فى ليل عشقك

فى ليل عشقك يطوف معنى برى للخوف

ابات عطشان سراب صورتك

تاخدنى التوهة تحدفنى

اعود بردان

كما المشتاق دفا صمتك

فى مملكتك

انا الصوفى

بفوت الدنيا واتامل

فى شى فيكى يحرك الف شى فيا

فيجرى الدم فى عروقى

كما المجنون

فيرقص قلبى اقوم ساكت

ومن تانى اتامل

فالمح نظرة مش  فرحانة … مش حايرة

بشوفك من كادر ثابت

منيش قادر افسرها

يكونش الحزن بيزورك

يزيد عجزى

فى مملكتك

بيتسرسب عمرى

باكون راضى

ساعات بغضب

لكن برجع واقول راضى

محاكمة قمر

خبر انتصارك عالظلام

قصة كفاح

فكرة وجودك

فى الافق  … لمسة جمال

عزفك واوركسترا النجوم

فعل استباحة .. للالم 

الكون تعيس

لونك .. وفلسفة النقاء 

تغريد وحيد

كئيبة الوان البشر

شاهد  اخرص للاحزان

قافل كل بيبان البوح

رافض تدخل دايرة نوح

تشارك بيها بنى الانسان

قالوا قديما انك عاشق

ولا شوفنا للعشق مذلة

ولا غير دورانك شوق

زادك فكرة .. وحلمك زادك

ماشى طوفان بيزيد بالسكة 

ولا ينقصش من زوادك 

إنت يا عالى عاشق جدا 

لكن عشقك كلة لذاتك 

ذاتى وذاتك

ذاتك ذاتى

شى متدارى ورا الاحلام

حكم الغيرة

جايز .. يمك

او غلطان

بكرة الراكب

موجة فى بحر ملوش شطئان

مش راح ياسئل ميين انسان

قادر تجمع كل نجوم السما دى فى ليلك

وتحرم منها الف نهار

منتاش منى

باهت حسك بالاحزان

ظالم حكمك عالالوان

ابيض … اسود

وبتتبدل

منتاش مالك فعل كمال

ايا انسان

مجرد اعمى

الامر الممتع بالنسبة لهذة الحياة ,  هو انك كلما وصلت لمنطقة ما  , تستطيع منها ان تقول ,  الرؤية  هنا جيدة ,  تجد احدهم قادم من عالم اخر يخبرك بانك مجرد اعمى