Pages

29 April 2007

انطلاقة


انطلاقا من مبدا مش فاهم حاجة اكتب
مليون اتجاة جوة الحياة

وانا محتار اروح لفين

مليون امل مليون كابوس

احساس قساوة وشعور حنين

جوة الكتاب

رسمة امل

جوة الكتاب سطر حزين

اسم الكتاب قصة عذاب

واوقات

يكون اسمة الفرح

بداية الكتاب

صرخة الم

وناس فى عينها نظرة فرح

فيين اتجاهى فى الحياة

وطريقى

وطريقى فيها فيين منتهاة

متشتتين جوة الكتاب

متبعترين بين السطور

كان فينا حلم

لكنة غاب

وانفصل ما بينا بالف سور

حاولت اوصف

لاقيت كلام

ايوة كلام

بكلمة نبتديها

وبكلمة ننتهيها

قصة واجمل ما فيها


احساس اسمة الامل

سكة ومشينا فيها

عدينا اصع ما فيها

بتحدى فى العمل

لكنة كلة

كان كلام

***************************

انا والبنات وقفاك
نظرا للاقبال الشديد من بنات مصر المحروتة على برنامج

انا والنجوم و هواك

وضياع حق الشباب فى الاستفادة من الاستاذ المبدع الفيلسوف اسامة منير

قررنا نحن

ايوة نحن

افتتاح برنامج

انا والبنات وقفاك

انا=اللى هو كل واحد مش فاهم حاجة زى

البنات =سبب كل المشاكل واراهن اى حد يقول غير كدة

قفاك =دة نقطة النهاية لكل قصة حين يلتقى كف اليد مع القفا

وغالبا ما يصدر صوت رنان حسب قوة الفتاة


18 comments:

معندهاش إستعداد تفهم said...

شوف أنا هاقولك يعمل إية واعتبرنى واحد صاحبك
يعنى راجل لراجل .
لما يشوفها يعمل نفسه مش واخد بالة ، هى هاتلفت نظرة بأى طريقة ، بردو يطنش ، ويا ريت يعمل فيها زعلان وإنها جرحت كرامته وشوية حركات ، هى قلبها هايرق وهاتفكر تعتذر له إن مش قصدها تحرجة قدام أصحابها .
وابقى احكيلى على الباقى بقى
ههههههههههه

مش فاهم حاجة said...

راجل لراجل والميدان واسع

يابختك ياعم النصيحة جاية من واحدة وميقدرش عالبنت غير بنت زيها
رايك جميل اوى
وتقريبا فى اتفاق ما بينا

شادي فايد said...

البنات =سبب كل المشاكل
انا اعترض

العبارة دي بالظبط نوع من رمي المسؤلية على الغير

انا مش بقول انهم ملايكة

بس مش نحملهم سبب كل المشاكل

ارجو الموضوعية
:)
:)

مش فاهم حاجة said...

شادى فايد

شادى وفايد

كنت مستنى الاعتراض دة
وكنت عارف انة هايجى من شاب مش من فتاة

بس خلينا نحسبها بموضوعية

تعالى نبص على الحياة بكل طبقاتها

من اول الساعة سبعة الصبح لما بركب الميكروباص عشان اروح الكلية
وزى اغلب المصريين
بتزاحم وازاحم عشان اركب
وبعد ما اركب
الاقى برة الميكروباص اتنين بيتخانقوا
واكتشف فى الاخر ان السبب عشان مش عارف ميين زق مراة ميين او اخت ميين

ومش معنى دة لو انا كنت فى نفس الموقف مكنتش ها تخانق لا كنت هاطلع نفس رد الفعل

نوصل للكلية

جوة المعمل ممكن فى اى لحظة
تحصل مشادى كلامية مع زميل فى الكلية
رغم ان علاقتى بية جميلة وصافية
وبعد المشادة احاول افهم سر التعصب دة
برضوا تتطلع السبب بنت

اخرج مع صحابى
يوم الاجازة
الاقى الصمت قافل لسان كل واحد منهم
والقعدة مملمة
وفى الاخر الاقى السبب بنت

هو دة اللى خلانى ابنى الفكرة دى

فكرة البنات هما السبب

وانا مش بقول انى صح فى راى

انا واحد مش فاهم حاجة
عشان كدة بحاول افهم من الناس كلها مع اختلافهم

ومنهم انت

وهو وهى
بكرر انا واحد مش فاهم حاجة

وهاستنى مرورك تانى عشان تقولى اذا كنت فاهم ولا مش فاهم زيى

ليك تحياتى

معندهاش إستعداد تفهم said...

البنات = سبب كل المشاكل

عبارة صحيحة جدآآآآآ
إحنا سبب كل المشاكل فى العمل وفى البيت وفى كل مكان فيه إمرأة يبقى فيه مشاكل
بنطالب بالمساواة ولا حول ولا قوة إلا بالله
دخلنا فى كل المجالات وأصبحت أغلب البيوت المصرية العائل لها هى المرأة والرجل بيلعب طولة على قهوة كتكوت

واللى يقول غير كدة يبقى هو كمان
معندوش إستعداد يفهم زيي

الله يسامحة بقى قاسم أمين اللى قاد الحركة الفكرية لتحرير المرأة نصف المجتمع وفتح علينا فتوحة .

مش فاهم حاجة said...

اسف انا مربطتش بين وظيفة المراة فى المجتمع
وبين علاقتها بالمشاكل
اية المانع بين كون المراة نص المجتمع وبين
كونها سبب المشاكل

اة وبقولها تانى هى سبب فرعى فى كل مشكلة
ومش سبب اساسى

ولو انا قولت سبب اساسى يبقى انا واحد عبيط

لان مقدرش احصر سبب كل مشاكل الدنيا فى سبب واحد

وفكرتى دى وضحتها فى ردى على

شادى

وهو دة اللى فهمتة

عاشقة الوطن said...

السلام عليكم

حلو اوووى اووى مبدأمش فاهم حاجة
بجد شعرك وكلامك تحفة يابنى

وبعدين ايه حكايتك انت ناوى تشتغل مع عمك اسامة منير
قصدى يعنى هتعمل زيه وتشوف مشاكل الشباب برضه

ربنا يوفقك ياعم الحج

اما بالنسبة لصحابك خليه بقي يقيس نبض البنت الاول خليه يحاول يعرف هى كمان بتحبه ولا ايه النظام
احسن يقعد يحب فيها وهى ف الاخر يكون مش فى دماغها
وبعدين الرجل يجي يتعب بعد كده

مبروك يسيدى على البرنامج
انا والبنات وقفاك

مش فاهم حاجة said...

عاشقة الوطن

زيارتك الاولى ليا

ويارب متكونش الاخيرة

ورايك الجميل انا اعتز بية
ودة مش عشان ان كلامى عجبك
دة لانك بجد من المدونيين الجمال جدا

جدا

وكمان جدا عشان الحبايب

Bossy said...

This comment has been removed because it linked to malicious content. Learn more.

شادي فايد said...

انت ذكرت المشاكل بنفسك أهو

مين اللي عامل المشكلة

ولاد مش بنات

حتي لو سببها بنت

بس اللي عامل المشكلة هو احنا وتفكيرنا في البنات وانشغالنا الزائد بيهم وفي نفس الوقت انعزالنا عنهم كا انسان زينا ليه عقله وتفكيره اللي لابد نحترمه

لكن احنا بنعتبر البنت في حياتنا حاجة كبيرة قوي

كبيرة قوي

بس حاجة
شيء

ودي هي المشكلة

:)

shams said...

شعرك جميل يا مش فاهم وده بيوضح انك فاهم حاجات كتير وتقدر تعبر عنها كمان وياريتني افهم زي ما نت فاهم

المهم بخصوص انت والنجوم وقفاك .. اشمعنى القفا اللي انت اخترته في موضوع البنات

أنا شايفة ان البنت لما مرضيتش تكلمه بعيد عن اصحابها كان عشان خايفة على شكلها قدام الناس اللي هم سبب المشاكل يعني كانوا هيفهموها غلط ويقولوا عليها بنت مش كويسة وبتقف تكلم اولاد وكلام من هذا القبيل يعني مش تقل ولا حاجة ولو هو عايز يكلمها كلمتين بجد يقف يكلمها ان شالله مع واحدة صاحبتها تكون بتثق فيها جداً لكن لو تسالي بقى يبقى ميكلمهاش احسن

أنا مبفهمش حاجة في المواضيع دي بس بجد بحاول افهم

وبعدين البنات مش هم سبب المشاكل يا جماعة
عدم فهم كل طرف للآخر هو سبب المشاكل بس بصراحة شديدة البنات ساعات بيزودوها حبتين معتمدين على حاجات كتير شايفينها في صالحهم يعني على سبيل المثال لما يكون في سكشن عملي ولازم نروح المعمل كانوا البنات بيتزاحموا على الباب ويا عيني الشباب ميقدروش يزاحموهم لاعتبارات مفهومة .. بجد كنت بزعل ان البنات بتعمل كده .. يعني هم الشباب عشان محترمين ومش بيزاحموكو تقوموا تهضموا حقهم .. ولما الشباب ييجي يدور على حقه يقولوا عليه مش محترم وكلام كده

لازم نظرية تعامل الرجل مع المرأة وتعامل المرأة مع الرجل تتوضح وتتفهم عن كده ويبقى ليها ملامح صريحة وإلا المشاكل هتفضل موجودة علطووووول بغض النظر مين السبب في الأول

david santos said...

Thanks for you work and have a good day


My next work goes to be made in Arab. The heading is: Egipto, the mother of the World.

مش فاهم حاجة said...

شادى انا بجد اقتنعت بكلامك
وفى طريقى انى اغير

فكرتى

بس انت فهمتنى بمعنى بعيد اوى عن اللى اقصدة هو يمكن فى نفس الاتجاة

بس انت عديت المعنى بتاعى وروحت لمعنى ابعد

بشكرك جدا يا شادى


ويارب تكون مساعد كدة دايما

مش فاهم حاجة said...

شمس

واللة وصلتى لفكرتى

اللى من الصبح عاوز اوصلها للناس

بشكرك انكك وصلتيى بكلامك لفكرتى

اة واللة اخيرا وصلت


بالنسبة لموضوع الماسوف على امرة صاحبى
ردك علية كان ردى

وانا برجع السبب لانة كان متسرع زيادة
ودة عيب وحش فية وياريت يقدر يغيرة

مش فاهم حاجة said...

الجميلة اوى اوى اوى

بوسى


بشكرك على اللينك دة اوى

ويار ب ينفعنا بية
وتستفيدى انتى كمان بية من حسنات فى الاخرة


بشكرك تانى

FrEe.PhArAoH said...

صديقى محب منيييييير

برتاح لما بدخل البلوج بتاعك

الشعر جميييييل جدا بجد .. سياتك موهوب بدون شك

بالنسبة لموضوع البنات سبب المشاكل فسياتك لو حللت هتلاقى ان عقل الرجالة لما يقرب من حيز نفوذ البنات بيبقا اصغر من حبة السودانى .. فالموضوع رجالة عقلها صغير وبنت جميلة او رقيقه ملهاش زمب فدا دا من ربنا .. واظن ان المشكلة لو كانت على اختك او ما شابه يبقا ليك حق فيها انما مش بتحمى بنت مثلا من حيوان والمشكلة لسبب تانى فدا تفاهه من الولاد انه يعمل مشكله على واحده او يخسر صاحبه عشان واحده .. مهما كانت .. ويمكن هى اساسا مبطيقوش

اما عن صاحبك ففعلا يتأكد الاول بتحبه ولا لأ .. ولو مبتحبوش يحاول يخليها تميل له .. ولو بتحبه يثق فنفسة وينفض للارتباك والكلام دا ويتعامل ببساطه جدا .. خليه يحاول ولو اتعامل ببساطه وعلى طبيعته الموقف هيكون مؤثر اكتر .. بس ينفض للاحراج .. مفيش احراج الموضوع مش محرج اساسا .. كتير قبله حب ومعرفش يكلم وكتير بعده هيحب ومش هيعرف يكلم بس الرك على ثقته فنفسه

عامة اعذرنى ع التطويل موضوعك مثير بجد وجميل جدا

خالص مودتى

مش فاهم حاجة said...

الثورجى المعترف

اخيرا عملتها وجيت عندى

بجد بجد المدونة نورت
وكنت مستنيك من زمان

بالنسبة لرايك

انت عملت اختصار لكل الافكار اللى دارت فى دماغى

وخرجت بالفكرة النهائية


انا هاستنى زياراتك كل مرة

عشان اتمتع برايك الجميل

وليك خالص تحياتى

chico said...

انا مش عارف اقول لك يعمل ايه بس انا موافقك ان البنات هما سبب كل المشاكل ياريت تدخل البلوج بتاعتى هتعرف رأى فى الموضوع ده