Pages

23 April 2007

انا مش شاعر


يا ابنى انت عمرك ما هاتكون شاعر طب لية كدة لانك معندكش احساس ايوة بقولهالك انا مش شاعر لكنى بحس بحس بيك وبيها وبيهم من نظرة عينكم من غير ما تحكى من غير ماتقول انا رسمت بكلامى صور ليكم كلكم بلاش الضحكة المستفزة دى انا بتكلم بجد انا مش شاعر انا انسان بقول كلام باخد حقى بية حتى لو ما جاليش حقى كفاية ان كلامى هايرسمنى قدام نفسى انسان بنى ادم لة حق وبياخدة حتى لو مش باخدة فى الحقيقة بس انا اخدتة بكلامى زمان من حوالى عشر سنين كانت اول حاجة كتبتها عشان اخد حقى اة واللة حقى
قلبى فى حبك تاة واحتار انتى بهيمة ولا حمار ساكنة فى قلبى كانة زريبة شوفت معاكى الدنيا غريبة لو يوم شوفت الكلب اقول لولو حبيبتى مش معقول بئك قد بئ الفيل وبربورك قد النيل وشك زى طبق ملوخية من غير توم ولا تقلية اللة يصبرنى عليكى واتحمل ريحة رجليكى


كبرت شوية حبيت اقول لمصر كلمتين فطلعت كلام كلة الم وحسرة مع انى كنت لسة صغير بس كنت حاسس لانى مش شاعر انا انسان بيحس

بارد يا حضن الوطن بارد وفيك احساس القلوب شارد مجروحة قلوبنا لكن عايشين تايهين فى بحور السنين خايفين نصرخ بصوت الانين ومش عارفين جنون البشر واخدنا لفين عايشين على ماضى غرقان فى بحور السنين يامصرى قوم هش الوطاويط واخبط دماغ اللى يخون فى الحيط يامصرى عيش ولو ثانية حويط ولا انت غاوى تعمل دماغ تظبيط يامصر ابنك عايش وسط الحياة محتاس يركع يبوس ويعشق رجول الناس مش عارف يوم يبيعك ولا عارف يقتل الاخلاص ومستنى يوم ماترفعية فوق رؤوس الناس زهقت منك ومن ابوكى لكن بحبك حتى لو العبيد حكموكى انا لية بحبك يا مصر لية؟ بحبها ومش عارف سبب لحبها بفرح لها وقت الفرح والظلم مالى ارضها بنزف دموع لو تنكسر برغم قسوة اهلها فيها حلى اللى ضاع وانتهى ودمعى اللى كان بيروى ارضها لكنى لسة برضو بحبها


بس برضوا منيش شاعر



يلا مش مهم

بالشفا

والعوافى عليكوا بقى

11 comments:

بيتنا القديم said...

وليكن

بس إحنا شاعرين بك وبسبعين مليون شاعر

زي وزيك الغصة تجرح حلوقهم

والألم يعصر قلوبهم

تحياتي

ويجعلوعااااااااااااااااااااااامر

حدوته مصرية said...

مش لازم تكون شاعر بمعنى شاعر يكفى الاحاسيس اللى جواك اللى فيها مليون قصيدة مش لازم تتطلع
و اقرا شعر كتير وجرب كتير يمكن برضه

Unknown said...

كنت عاوز اقول كدة من خلال كلامى
ان كل انسان لة احساس
وبيخنلف من واحد للتانى فى التعبير دة عن احساسة

شكرا ليك يا سمسم

Unknown said...

محمد ياسر

رايك جميل اوى يا محمد
ودخلت فى الصميم

واكيد هاقرا شعر كتير

بس احب اوضح حاجة

ان الشعر اللى كتبتة فى البوست
دة من زمان وانا صغير

اول ما عرفت يعنى اية شعر

سلامى ليك

smraa alnil said...

قووووووووووول يا حواس

المهم انك شاعر باللي انت شايف انك بتشعر بيه لانه الما شاعر بيه احنا كمان هنشعر باللي انت شعرت بيه
فهمت حاجة

Unknown said...

هههههههه
هاقول يا امينة

زيارة جميلة ياسمراء
وانا بحاول افهم

ومش هابطل
والحمد اللة ان فى ناس ممكن تحس باللى بقولة

Bossy said...

السلام عليكم
ازيك يا شاعر بجد شاعر
اللي كتبته من عشر سنين حلو اوي وفي معاني كتيره وعندك مفردات كتير معني كده ان احساسك بيخليك تستخدم اللغه بشكل مختلف
ودلوقتي اكيد بتكتب حاجات اجمد وكل شويه بتتغير اقرا كتير ودا هيفيدك واقرا لناس كتير
والله فكره الملوخية دي فكرتني بكلام كان في ملوخية وفراخ برده كان شعر

Unknown said...

بوسى

قد اية زيارتك ليا جميلة
اما بقى بالنسبة لموضوع الملوخية

متكتريش منها

احسن دى بطير الدماغ
والفراخ فيها اللى مكفيها

خليكى فى الفول

ونديها حتة فول

وشك زى الفلفل الاسمر
فى طبق فول وزتزن اخضر

Bossy said...

اهلا اهلا
الفول جميل جدااااااا
هجي هنا دايما
بس الموخيه والفراخ والله كانت كلمتها حلوه جدا بس الزهيمر اشتغل وحكم السن بقي وكده
جهز الاكل انا هاجي تاني

Unknown said...

ياة يا بوسى
دة انتى عشتى كتير اوى

ويارب تعيشى اكتر من كدة مليون مرة
احسن تفكرى انى بقر

وهاستنى منك اغنية الملوخية
والارانب
اصلى بصراحة مش بحب الفراخ

heba said...

مششرط تكون شاعر رسمي معاك الكرنيه عشان تكتب اللي انت عايزه واللي انت حاسس بيه

يكفي انك تقدر تعبر عن اللي جواك واللي انت بتقوله بيوصل لينا علطول

ودي أهم حاجة انك تقول اللي انت عايزه من غير ما حد يصنفك او يحكم عليك

وكفاية ان احنا شاعرين باللي انت عايز تقوله يا شاعر