Pages

09 April 2007

ولمستها



لمستها
ولمست فيها جرحها
وحكتلى اة عن سرها
حبتنى هيا ولا
قلبى حبها
كانت بتحكى وكاتمة بين عيونها دمعها
ولمحت فيها صورة حزينة
بتترسم
بخط احساس الندم
حسيت كلامها يتعزف
من جوة اوتار الالم
ملامحها كانت تنطوى
وتبان خطوط الياس فى وشها
لكنى واللة
حسيت كلامها
لمستها


حسيتها فيا ملاك رحيم
بيجسد براءة خطوتى
سكنت فى قلبى بصوتها الحزين
فرسمت تفاصيل ضحكتى


بينا خط العمر واحد
بينا دمع الحزن واحد
لسة فينا احساس بالكيان
مرسومة فينا نظرة تفائل


رغم اللى كان

6 comments:

بحب مصر said...

كلام جميل قوى و ينطبق على الحبيب و برضه على كل القيم اللى شاخت وضاعت وبقت مجروحه , مش كده و لا ايه

مش فاهم حاجة said...

بحب مصر
اكيد اوى اللىا نتى بتقولية

القيم كلها
بقى فيها شرخ بايخ بيعيبها

وبجد انا ممكن اكتب فى الموضوع دة

smraa alnil said...

ايه ياعمنا الكلام الجميل دة
حسيتها فيا ملاك رحيم
بيجسد براءة خطوتى
سكنت فى قلبى بصوتها الحزين
فرسمت تفاصيل ضحكتى


بينا خط العمر واحد
بينا دمع الحزن واحد
لسة فينا احساس بالكيان
مرسومة فينا نظرة تفائل

حلوين اوي الكام بيت دول
لمسوني موت
عجبتني اوي
استمر

بنى أدم مع وقف التنفيذ said...

لو فيه ملحن جامد كان عامل القصيدة دى أغنية جامدة

shams said...

التشبيه أكثر من رائع يعني انت بتقول لمستها كإن إحساسها تجسد في شكل مادي وده معناه انك حسيت بيها جامد

وأكيد وجود حد بتحبه وبتثق فيه جنبك وانت في حالة زي كده بيساعدك على انك تتخطى المشاعر الحزينة والمؤلمة دي ودايماً هتكون في نظرة تفاؤل رغم اللي كان

مش فاهم حاجة said...

سمراء

قد اية زيارتك بتكون جميلة بالنسبة ليا
لانى بحترم كتاباتك جدا

وكويس ان الكلام عجبك ويارب يعجبك دايما

بنى ادم

خلاص عليك انت تدور عالملحن
والفلوس نقسمها بالنص



شمس

جبتى الفكرة اللى كنت قاصدها بالظبط

بعد كل قصة حب فاشلة
كل انسان بيحلم انة بسرعة يلاقى حد
يبتدى معاة قصة جديدة
ويعوضة القصة القديمة بكل سلبياتها