اضحك اضحك
اضحك جدا
خلص ضحكك ... قبل مايدن
فجر ملوهش فــــ فن النكتة
ارسم ضحكة يلا اومال
ارفع حاجب
إفرد شفة
حرك حس براءة فــــــ قلبك
وازى مابين الخوف والتوهة
ماتت روحك ولا بتعشق
نظرة شفقة
فــــ عين مخنوقة
بدمع حقيقى ماللى بيكشف
كدب الضحكة
قادر تضحك ؟!
قادر تكدب ؟!
كدب صغنن لاجل ما تضحك
ضحك بيكدب
9 comments:
حلو قوي الموضوع
متماشي كمان مع دعوه
اطلقها بعض المدونين
لجعل يوم 10 اغسطس هو يوم للبهجه
كل الناس تنزل بوستات مبهجه
عشان نسمع كلامك
ونضحك
تحياتي
للاسف الشديد مؤهلاتى للمشاركة فى يوم البهجة كلها رجعت بنتايج سلبية لان كان الشرط ضحك حقيقى وانا بضاعتى كلها ضحك بيكدب
سامحنى المرة دى يابو العريف ولسة بدرى على يوم عشرة اوعدك اجيب بضاعة جديدة تنفع لليوم دة
منورنى
من زمان مفروض علينا -- الكلمتين --
الضحكتين الگدابين
المحتارين
لحد امتى
نهار يخاصم-- و ليل يقاسم -- كل نقطة ضي غلطت جت ف غفله م الطريق
و الغريق -- ما بقاش بيتعلق بقشة -- رفيق
--------
دايما ف نصك بتدوس بالحرف علي الوجع
جاااامد
بس النص جماله بيشفع للوجع
حلو اوي ضحك يكدب
مش عارفة ليه حسستني بالحزن اوي لما قريتها
المسخ راسم طلتة
فوق وشوشنا بكلمتين
الفرض كان فية اباحة
لضحكة نابضة بالحنين
بس ميين يقول امين
انا اللى بيبهرنى قدرتك على التعليق على الشعر بشعر بيعبر عنة فى منتهى الجمال دة
شكرا بجد
-----------------------
سمراءالنيل
ام حنين منورانى هنا يا مرحبا
ماهو الضحك اللى بيكدب دايما مش صادق حتى مع نفسى
جايه على الوجع و فوقتها اوي
احاسيسها معبره جدا تسلم ايديك
كان نفسي ارد في وقت احسن من كده عشان اقول ان لسه في امل طول ما لسه فينا نفس
بس اكيد برده فيه امل مش كده
ربنا يبعد عننا الأحزان و نعرف نضحك ضحكه صادقه من القلب
نسيت اقول كمان ألف مبروك النتيجه و يارب دايما جميله
تفتكر لو الواحد كدب علي روحه وضحك ممكن ده يعمل فرق؟
أحييك ع البوست يا باشا
تحياتي
مجهول
شكرا الاول على التهنئة
هى لو مجتش عالوجع هايجى بدالها الضحك اللى بيوجع اعتقد الصدق بيبقى انسب فى الوقت دة وانسب دايما يمكن حتى يخليك تاخد لقب انك بنى ادم حقيقى وهو معنى اعمق من الحوف اللى بين الحاء والياء
تحياتى
-----------------------------
micheal
مليون فى المية فى فرق انك بتيجى على نفسك اكتر
انا اللى بحييك وبشكرك على زيارتك
انا متابع الانترفيوهات بتاعتك بشغف
مش عارف ينفع اقولك يارب اتابعها على طول ولا اقولك يارب الحلقة الاخيرة تيجى بقى
منورنى
Post a Comment