Pages

07 April 2010

اخر مواسم الجراد






اخر مواسم الجراد

فى تحدى سافر للوجع 

طرحت دموع الامكنة  ...  اخر معاد 

بسؤال اخير 

يا حلم يابن المستحيل 

لية بعد قومة جاى تميل 

وتقول خلاص الموت ازح 

دة التانجو مش زى الحياة 

مش بس رقصة .. وفجر واصل منتهاة 

إطلق دراعك للفضا 

حس بطوفان المعركة 

ظبط إيقاعك عالنغم 

انت الوحيد تحت السما 

يابن الليالى الميتة 

فجر الضحكة التعيسة ... وبخطوة اولى عالوجع 

إقطع شرايين الندم 

وإتامل الامر الالهى    وابتسم 

منتاش بطل 

وبليد ف فن الشعلقة 

وبخطوة جاية راح تقع 




فعل الهروب

مفيهوش جواب للاسئلة

دق الخطاوى المزعجة

تغريد بنشوة الانتصار

يائسك فى عتمة كون حصار

طلع القمر


غاب القمر

منتاش قمر

وبليد فى فن الشعلقة ...

8 comments:

ســـــــهــــــــــر said...

يا حلم
يا اللى متشعلق على سطرين
و مستنيه يتحقق على فجرين
فجر و لسه حيشقشق
ما تعرف امتى ولا منين
و فجر و كان
بنتغنى ف حكاوى زمان

يصاحب قمرى كرباجه
ويجلد ضهر لياليه
و يسكن ليلى ف همومه
و يبكى البدر ف نجومه
فتتساقط
و اروح ساقط
من الايام
و اكون عايش
على الهامش
لا اكون انسان
و لا بيكون لى يوم عنوان
و لو ايامى تكتبنى
تشد الخط من تحتى
ما يرفعنى
اكون مكسوف
و تقلى خوف
اروح واقع لتانى سطر
وقوع بيجيب وقوع تانى
و تبقى صفحتى فاضيه
تيجى القاضيه
فيكتب الزمن انى
هنا عديت و اكمنى
خفيف جدا كما النسمه
فقدمى ما سابش و لا بصمه
------------------------------


بما انك افتريت و نويت تقطع عيشنا م الشعر بعد التحفه الرائعه اللى كتبتها
ما عرفتش اكتبلك رد يليق بروعتها
و لا كلام يعبر عن اعجابى

لكن افتكرت انى كنت كاتبه دى من فتره

معلش استحملنى لازم اجى و اقول

قهوة بالفانيليا - شيماء علي said...

كويس يا مصطفى اوي
اوي
:)
عجبني النص جدا
جدا
فعلا ًنص جميل

"فعل الهروب
مفيهوش جواب للاسئلة
دق الخطاوى المزعجة
تغريد بنشوة الانتصار
يائسك فى عتمة كون حصار
طلع القمر

غاب القمر
منتاش قمر
وبليد فى فن الشعلقة "

دة اكتر جزء عجبني :)

Falcon said...

مصطفي .. انت مبدع بجد

ربنا يوفقك يا ريس

Saydalanya Mat7oona said...

رايحة جاية ع البلوج و مش عارفة أسيب تعليق

فى حاجات بقراها كده...بترسخ جوايا معانى و أفكار و بتكون ثقافتى فى تعاملاتى مع حاجات كتير ...كتاباتك من هذا النوع

أنا مش عارفة اقول حاجة تانية غير

تسلم

واحد مش فاهم حاجة said...

يصاحب قمرى كرباجه
ويجلد ضهر لياليه
و يسكن ليلى ف همومه
و يبكى البدر ف نجومه
فتتساقط
و اروح ساقط
من الايام



طيب حد يقولى ميين بيقطع عيش ميين من الشعر دلوقتى
بجد قصيدة فى منتهى الجمال والسلاسة

منورانى دايما وابدا باذن الله

--------------------------------

falcon

شكرا يا محمود على رايك اللى اعتز بية


----------------------------------

صيدلانية مطحونة

برغم نوع من السعادة وصلنى بتعلقيك الا انة برضوا فية حاجة تخوف لان لما يبقى ليكى تاثير ولو بسيط فى حد بيخليكى تراقبى افكارك اكتر

سيب من دة كلة

منورانى بعد غياب

واحد مش فاهم حاجة said...

شيماء على

مش عارف فى حاجة غريبة حصلت فى التعليقات ماخدتش بالى من التعليق


انا كنت نشرت القصيدة دى بدون الجزء اللى حضرتك ذكرتية من حوالى اربع شهور واعتبرتها محتاجة تكمل
وكان الجزء دة هو تكملتى ليها بعد فترة
فكونة يعجبك اكتر دة ميزة
اقصد يعنى ان لما تسيبى القصيدة من غير ماتكمل وتكمليها بعد كدة بتكونى فقدتى احساسها الاول بس كونك اثنيتى على الجزء دة يبقى حاجة حلوة مش كدة ولا اية

منورانى

(:

max.adams said...

منتاش بطل
و بليد في فن الشعلقه

و أحلى ما فيك
أنك تحاول و تتشعلق و عندك قلب بعد ما تقع ، تقوم تاني و تتشعلق

واحد مش فاهم حاجة said...

max.adams

بص يا ابو الفناكيش هو الشعلقة فى حد ذاتها مش فعل حميد بس فعل لابد منة والقدرة على التحول من السقزط للشعلقة بمنتهى التلقائية دى تعتبر قدرات خاصة تبقى حاجة كدة زى سوبر هنيدى

منورنى