Pages

18 June 2007

ماتيجى نصلى عالنبى


كل مكروباص ولية سواق وكل سواق ومعاة تباع وعشان السواق والتباع يشتغلوالازم فى ركاب
ومدام فى ركاب يبقى احتمال كبير انك تكون واحد منهم ماااااا علينا
لكن اية احساسك لما يكون السواق اللى سايق متهم فى قضية مخدرات
واية مدى الزهول اللى ممكن توصلة لمايكون اللى قاعد جنبك واحد مهدد بانة يتحبس سبع سنين
وفى نفس الوقت مروق دماغة وبيسمع الفنان العربجى الكبير سعد الصغير
وسمفونيتة العظيمة بحبك يا حمار
طيب ومؤشر الزهول عندك يوصل لحد فين لما تعرف انة اتمسك بالمخدرات دى
بعد اسبوع واحد من جوازةطيب انت ممكن تتعصب لما تعرف انة اصلا ملوش علاقة بالمخدرات دى
وانة مجرد سواق اطلب مقابل اجر مادى بس كان زيادة حبتين


طيب يا اسطى انت هاتعمل اية ؟
هاعمل اية بس يا صاحبى اهو حظى كدة
انت معاك محامى حلة يا اسطى؟
بص يا صاحبى لما المحامى الحلو يطلب 7000 جنية اجيبهم منين انا عالعموم انا جيب محامى من عندنا فى البلد لسة متخرج قريب من حقوق واهو ينفع برضوا
تعرف يا اسطى انك مقدمكش الا ربنا

انت بتصلى يا اسطى؟
اة كنت بصلى لما كنت فى السجن فى الاربعين يوم اللى اتحبستهم على ذمة التحقيق قبل ما اخرج بكفالة بس دلوقتى بصلى عالنبى




انا مش بحكى دة كلة غير لسبب واحد بس حاجة مش فاهمها كالعادة نفسى اعرف هو احنا كمصريين جتتنا نحست اصلى لاحظت حاجة لاحظت اننا الشعب الوحيد اللى عندة فقر وعندة امراض وعندة حاجات كتير وحش وفى شعوب كتير زينا بس احنا الوحيدين اللى صابريين

9 comments:

Ana keda said...

بما انى اول تعليق وبوست حلو اوى

انا هقول وجهة نظرى احنا معروف عننا مصايب واننا فينا كتيييييييير اوى من اول حاجة لاقل حاجة يعنى من ريس ونظام حكومة فاشل وفيه رشاوى لتعليم بايظ واكل فاسد وفراخ عندها انفلونزا ومبيدات ولبن اهو فى بودرة يعنى بجد احنا عايشين بالبركة سبحان الله
بس فعلا حاجة تخلينا نستغرب يعنى لو واحد من امريكا او اى دولة جه شافنا هنا مش هيستحمل لاننا محرومين او مسلوبة مننا اقل حقوق الانسان الىب يعيش عليها
دى نظرة للى فوق

تعال كده نبص للى اقل مننا هنشوف فلسطين والى بيحصل فيها بلد متاخدة وبقالها اهو 60 سنة شعب مذلول وبيطرد من بيته دبابات شغالة ويهود ووو
العراق اطفال بتقتل ادام عيون اهاليها وفتن بين اهل وطن واحد والسودان ودرافور والصومال

نيجى بقى ونقول الحمد لله وعلى فكرة انا مش بشكر فى البلد بس بنحاول نشوف شوية يعنى احنا شعب بيستحمل من زماااااااان اوى من ايام الهكسوس ههههههه
كل الى عاوزة اقوله اننا نفوق ونقرب لربنا لان سخط ربنا على شعب بيبقى كبير
(وما كان بمعذبهملوكانوا يستغفرون)
بس ده الى عاوزة اقوله بوست حلو بجد
صلى عالنبى عليه افضل الصلاة والسلام يا حبيبى يا رسول الله

smraa alnil said...

والله يا ابني انا مفاهمة حاجة
تصدق كنت كاتبة عصيدة انا نفسي مش فاهماها
وعشان الاذبهلال اللي عندي دة هنشرها النهاردة بس بعد ما اغسلها

اللي انت قلت عليه دة بيحصل كتير

بس اللي خلاني اذبهل
ان الراجل بيصلي علي النبي

البلد ماهي بلدنا

والنبي يا جدعان اللي يفهم يقولي

Bossy said...

السلام عليكم

كلنا كده نصلي علي النبي

متقلقش علي السواق دا بيسمع
سعد صفيحه
وبعدين والله دي اكتر حاجه حلوه فينا الصبر الصبر يابني
وعلي فكره انا كان عندي امل وتفائل ان احنا هنتغير وان كل شئ هيبقي حلو وكده يعني
هو دا طبعا مش بعيد علي ربنا بس تصدق احنا مش نستاهل دا
هنفضل كده
اما يكون واحد اخد انه ينضرب كل يوم
صدقني لو في يوم مش اضرب هيحس ان حاجه نقصاه
وبعدين
صلي علي النبي

أجدع واحد في الشارع said...

صلى على النبى

تلقيه هو صاحب المخدرات

بس بيقول برئ يا بيه

مش فاهم حاجة said...

ana keda

رايك فى عين الاعتبار

بس عاوزك تاخدى بالك من حاجة
البلاد اللى انتى بتقولى عليها دى
فى حالة احتلال
ممكن انتى تردى عليا وتقوليلى طيب ما احنا فى يعتبر فى حالة احتلال

هاقولك بس البلاد دى بتقاوم الاحتلال


ومش قاعدين عالمصاظب وبيقولوا

يارب

وبعدين احنا لما بنتكلم على مصر
فى عندنا حالة غيرة

لاننا مش شعب لسة مولود من يومين

احنا شعب اتعود انة يكون الاول على طول

عشان كدة لازم يكون طموحنا واصرارنا على قد الماضى بتاعنا


واعتقد انك اتفقتى معايا فى وجهة النظر

اننا فى النهاية مقدمناش غير ربنا
نقربلة عشان نخرج من اللى احنا فية
ودة نفس اللى قولتة للسواق

ويلا نصلى عالنبى

علية الصلاة والسلام

مش فاهم حاجة said...

smraa alnil

اية حكايتك بقى

لما انتى مش فاهمة حاجة فى اى حاجة

متغيرى اسم البلوج

واحدة مش فاهمة حاجة

عشان الاقى حد معايا فى فكرتى
ونحاول نفهم كمية التناقض اللى موجود حوالينا دى

مش فاهم حاجة said...

bossy
فى الاول كدة
علية الصلاة والسلام


اما بعد

هو دة اللى تاعبنى

اننا رغم التاريخ الجميل دة كلة

اتعودنا اننا نعيش مظلومين

مقهورين


وفى الختام

علية الصلاة والسلام

مش فاهم حاجة said...

اجدع واحد فى الشارع

طيب لو كنت انت

معلش يا جميل يعنى

بقول لو كنت

كنت هاتسمع

بحبك يا حمار

وبدل ما تصلى لربنا

هاتصلى عالنبى

علية الصلاة والسلام

max.adams said...

من أول السطر أحب أعلق بأن علماء الأجناس قالوا ان تصرفات الانسان مرتبطه بشكل عظيم مع طبيعة الحياة و النشأه

البدوي متأثر بالصحرا تلاقيه شجاع و كريم يغيث الملهوف حاد البصر نافذ البصيرة و متلك الفراسة

الجبلي قاسي الطباع في المعظم قوي البنيان يتلائم مع الطبيعة الصخرية التي لا ترحم

البحري طيب مرتاح النفس عالي الصوت بيعزم عزومة مراكبية

الفلاح أو من كان في بيئة زراعية يرتبط بالأرض يبذر و يروي و ينتظر المحصول

فلا تقارنه بالصناعي الصاخب الذي لا يبقى على حال و يغير من لا يروقه

سلام و تحية عشان الروعة اللي انت كاتبها

و على فكره الورد فيريفكاشن مخنق