Pages

18 February 2010

سباحة فى ادب دوستويفسكى







دوستويفسكى , روائى روسى يعتبر الاكثر توغلا فى النفس البشرية بحسب اراء النقاد اعتبرة انا الاكثر تطرفاً فى التعامل مع النفس البشرية فهو ليس بمن وقف على حافة الانفس ليشاهد ثم يعود بعد ذلك لسكب ما شاهدة على الورق فيصيغة الى القراء فى صورة رواية ،هو بمنتهى التطرف يجرد انفس الشخصيات التى لسوء الحظ قدر لها ان تكون احد شخصيات روايتة ،يجردها مما يسترها فتقف امام الناس عارية بلا حجاب يظهر كل ما بداخلها من خير او شر حب او كرة فالامر هنا متساوى فلو قدر لجميع البشر ان يقفوا هكذا مثلما تقف شخصيات روايات دوستويفسكى امام القراء يكاد يكون درب من دروب الخيال ان تفترض مجرد افتراض ان العالم حينها يستطيع ان يعيش حياة سليمة بدون اى قتال ، لو حدث فهذا هو الجنون
قرات من هذا الجنون عدد لا باس بة وكانت اول قرائى رواية الفقراء وهى فى الاساس الرواية الاولى للكاتب ثم قرات المثل ثم رواية قلب ضعيف ثم الليالى البيضاء ثم رواية قرية ستيبانتشيكوفو و سكانها ثم رواية حلم العم ثم انتقلت بعد ذلك لقرائة 3 روايات يعتبرهم النقاد خلاصة او قمة التطور فى ادب دوستويفسكى هم المقامر و الجريمة والعقاب واخيرا اقرا فى رواية الاخوة كرامازوف




من رواية الاخوة كرامازوف تستطيع ان تسبح فى بحور التامل لدوستويفسكى وذلك لسببين


السبب الاول 
الرواية فيها الكثير من الصراعات التى تدور داخل الكاتب وتحمل كثيرا من الاحداث التى هى فى الاصل مستمدة من حياة الكاتب نفسة 
النقاش حول الشيوعية القائمة على الالحاد و طموح الكنيسة المادى البعيد كل البعد عن روح الاديان السمحة وسيطرتها على عقول الشعوب بقصص وخرافات ليس لها من هدف الا الى عزلة الانسان عن مجتمعة تلك العزلة التى وصفها دوستويفسكى على لسان احد الشخصيات "فاعلم ان ملكوت السماوات سيتحقق على الارض فى يوم من الايام ولكن ذلك لن يكون الا بانتهاء عهد العزلة ان كل انسان يجهد فى سبيل ان يتذوق الحياة كاملة مبتعدا عن اقرانة ساعيا الى السعادة الفردية لكنها لاتقود الا الى نوع من الانتحار الجماعى بعزلة خانقة " الكاتب واجة النفى بسبب افكار اشتراكية كادت ان تنهى حياتة مبكرا ولانة لم يعتمد فى الرواية على مذهب فلسفى جامدا يدعو الية ويتعصب لة بل جعل كل الشخصيات تعبر عن مذهبها وافكارها بالتساوى كانك امام دراسة عميقة جدا فكل ما وصل الية الفكر الانسانى من طرق وافكار حاول الانسان  ان يسير بها حياتة على الارض وعلاقتة بالخالق ،  فكانت النتيجة ان قوبل بالنقد من كل الاطراف اتهمة العلمانيون بالتخلف واتهمة المحافظون بالالحاد والدعوة الى الفسوق والفوضى واتخيلة انا مجرد تصور برىء انة وقف وسط كل هذا ضاحكا بسخرية من سذاجة الخلاف حسب ما شاهدة من موقعة هو موقع الذى بحث وفكر كثيرا ، اتخيلة ضحك كثيرا من سذاجة الخلاف وتطرف المختلفون          






السبب الثانى 

السبب الثانى الذى يجعل من الاخوة كرامازوف مدخل لادب دوستويفسكى هو الشخصيات المستمدة من روايات سابقة فتجد ايفان فى الاخوة كرامازوف يحمل كثيرا من افكار راسكولنكوف بطل الجريمة والعقاب ولكن بفرق جوهرى فايفان تجدة مشتعل الفكر لكن لا يشغل بالة بالفعل مجرد مفكر جلس مشاهدا لما سيحدث وبرغم انى لم انتهى من قرائة الرواية الا انى اعتقد انة سيظل لاخر القصة مجرد مفكر اما راسكولينكوف فقد دفعة تفكير لقتل العجوز المرابية التى حسب تصنيفة من النصف الذى خلق ليتبع القانون اما هو فقتلة لها لانة هو من النصف الذى خلق ليكسر القانون ، اما شخصية الاب فهى قريبة جدا من شخصية فوما فيتش فى رواية قرية ستيبانتشيكوفو وسكانها ذلك المهرج الذى نزل ضيفا على اسرة مستقرة الحال فاستطاع بالخبث والدهاء ان يستعبد كل افراد الاسرة ويتحكم فى افعالهم وكل حياتهم لدرجة ان اعتبرة اغلبهم بمثابة اب روحى متناسين تمام انة اتى لبيتهم مجرد مهرج عملة هو ان يضحكهم



   


 

7 comments:

OldCatLady said...

مبدئيا قبل ما أعلق...أنا هقوم أريح عينى دقيقتين لأن الألوان جابتلى ما يشبه العمى المؤقت

نتكلم بقا.....نظرا لأنى مقريتش أى حاجة لديستويفسكى قبل كده غير شوية مقتطفات و كلام قاله فى رواياته و بعض من آرائه...فأنا مش هقدر أقول حكم منطقى على الروايات اللى أنت اتكلمت عنها لأنى ما مسكتش كتاب كله على بعضه لديستويفسكى و قررت انى اقراه

لكن فى المجمل الأشخاص اللى بترهق نفسها بالدرجة الكافية انها تفكر و تحلل و تطلع بنتائج ممكن تسكت عقلها القلق بطبعه لازم يطلعلها أشخاص يحكمواعلى تفكيرهم ....لأن البشر بطبعهم مبيعرفوش يعيشوا من غير ما يصدروا أحكام على اللى حواليهم حتى و ان حاولوا جاهدين انهم ميحكموش عليهم فعلا

الخلاصة انه فعلا مينفعش تصدق رأى معين عن شخص الا لما تجرب تبص للدنيا من منظوره لفترة....

أنا قررت خلاص...لما هروح أشترى كتب..هيكون هو على أول اللستة...

تحياتى

Unknown said...

متاسف على حكاية الالوان انا غيرت لون الكتابة للرمادى

بس لسة شايفها صعبة برضوا فى القراية هو الخلفية الاسود دايما صعبة باذن الله هادور على حل وسط


هو دوستويفسكى من ناحية السرد والقصصية اعتقد انة مش عالى اوى يعنى مش بيكتب النوع من القصص اللى فيها احداث كتير بس هو جمالة فى الطريقة اللى بيعيشك بيها جوة الشخصيات وانصحك بشدة للقراية لية


رايك عامل زى مقولة يمكن انا بحب اكرها كتير

الاقتراب من كل شى يؤدى بنا الى الاحساس بكل شى

الى اخر المقولة اللى بنتنهى الى التسامح مع كل شى


منورانى

Tamer Nabil Moussa said...

الف شكر على العرض الطيب عن الكاتب دوستو يفسكى

انا معرفشى اتكلم عن اسلوب كتابتة ان كان كويس او لا

انا عندما اتابع رواية بحكم عليها زى قارىء عادى حلوة وحشة وحكمى بيجى حلوة لو شدتنى منذ سطرها الاول الى الاخير

وحشة لو من اول سطر لم تشدنى

انا عن نفسى بكتب حاجات شبيهة بالقصص وما هى بقصص اعتبرها حواديت او حكايات دون ارتباط باى نص ادبى معروف

الاهم عندى متعة القارىء وصول الهدف من الحدونة وعشان كدة تجد اختلاف الناس واكثر من اراء من افكارى اللى بكتبها

مع خالص تحياتى

هبة النيـــــل said...

لم أقرأ له .. أولا لا أحب الروايات.. ثانيا لا أحب هذا النوع من الروايات..

لكنني رأيت الفيلم الإخوة كرامازوف

وما تحمله كل شخصية من مشاكل داخلية..

هنا سؤال ألح علي..

هل هي دراستك التي جعلتك تتبحر في كل هذه التفاصيل؟؟

أم حبا في هذا النوع من الروايات؟؟

max.adams said...

دستويفسكي
إذن أنت تتحدث عن دستويفسكي
في الواقع لم أقرأ له شيئاً و لم أعرف عنه الكثير نظراً لأني لم أنجذب نحو الأدباء الروس كثيراً منذ أن حاولت القراءة لتولستوي ولم أجد إلا الكآبه ... لا أجيد قراءة الأفكار الوجدانيه المتعمقه ولا الروايات التي تتشكل كدراسات نفسيه

لك جزيل الشكر على التبسيط و تقريب المسافات لربما جنحت نحو قراءة احدى رواياته كنوعٍ من التغيير طالما أنه ليس بهذا السوء الذي ظننته

شكراً لك

Unknown said...

Tamer Nabil

هو انا برضوا مش بحب التفكير فى الرواية بطريقة ناقد
وبحب برضوا استمتع بيها زى ماهى ومفيش غير تقيمين حلوة او وحشة

بس انا وقفت قدام الكاتب دة لان لاقيت فية توغل اوى فى الشخصيات صعب تلاقيها فى اى كاتب تانى وصعب تبقى عند اى حد

ودة اسلوبة

وانت برضوا ليك اسلوبك اللى انا بستمتع بية جدا قدرتك على تبسيط القصة لكن بتخرج منها فى الاخر معنى جميل


منورنى

------------------------------------
هبة النيل

هو انا مش عارف هو حضرتك صنفتى الرواية تحت اى نوع بس هو اللى جذبنى اكتر اسلوب الكاتب اكتر من الرواية

لا انا دراستى ملهاش علاقة بالادب خالص

تحياتى

---------------------------
ابو الفنكوش

هههههههههه يعنى ولا قريت لدستيوفيسكى

ولا تولستوى ولا ادب روسى جاى تعمل اية هنا

لا بجد حاول تقرالة هو صحيح هاتلاقى نفس الكابة بس كابة ممتعة

max.adams said...

في الحقيقه أنا مش متابع ازاي كآبه هتبقى ممتعه ، بس أوعدك هضغط على نفسي و أحاول ... لربما لربما