Pages

07 March 2010

نشوة الانتهاء

عفوا لقد فقدت القدرة على الاندهاش ، مر من العمر سويعات كثيرة ، يعلم الله وحدة فيما قضيتها ، اكنت تقف وحيد فى وضعية انتظار ام شريدا فى وضعية انتصار تقذف العابرين بكلام عابر ، شى ما يتبدل فى سكون تام ، لا تتهم عقارب الوقت فمن قبل حملت جروحا لالتئام ، ابحث جيدا ربما سقطت ذراع او ازداد احد الاصابع طولا ليسخر من القادمين  او ربما نبتت لكل جذور فى الارض ليس لتمنحك الحياة وانما لتخبرك انك قادم لموت اكلينكى موت يجعلك تشبة الاحياء من النوع الاخر 

حكاية امس عن الجنية التى تتقن الغناء والفارس الباحث عن الجمال ، حكاية بلا مغزى ، اى مغزى كنت تنظرة منها ، او تظننى اعلمك اللهث وراء الاشياء حتى ولو كانت تلك الاشياء فيها من الجمال او من الصفاء ، لا اريدك مجرد لاهث ، توقف عن الجرى




نشوة الانتهاء من كتابة قصيدة ، تلك الابتسامة التى تزور ملامح وجهك فتمنحة نوع من السكون ، ليس بالضرورة سكون ملائكى قد يكون سكون طاغية وقف وحيدا على جثث شعبة



5 comments:

هبة النيـــــل said...

حساهم 3 أفكار منفصلين تماما

بس يدلوا على عبقري واحد

:)

Unknown said...

انا فعلا مش فاهمة حاجة ..
بس حاسة انه حديث شخصي معاك ..
انت و انت
عجبتني اخر جملة
طاغية يقف على جثث شعبه
مش عارفة لو دي مفتاح النص كله
مش عارفة :)

OldCatLady said...

قد تزور الا بتسامة وجهك فى نهاية كتابتك لقصيدة لأنك أخيرا قد نجحت فى اجلاء واحدة من تلك الأفكار التى يؤرقونك و جعلها أسيرة الورق

حلو أوى عنوان البوست....مجرد الانتهاء من حاجة له نشوة....حتى و لو كانت انتهت لأسوا ما يكون

كتيــــر جدا بيقولوا العبرة بالنهاية.....و ناس أكتر بيقولوا العبرة باللى حصل قبل النهاية....طيب ليه العبرة مش باللى بيحصل بعد النهاية المزعومة

تسلم

shoshta_ joker said...

السلام عليكم....
اول زيارة ليا


فى الاول مش كنت فاهمة اى حاجة ع الرغم ان الكلام شدنى

بس فى الاخر فهمت شوية حجات

وحسيت انهم تالت افكار منفصلين لو الى فاهمته صح

اخر فكرة عجبتنى اوى


دومت بخير
فى رعاية الله
shemo

Unknown said...

هبة النيل

هما فعلا 3 افكار منفصلين

ومن باب الغرور العبقرى واحد برضوا

:)

بهزر طبعا

منورانى



-------------------------
شيماء على

اوقات بتكون الكتابة نوع مالاستبداد زى ما قريت قبل كدة لاحلام مستغمانى وهى بتوصف احد شخصيات روايتها

فى ما معناة انها بتحترف القتل على الصفحات البيضاء

بس هما افكار منفصلة

----------------------
صيدلانية مطحونة

هو دايما الكتابة مبتكونش نتيجة فكرة واحدة انما ترسب افكار كتير تقريبا بتفضل تتجمع لحد ما يحصل انفجار

هو العبرة بتبقى بعد النهاية انما النشوة بتبقى فى الطريق وبتبدا تنتهى مع بداية النهاية

تحياتى

-----------------------

shemo

هما 3 افكار منفصلين فعلا

منورانى فى اول زيارة و فى الزيارات الجاية كمان