
انت يابني عبقري بكلامك وبأشعارك
انت بجد فنان وبتفهم اوى كمان

تحياتى الشديدة

max.adams said...

أيوه مزبوط الواقع المر بحذافيره الجارحة
تبا لهؤلاء القوم الذين أوصلونا لهذا ولكن نحن نشارك بسلبيتنا

max.adams said...

ايه يا عم انت فين
لسه بتحاول تفهم ؟؟
ماتحاولش ماتفكرش احفظ

عايزينك تنور مدونتك تاني سريعا مريعا

أسوفك بحدين
زلام

Halawa said...

تررررررررررن

ده جرس الباب

عجبني الاسم
قلت أخبط

لقيت منير قلت خيييير

بعدين محلة
قلت جيران
نص ساعة مش كتييييير

عجبني الكلام
وطلع تمام

قلت أسلم
وأمشي أوااااااااام

تحياتي