Pages

10 June 2007

المعنى عندى وبس


عن الرحلة والرحلة الموازية اتحدث عنى الان وعنى بعد مرور الزمان
اتسائل عن معنى فى نفسى ومعنى تجبرنى الحياة على اكتسابة
المعنى عندى هو اللاحدود للحلم واللاوجود للمعرقلات
والمعنى عندها هو ان اكون انا كما كونت وان ابقى خلف
تلك الجدران التى بنيت ولم اعلم من بناها ولم اسمع لهم صوتا
حين اتعمق فى التفكير تجبرنى كل المعطيات على الوصول الى حقيقة معنى الحياة
ساظل انا ذلك الفتى الذى يعشق الجلوس على مكتبة الاخضر
ويضع امامة كوب الشاى الذى لم يستطع حتى الان تناولة ساخنا
رغم انة محاط دوما بذلك الدخان الساخن المنبعث من سجارتة التى لا تنتهى ابدا
تلك هى الصورة التى تراودنى
لكنى حين اخرج من من تفكيرى هذا
ادخل لما هو اعمق انها دوامة حلمى التى لا يدخلها غيرى ولا يعلم عنها غيرى
احملينى ايتها الثائرة ................... اقذفينى اعلى
ارفعينى الى ما اريد................... ان اصل الية
فلا هواء يعوق ولا سحاب يمنع

الان
انا وصلت نعم وصلت
لم اصل لحلمى لكنى وصلت لبداية الطريق
يوجد هواء يعوق نعم
يوجد سحاب يمنع نعم
لكنى ساصل فلا حدود للحلم لكن هناك وجود للمعرقلات
وعلينا العبورحتى نصل
لكنى الان اتسائل

هل حقا ساصل؟

نعم

ولابد


ممكن


احتمال

انسى ياعم الحاج


مش ممكن


22 comments:

Bossy said...

السلام عليكم ورحمة الله وبركاته

الناس اللي خلصت امتحانات بقي يلا نبارك علي النيجه ان شاء الله قريب

فعلا مفيش حدود للحلم بس لازم الي جانب الحلم انك تسعي تسعي لتحقيق الحلم دا وهيبقي ممكن ان شاء الله وبلاش احتمال وانسي يا عم الحج خلي في تفائل وتوكل علي الله وان شاء الله هتوصل لكل شئ بتحلم بيه

ibn nasser - ابن ناصر said...

اهلا وسهلا
ولو بطلنا نحلم نمووت صح ولا ايه ؟؟

وحقيقي انت من المحله!! يااه شباب المحله لسه بخير

تحياتي

ضد الظلم said...

هتوصل طول ما انت بتحاول هتوصل هو بدايه الكلام صعب على امثالى فهمه بس بعد كدة الكلام احلو تحياتى وهتوصل

max.adams said...

أنا من رأيي ممكن ممكن جدا لو الهدف عظيم بالقدر الكافي انه يشدك و يخللي اصرارك يدوب السحاب و يشتت تيارات الهواء . الحلم حقيقة -- و المعرقلات لا يخلو منها مكان حتى و انت ماشي في الطريق أو و أنت بتحل في الامتحان فالفرق مش في العقبة و لا في الحلم اللي عيز يوصل عايوصل ياعم الحاج

انت صحيح من المحلة (بصرة يا برنس)

مش فاهم حاجة said...

بوسى هانم

اة خلصنا امتحانات والحمد لله

هقبالك كدة وتطلع النتيجة وتجيبى تقدير فية حرف الجيم


هو انا حطيت احتمال ويمكن وانسى ياعم

لانى عندى احساس ان مش كل حلم بنحلمة هانقدر نحققة مهما عملنا

وانا بكون فى نفسى فكرة تغير الحلم
فى حالة استحالة تحقيقة

مش فاهم حاجة said...

ابن ناصر

ايوة انا من المحلة

وبرفع شعار لو بطلنا نحلم نموت

ولو خرجنا من المحلة نموت


منور المدونة

مش فاهم حاجة said...

ضد الظلم

ازيك يا ابو العربى

شكرا على التشجيع الجميل دة

ويارب نوصل كلنا

وتكون غايتنا جميلة

عشان تكون لحظة الوصول اجمل

مش فاهم حاجة said...

ماكس بتاع الفنكوش

بص بقى من الاول كدة

مفيش حاجة اسمها الهدف يشدك
عمرك حلمك اللى بتحلمة ما هايشدك
الفشل ممكن يشدك انما الحلم لا

احنا اللى ممكن ننجذب لية هاتقولى واية الفرق بين ننجذب وان الحلم يشدنا

الفرق هو سعينا اللى بنسعاة للحلم دة

وانت طلعت محلاوى

طيب بصرة يا برنس

david santos said...

Very nice work, thanks

شيماء الجيزى said...

هقولك ايه

قول ورايا

لا هوصل
لا هحلم
لا هعمل المستحيل
علشان حلمى يكمل

قول متزرجنش

انا مصّر
انى اكون زى مبحلم
انا هكون مدام حلمى كبير وهوصل

متقولش مستحيل
متقولش انسى
متقولش سيبك
متقولش طنش

اعمل كل الى تقدر عليه
وقول بأذن الله هكون

عارفه ان دى اول مره ازورك فيها ..
بس يأسك فى الاخر ضايقنى
لازم نحاول بكل ما فينا
مدام جوانا امل واحساس كبير بذاتنا
فاهمنى؟

.................

دعوة لحضور لقاء المدونين فى بورسعيد
دعوة للتواصل بين المدونين ...صيفى جدا
لمزيد من التفاصيل ارجو زيارة مدونتى

تحياتى

مش فاهم حاجة said...

شيماء الجيزى

انا متفق معاكى فى رايك ودعوة التفائل اللى بتقدميهالى

بس اية المانع انى احلم حلم وميتحققش

هو دة عيب

مش عيب مادام انا فعلا كنت عاوز احققة وسعيت لية

هو مش موضوع يائس والله

بس انا كتبت الموضوع دة
عشان اربى فى نفسى ثقافة الهزيمة

لان اسباب الفشل اليومين دول

ماعدتش اسباب شحصية موجودة فى الانسان نفسة

لا المجتمع بقى اهم اسباب الفشل


متشكر جدا عالدعوة

وجارى التفكير

maha mohamed said...

بصراحه البلوج ده عاجبني جدا لانه فيه اصرار علي تحقيق الحلم بس ليه انسي ياعم الحج مفيش شئ مستحيل كل شئ ممكن ومدام الامل جواك ومصر علي تحقيقه يبقي ان شاء الله هتحقق حلمك المهم تسعي لتحقيق الحلم ده مهما كانت الظروف وخليك دايما متفائل بلاش تياس وارمي حمولك علي الله وان شاء الله هتوصل لانك كمان انسان تستاهل كل خير انسان بمعني الكلمه ربنا يوفقك ويحميك

maha mohamed said...

بصراحه البلوج ده عاجبني اوي لانه فيه اصرار علي تحقيق الحلم وليه انسي يا عم الحج مفيش حاجه مستحيله وكل شئ محتمل طول ما انت مصر علي تحقيق حلمك وطول ما الحلم جواك ان شاء الله هتحققه ولازم تسعي لتحقيق الحلم ده مهما تكن الظروف وارمي حمولك علي الله وان شاء الله ربنا هيوفقك لانك فعلا انسان تستاهل انسان بمعني الكلمه ربنا يوفقك ويحميك يا رب

smraa alnil said...

انت لازم توصل
اوعي تتخلي عن حلمك دة
اوح فيه لحد ما تجيبه من قفاه

مش عارفة في حاجات كتير اوي من المعرقلات لازم تتخطاها لازم تكون قوي وصامد
عارف انا لسة عاملة تدوينة عن الموضوع دة
يعني شبه الكلام اللي انت كاتبه
لازم توصل ولازم تتحقق اللي بتحلم بيه
مش شرط تحقه كفاية انك تفضل متمسك بحلمك لحد اخر نفس فيك

منة الله said...

مش فاهم حاجة

ادعوك للمشاركة في استطلاع راي

عن اكثر عشرة مدونات تاثيرا في قرائها

عل مدونتك واحدة منهم

اليك الرابط

http://www.6ef.blogspot.com/

مش فاهم حاجة said...

شكرا يامها على كلامك الجميل دة ويارب المدونة تفضل عاجباكى دايما

مش فاهم حاجة said...

سمراء النيل


منورة والله

ومبروك على الخطوبة

وانا قريت البوست بتاعك بصراحة عجبنى اوى

وعجبتنى فكرة الايمان الداخلى

بانى قادر

بجد فكرة حلوة

Sampateek said...

حتوصل ان شاء الله
بس قولنا حتوصل الساعة كام علشان نستناك


تحياتي

18goosebumps said...

اول زياره لي هنا

بانطباع عام جيد

تعلمتها هكذا

طالما شوفت حلمك في خيالك

يبقا حتوصله

وحيكون هو اكبر دافع ليك علشان توصله

تحياتى

مش فاهم حاجة said...

منة الله


هافكر فى دعوتك واقولك باذن الله

مش فاهم حاجة said...

سمباتيك

ساعة الوصول

هى نفسها ساعة تحقيق الحلم


شوفتى ازاى


وياريت تستنينى عشان نحتفل سوا


شكرا على مرورك

مش فاهم حاجة said...

الاخت فوكيرة

اهلا بيكى


انتى بتقولى

طالما شوفت حلمك في خيالك

يبقا حتوصله


معقول

انتى مقتنة بكدا

ماهو اى انسان عندى حلم وشايفة
بس مش كلة وصل

ناس موصلتش عشان مفكرتش تتعب عشان الحلم

وناس موصلتش
عشان القدر كان رافض انها توصل

صح

ولا اية؟