Pages

14 April 2007

اعتقلوا الحلم الجميل


انا
اقولها وانا فاقد لكل معانيها الانسانية
اقولها لاعبر عن حبى ل هو
هو هو حلم فى وطن لا يقبل الاحلام
وطن يحكمة ارباب الفساد
وطن تلاحقنا امواج اليائس فى بحرة
هو من استخدم عاطفتة الوطنية ليقاوم الامواج
ليسبقنا الى منصة التكريم الوجدانى
ونحن هنا ننتظر الرحيل الية


حلمت وحلمى مسجون
وانا واقف على الباب سجان
وباب السجن مقفول
ومفتاحة فى بحر من النسيان
يا حلم راقد فى السجون ابكى
وللذكرى ارسم دمعتى واكتب
عن قلب طاير فى
السما فرحان
دلوقتى عندة مالشجن بركان


الوطن اصبح لا يعنى لى
الا الحزن بكل معانية القاسية
لكنى اعلم دوما انا الحلم سيخرج من قضبان السجون
سيخرج سفينة تعبر بنا امواج الظلم




ياللى سجنتوا الحلم
الحلم ساكن فى الغيطان
بذرة
الحلم صاحى فى الكتب فكرة
الحلم طالل فى اللوح رسمة
الحلم ساكن جوة وطنى
رغم جدران السجون




لازم نصحى لازم نصرخ بعلو صوتنا
اكيد الدور المرة الجاية على واحد مننا
طول مالصمت هو رد الفعل اللى بنعملة
اكيد الدور هايجى علينا
واحنا هانتسال قدام ربنا
على كل اللى
لية سكتنا
لية ضعفنا
لية رضينا بالظلم
لية رفعنا شعار انا مالى


اصحى يا امل اصحى وفوق
بعد المغيب جاى الشروق
بعد الطوفان بيبان شطوط
بكرة الجراح تدبل تموت
رغم الكبوت
رغم صوت الظلم وقت السكوت



انت يا طير يا عارف شكوتى
احكى حكاية وطنى لكل قاضى فى دنيتى
يمكن يحكم حكم عادل فى قضيتى
ويخرج حلمى تانى ينور سكتى

14 comments:

SomeOne said...

عمر ما كان الحلم سجين

احنا ليه بنعلق حلمنا على شخص بعينه

Unknown said...

احنا مش بنعلق الحلم على شخص
بس الفكرة فى ان الحلم بينهار لما طوبة منة بتقع زى البيت بالظبط
وادى طوبة وقعت وبعديها طوبة كمان
لحد ما نصحى يوم نلاقى البيت كلة وقع

nohamy said...

مع اني مش عارف حكاية و الصورة
بس طبعا السجن شئ بشع

حائر في دنيا الله said...

حلمنا معاك مسجون يا صاحبي علين ان ندعو نعمل بما هوا واجب لفك اسره
واسرنا

Unknown said...

بنى ادم
يا رب
تكون عرفت اية الحكاية

وتعرفها مالبداية
هيا حكاية حرب ونار
وبينا وبين الاستعمار
ايوة هو استعمار

Unknown said...

حائر
هاندعى
ولازم هانتحرك
مادام قادرين عالحركة

david santos said...

WE GO TO CONTINUE TO EXCEED THE BARRIER OF THE LANGUAGE, SO THAT BUSH AND OTHER TERRORISTS NOT TO CONTINUE LIE

لقد أن تنتهي مع باري لغات منها بوش وغيره من الارهابيين لا تزال تكمن

Bossy said...

السلام عليكم
يمكن الحلم مسجون بس الاكيد اللي احنا اللي سجناه
بتخيل دايما اننا عايشين في مكان ظلمه المشكله ان في شباك في المكان دا
بس احنا مش بنفتحه اذا كنا مسجونين فاحنا السبب وكونا نخرج دا بايدنا

Unknown said...

bossy
بجد انا متفق معاكى فى تصورك لحالة السجن بتاعنا
واكيد فى شباك
واحنا خايفين نفتح حتى الشباك
مع اننا عارفيين ان ورا الشباك الحرية باسمى معانيها

كلبوزة لكن سمباتيك said...

مش عارفة اقول اية

هو لسة هربان؟
و لا اتقبض عليه

ربنا يفك سجنه و يصبر امه و ابوه

كلماتك صادقة و من القلب

يا رب

أجدع واحد في الشارع said...

يا جماعة بجد انتو لازم تشركوني حفله عيد ميلاد جينرمو معايا فى البلوج بتاعى انهاردة عيد ميلادها عشان انهاردة بجد اسعد يوم فى حياتى

heba said...

ملكة الشعر عندك جميلة وبتعرف تعبر كويس اوي
بس عالأقل انت متفائل وشايف ان السجن اللي جواه الحلم محبوس له مفتاح وأنا عن نفسي الوطن بالنسبالي الحزن بكل معانيه القاسية ولكني لا أثق تماماً في انه هيخرج من قضبان السجون

جايز تقول على مش متفائلة بس الحقيقة انه واحد بس لو اتحرك مش كفاية عشان نخرج للحرية لازم كلنا مرة واحدة

الحلم .. الأمل .. بكرة .. كلمات أصبحت بعيدة المنال

Unknown said...

سمباتيك

بشكرك على رايك الجميل دة

وهاقول معاكى يا رب



اجدع واحد فى الشارع


انا روحت باركتلك هناك
وكل سنة وهى طيبة وبخير


شمس

التفائل اللى انتى حسيتية فى كلامى

دة نابع من الامل اللى جوايا
فى ان كل الناس تتحرك
مش واحد بس اللى يتحرك
انا لو كنت بحلم ان واحد بس اللى يتحرك
اقدر اقولك
انى لازم اخد لقب عبيط
لان دة اسمة هبل

انا بشكرك على رايك الجميل دة
ويارب كلنا نتحرك
ونحرك لبلدنا لقدام

AbdElRaHmaN Ayyash said...

وقع بيان المدونين للتضامن مع عبدالمنعم محمود
شارك بتوقيعك
أنشر البيان في كل مدونة تعرفها
ساهم في حرية المدونين .. وحرية منعم
http://free4monem.blogspot.com/